FTNA KISWAHILI 2022.pdf (Size: 542.96 KB / Downloads: 44)

  Nadharia Za Uhakiki Wa Fasihi.pdf (Size: 296.97 KB / Downloads: 1)

  TOFAUTI KATI YA MOFIMU NA SILABI.pdf (Size: 56.71 KB / Downloads: 15)

HIVI KWA NINI TWAVAA?
Wasomi na wasomaji, tujadili hili jambo,
Tusibaki waigaji, kukimbilia mikumbo,
Lisilo na mfumbaji, la mavazi hili fumbo,
Dhima ya kwanza mwilini, yatusitiri mavazi.

Pengine twajivalia, kuona kama urembo,
Vile tukishika njia, kuyaonesha maumbo,
Tuanze kuwasumbua, wenzetu waende kombo,
Dhima ya kwanza mwilini, yatusitiri mavazi.

Wazazi wametwambia, nasaa zao ni wimbo,
Hakuna wa kusikia, kuacha mambo ya ng'ambo,
Viwalo twajitupia, Kwa wengine huwa fimbo,
Dhima ya kwanza mwilini, yatusitiri mavazi.

Fumbuka nakufumbua, mavazi hubeba nembo,
Mvaaji akivaa, twajua ni mwendakombo,
Vema akijivalia, tutasema hiki chombo,
Dhima ya kwanza mwilini, yatusitiri mavazi.

Mitindo tumeizua, kuweka wazi matumbo,
Yatatoka kwenye pua, kuigaiga wa mombo,
Laiti tungalijua, tungalivaa masombo,
Dhima ya kwanza mwilini, yatusitiri mavazi.

Mitindo ikiingia, twanata kama ulimbo,
Bila ya kufikiria, thamani ya letu umbo,
Hapo tunang'ang'ania, na kuleta majigambo,
Dhima ya kwanza mwilini, yatusitiri mavazi.

Uzungu watuzuzua, kwa mitumba yenye shombo,
Jambo ninaloshangaa, hivi tumelewa tembo?
Maungo kujiachia, wanzuki ama zarambo?
Dhima ya kwanza mwilini, yatusitiri mavazi.

Mtu aliyetimia, kichwa, mabega na tumbo,
Akili akatumia, kung'amua haya mambo,
Hawezi kuangukia, pasipo kuramba bambo,
Dhima ya kwanza mwilini, yatusitiri mavazi.

Siwezi kuendelea, nanga nakitia chombo,
Jambo hilo shikilia, acha kuiga wamombo,
Mbona wewe twakujua, umezaliwa Matombo?
Dhima ya kwanza mwilini, yatusitiri mavazi.

Mtunzi Filieda Sanga
Mama B
Mabibo Dsm
0753738704

  Matumizi ya Alama za Kifonetiki za Kimataifa katika Uwasilishaji wa.pdf (Size: 354.12 KB / Downloads: 12)

  FAHARASA ZA SHAABAN ROBERT NA MCHANGO WAKE KATIKA LEKSIKOGRAFIA YA KISWAHILI.pdf (Size: 4.63 MB / Downloads: 0)

Mambo yanayoangaliwa ni:
i. Aina ya mswada.
ii. Muundo wa mswada.
iii. Maudhui ya mswada.
iv. Ufasaha wa lugha iliyotumika.
v. Usahihi wa alama za uandishi na matumizi ya herufi kubwa na ndogo.
vi. Wahusika waliotumika katika mswada.
vii. Walengwa wa mswada.
viii. Kufaa au kutofaa kwa mswada.

Matumizi ya kihusishi "kwa"
1. Huonesha mahali au upande: Mano, amekwenda kwa mjomba wake.
2. Huonesha sababu au kisababishi cha jambo: mfano; ninaishi kwa ajili yako.
3. Huonesha wakati: mfano; sina nafasi kwa sasa.
4. Huonesha sehemu Tulani ya kitu kikubwa, mfano: Mpira umekwisha wakiwa wamefungana nne kwa tatu.
5. Huonesha jinsi kitendo kilivyotendeka: Mfano; alimvuta kwa nguvu sana ndio maana
limevunjika.
6. Kuonesha matumizi ya kitu. Mfano: Alisafiri kwa basi

Vitenzi vya Silabi Moja
Hivi ni vitenzi vyenye silabi moja pekee. Ili kuleta maana kamili, vitenzi hivi huambatanishwa na kiungo KU- katika kauli ya kutenda. Kama vitenzi vingine, vitenzi vya silabi moja vinaweza kunyambuliwa. k.m: soma, kula, sikiza

1. -cha - kucha - jua linapochomoza asubuhi k.m kumekucha
   
   
2. -fa - kufa - kuacha kupumua, kupoteza uhai k.m amekufa
   
   
3. -ja- kuja - fika mahali hapa k.m nimekuja
   
   
4. -la- kula - kutia chakula mdomoni k.m anakula
   
   
5. -nya- kunya - kutoa mabaki ya chakula toka tumboni k.m mtoto amekunya
   
   
6. -nywa- kunywa - kutia kinywaji kama vile maji au maziwa mdomoni k.m ninakunywa uji
   
   
7. -pa- kupa - kumkabithi/kumpatia mtu kitu k.m amenipa pesa
   
   
8. -pwa- kupwa - kujaa hadi pomoni - k.m kisima kimekupwa maji
   
   
9. -twa- kutwa - jua linapozama magharibi na usiku kuingia k.m kumekutwa
   
   
10. -wa- kuwa - kutokea katika hali au mahali fulani k.m alikuwa
    

  ANDALIO LA SOMO.docx (Size: 15.41 KB / Downloads: 35)


  ANDALIO LA SOMO.pdf (Size: 50.6 KB / Downloads: 20)