1. Hoja ninaieleza, uchaguzi Tanzania
   Ni yupi anyeweza, usukukani kuchukua?
   Pasi kutudidimiza, tupate kumchagua
   Tuchague kwa makini, viongozi Tanzania
   
2. Wengi wamejitokeza, nafasi kuziwania
   Sera wanatueleza, watakazozitumia
   Ahadi zinapendeza, wanazotutangazia
   Tuchague kwa makini, viongozi Tanzania
   
3. Wengi wamejitokeza, ikulu kugombania
   Mazuri wayatangaza, tupate kuwachagua
   Kama ukiwachunguza, ni vigumu kuamua
   Tuchague kwa makini, viongozi Tanzania
   
4. Ugumu ninaowaza, ni jinsi ya kuchagua
   Kila mtu atangaza, ndiye anayetufaa
   Kutuondolea giza, na kutuletea taa
   Tuchague kwa makini, viongozi Tanzania
   
5. Sera wanazoeleza, wakiwa kwenye jukwaa
   Kama wakitekeleza, tuendako kunang’aa
   Swali ninajiuliza, ni nani anotufaa
   Tuchague kwa makini, viongozi Tanzania
   
6. Nataka kupendekeza, jambo la kuzingatia
   Umakini natangaza, ndio wa kutegemea
   Lisijekutuumiza, maamuzi kujutia
   Tuchague kwa makini, viongozi Tanzania
   
7. Mola pekee anaweza, kutupatia “Kifaa”
   Maombi tukiongeza, Yeye atatusikia
   Kamwe hatutateleza, Mungu kumtegemea
   Tuchague kwa makini, viongozi Tanzania
   
8. Asiyejitanguliza, kwake kujipakulia
   

1. Kampeni zimeanza, uchaguzi wasogea
   Ilani wanatangaza, kuwanadi wagombea
   Swali la kujiuliza, nani anayetufaa?
   Rais anayefaa, kwa Mungu atatokea.
   
2. Wengi wamejitokeza, ikulu kugombania
   Mazuri wayatangaza, tupate kuwachagua
   Kama ukiwachunguza, ni vigumu kuamua
   Raisanayefaa, kwaMunguatatokea
   
3. Chama gani kinaweza, kuivusha Tanzania?
   Kero zetu kumaliza, watu waache kulia?
   Rushwa kuitokomeza, ufisadi kufukia
   Rais anayefaa, kwa Mungu atatokea
   
4. Sifa za anayeweza, kuwa Rais sawia
   Ni amchaye Muweza, Muumbaji wa dunia
   Mwenye kujinyenyekeza, watu kuwatumikia
   Rais anayefaa, kwa Munguatatokea
   
5. Asiyekwenda kuuza, mali za Watanzania
   Wala kujipendekeza, kwa wanaotuibiaMwenye sifa ya kuweza, maovu kuyakemeaRais anayefaa, kwa Mungu atatokea
6. Asiyejitanguliza, kwake kujipakulia
   Awezae kufukuza, wanaotuharibia
   Mwenye kuitekeleza, katiba ya Tanzania
   Raisanayefaa, kwa Mungu atatokea
   
7. Yule asiyewabeza, fukara kuwabagua
   Aweza kuwatangaza, mali wanotuibia
   Vijana nao ajuza, aweze kuwatetea
   Rais anayefaa, kwa Mungu atatokea
   
8. Awezae kuzitunza, mali zote zaraia
   Wageni wanowekeza, wazingatie sheria
   Aweze kuwahimiza, kodi zetu kulipia
   Rais anayefaa, kwa Mungu atatokea
   
9. Kilimo kiwe cha kwanza, njuga akikivalia
   Viwanda wamedumaza, yeye ajekufufua
   Ajira kuzitokeza, uchumi kuufufua
   Rais anayefaa, kwa Mungu atatokea
   
10. Utalii kuukuza, kipato kuongezea
    Ufanisi kuukaza, huduma za jumuia
    Ukali kuongeza, uzembe ujepotea
    Rais anayefaa, kwa Mungu atatokea
    
11. Kila ninakoangaza, simjui anofaa
    Mola peke anaweza, kutupatia Kifaa
    Maombi tukiongeza, Yeye atatusikia
    Rais anayefaa, kwa Mungu atatokea
    
12. Yeye atakayeweza, usukani kuchukua
    Pasi kutudidimiza, ni vigumu kumjua
    Mungu kumtanguliza, ndio njia nawambia
    Rais anayefaa, kwa Mungu atatokea
    
13. Wengi wamejitokeza, wakidai wanania
    Ya machungu kumaliza, ikulu wakiingia
    Kumbe myoyoni wawaza, faida kujipatia
    Rais anayefaa, kwa Mungu atatokea
    
14. Wagombea nakataza, mziepuke ghasia
    Yaache yenye kukwaza, kote mtakotembea
    Sera zenu kueleza, pasi kuleta udhia
    Rais anayefaa, kwa Mungu atatokea
    
15. Ninarudia kukaza, jibu la Watanzania
    Maombi jambo la kwanza, Mola asikie dua
    Mmoja kumchomoza, hata kama wajemia
    Rais anayefaa, kwa Mungu atatokea
    
16. Shairi nalikatiza, hapa sitaendelea
    Maneno niloeleza, nibudi kuzingatia
    Mungu uliye Muweza, ibariki Tanzania
    Rais anayefaa, kwa Mungu atatokea
    

1. Rodgers Namwenje0764 222244

SHAIRI : NAMBE
Methali nimeziona, kuna daka, pia suke,
Ila hii imenona, naitwisha Sifa zake,
Naiwekea na vina, kwenye uga isomeke,
Nambe kilicho na mwanzo, kikakosa mwisho wake.

Kipi kilicho na mwanzo, mwisho wake usifike,
Nani alipata tunzo, kila mwaka peke yake,
Ipi iliyo na nyenzo, siku isitetereke?
Nambe kilicho na mwanzo, kikakosa mwisho wake?

Nambe aliyezaliwa na kifo kisimdake,
Nani aliyejaliwa kuishi milele peke,
Ni sote tutafukiwa, tunataka tusitake,
Nambe kilicho na mwanzo,kikakosa mwisho wake.

Nani aliye na dini, salam zote ahusike,
Asubuhi na jioni, maombini asitoke,
Yu kutwa madhabahuni, na kula asikumbuke,
Nambe kilicho na mwanzo, kikakosa mwisho wake?

Tongoa alo na nywele, zilojaa kichwa chake,
Akae Nazo milele, vyovyote zisinyoleke,
Atembee kwa jefule, akifa budi zing’oke,
Nambe kilicho na mwanzo, kikakosa mwisho wake.

Yupi alo kiongozi, na umma achagulike,
Apendwe kama kinyozi, yaani aaminike,
Iko siku namaizi, watampiga mateke,
Nambe kilicho na mwanzo, kikakosa mwisho wake?

Longa aliye mbabe, amkose mwanzi wake,
Silaha nzito abebe, Tena asipepesuke,
Hayuko alo na ngebe, akaachwa apayuke,
Nambe kilicho na mwanzo, kikakosa mwisho wake.

Basi ndo hivyo wenzangu, waume na wanawake,
Tumrejeeni mungu, kesho tukathaminike,
Mambo ya ki ulimwengu, yasitupe sekeseke,
Nambe kilicho na mwanzo, kikakosa mwisho wake?

Enenda Kofi Anani, huko Salama ufike,
Ulofanya duniani, Rabi yamefika kwake,
Anajua kwa yakini, wapi wewe akuweke,
Bwana Kofi Anan, mno tutakukumbuka.
 
Na: Mwl R.R. Mfaume(Fundi)
Kivuli cha Mvumo open school
Morogoro

1:Kiswhahili lugha yetu,Lazima tuitunuku
Shani tuipe mwakwetu,na maua tutunuku
Lugha yenye ladha kuntu,Tuipambe kwa vikuku
Tuipambe kwa vikuku,lugha yetu kiswahili

2:Lugha iliyosambaa ,Bara hata
visiwani
Lugha isiyo mawaa,tuipe yake thamani
Watu waiongelelea,lugha hii yenye shani
Tuipambe kwa vikuku,Lugha yetu kiswahili

3:Lugha iliyo thabiti,imeshika usukani
Ni tamu kama matiti,ya mwana yu kifuani
Lugha imejizatiti,Kutambaa duniani
Tuipambe kwa vikuku ,Lugha yetu kiswahili

4:Maneno imesheheni,mabini na mabanati
Mubashara na rosheni,sawia sasa ni kuntu
Asante ikongoleni,Kiswahili chetu kuntu
Tuiipambe kwa vikuku,Lugha yetu kiswahi

5:Beti tano zanitosha,Lugha yangu kuisifu
Lugha mejaa bashasha,wanagenzi nawasifu
Lugha yanifurahisha, siku zote naisifu
Tuipambe kwa vikuku ,Lugha yetu kiswahili.


mwl Mwenda Juhudi s.s

Kwanza kaa ufikiri, maneno haya yapime
Usimle kwa kikiri, kaa kwanza mtazame
Litaja kunguza kweli, kaa lenye moto shume
Ayapingaye maneno, si mswahili wa ndani

Kata mchongoma ule, ela situmie shoka
Kayaaza maji tele, na kata imekatika
Katibu wa kata ile, duniani katutoka
Ayapingaye maneno, si mswahili wa ndani

Kweli mepatiwa pasi, ya kusafiri nchini
Nguo ukapiga pasi, ili wende safarini
Mitihani ulopasi, hairidhishi lakini
Ayapingaye maneno, si mswahili wa ndani

Bi haji kufuma kamba, mwenyewe keshazoea
Wala hana jingi vumba, kamba samaki muruwa
Jamaa yule kwa kamba, uongo amebobea
Ayapingaye maneno, si mswahili wa ndani

Paa pia ukitua, juwa huwi kama njiwa
Ninaomba kumjua, paa aloliezua
Ukila utasinzia, paa mtamu sawia
Ayapingaye maneno, si mswahili wa ndani

Kwenye nyumba za kupanga, kuna vituko pomoni
Refa apiga kipenga, panga lipo kiunoni
Mipango uliyopanga, yote ya kihayawani
Ayapingaye maneno, si mswahili wa ndani

Ua lakini ujue, hilo silo jambo jema
Ua wa bibi somoe, umeanguka mchana
Ua lipi niangue, nimpe aloegama
Ayapingaye maneno, si mswahili wa ndani

Maneno haya tapenda, kwenye lugha kiyajua
Taa, pamba, nalo ganda na neno litwalo jua
Kwa kweli yalivyoundwa, ni utamu kitumia
Ayapinganye maneno, si mswahili wa ndani

@haki zote zimehifadhiwa
#mzee m. y

NI NANI KAMA MWALIMU!?
————————————
1.Naja nikiwakumbusha kuipitia nudhumu,
anayejenga maisha, laazizi maalimu,
yule alotufundisha, kwanza kushika kalamu,
NI NANI KAMA MWALIMU, HUSUSAN WA MSINGI?

2. Nalola siku ya kwanza, nikipelekwa shuleni,
na wakati nilianza, kuingia darasani,
mwalimu alinifunza, ‘lufabeti kwa makini,
NI NANI KAMA MWALIMU, HUSUSAN WA MSINGI?

3. Sana nilizikariri, herufi alonifunda,
tena nikiwa mahiri, wa nyimboze nilopenda,
hadi leo ninakiri, nafaidi ye matunda,
NI NANI KAMA MWALIMU, HUSUSAN WA MSINGI?

4. Nakumbuka nikianza, kuandika mchangani,
kalamu yangu ya kwanza, ni kijiti wajameni,
Huyo aliyenifunza, mgee kheri Manani,
NI NANI KAMA MWALIMU, HUSUSAN WA MSINGI?

5. Nakumbuka kuhesabu, tangu moja hadi kenda,
wakati ‘likuwa tabu, ikiwa inanishinda,
chonde chonde taratibu, mlezi akanifunda,
NI NANI KAMA MWALIMU, HUSUSAN WA MSINGI?

6. Leo miye mhasibu, taasisi ya takwimu,
mdogo wangu tabibu, jijini Darisalamu,
si kwa bahati nasibu, ni matunda ya mwalimu,
NI NANI KAMA MWALIMU, HUSUSAN WA MSINGI?

7. Wanoitwa wata’lamu, wa’zo maridhawa fani,
alowafunda mwalimu, leo wakuu nchini,
mlezi wangu mwalimu, sana ninakuthamini,
NI NANI KAMA MWALIMU, HUSUSAN WA MSINGI?

8. Kumbukeni ni mwalimu, wa mataifa mlezi,
alowagea elimu, wa dunia welekezi,
kiongozi ufahamu, yoyote uliyo ngazi,
NI NANI KAMA MWALIMU, HUSUSAN WA MSINGI?

9. Na wasifa wake jama, haumaliziki wala,
ndefu ja hadithi kama, alufu lela ulela,
namuombea salama, nipulike wangu Mola,
NI NANI KAMA MWALIMU, HUSUSAN WA MSINGI?

10. Subukhana shukurani, beti kumi kutimia,
yaliyokuwa moyoni, hadhira nimepatia,
na baraka maishani, walezi n’kiwatakia,
NI NANI KAMA MWALIMU, HUSUSAN WA MSINGI?


*********
Rwaka Kagarama, (Mshairi Mnyarwanda).
Jimbo la Mashariki, Wilaya ya Nyagatare,RWANDA.