MyBB Internal: One or more warnings occurred. Please contact your administrator for assistance.
MyBB Internal: One or more warnings occurred. Please contact your administrator for assistance.
MyBB Internal: One or more warnings occurred. Please contact your administrator for assistance.
MyBB Internal: One or more warnings occurred. Please contact your administrator for assistance.
MyBB Internal: One or more warnings occurred. Please contact your administrator for assistance.
MyBB Internal: One or more warnings occurred. Please contact your administrator for assistance.
SHAIRI : UTAMU WA NDOA

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
SHAIRI : UTAMU WA NDOA
#1
UTAMU WA NDOA
Kuna vilivyo vitamu, Ndoa ni zaidi yao
Tena ile ilodumu, Utamu kila uchao
Ndoa rahaye adhimu, Heshima ikiwa ngao
Tamu kuliko asali, Ndoa jaala ya MOLA

Tunafaidi ndoani, Yangu hamu kuwajuza
Utamu uso kifani, Kwa dhati nawaeleza
Ndoa jambo la thamani, Kubwa sauti napaza
Tamu kuliko asali, Ndoa jaala ya MOLA

Tunavila vya halali, Haramu twaikimbia
Vya karibu sio mbali, Bila ya kufakamia
Ikiwa nzuri kauli, Ndoa haitokimbia
Tamu kuliko asali, Ndoa jaala ya MOLA

Ndoa ni jambo la enzi, Walioana wahenga
Tena jambo la mapenzi, Ni wajibu kuichunga
Ndoa hitaki ushenzi, Wala magomvi kujenga
Tamu kuliko asali, Ndoa jaala ya MOLA

Utamu wanaujua, Wanandoa majumbani
Magonjwa wakiugua, Kudekea mapajani
Jamani tuombe dua, Ndoa ziwe na amani
Tamu kuliko asali, Ndoa jaala ya MOLA

Wanandoa marafiki, Mahaba kiunganishi
Jitengeni wanafiki, Wacheni uchonganishi
Ndoa tamu hivunjiki, Toeni wenu uzushi
Tamu kuliko asali, Ndoa jaala ya MOLA

Yapikwa mahanjumati, Ndoani papakuliwa
Halua na kalimati, Vitamu sana vyaliwa
Samaki wali chapati, Utamu wa kuchachawa
Tamu kuliko asali, Ndoa jaala ya MOLA

Amwambie mume mke, Mume nakupenda sana
Mume kidogo acheke, Ndomana tumeoana
Basi uje unishike, Pingamizi kwako sina
Tamu kuliko asali, Ndoa jaala ya MOLA

Njoo tuoge bafuni, Mume wangu “mai dia”
Kisha tulale chumbani, Usiku umewadia
Leo sijui kwanini, Hamu imenizidia
Tamu kuliko asali, Ndoa jaala ya MOLA

Ndoa yazaa watoto, Faraja ya wanandoa
Pia huzidi kipato, Ridhiki MUNGU hutoa
Utamu ndoa si ndoto, Nawambia wasooa
Tamu kuliko asali, Ndoa jaala ya MOLA

Hatima nimeifika, Tamu ya ndoa kunena
Kwaherini naondoka, Ishala tutaonana
Ndoa sifa kuipaka, La kuongezea sina
Tamu kuliko asali, Ndoa jaala ya MOLA

(Kitogo wa Kitogo, Mwananchi wa Kawaida, Julai 31, 2018, Morogoro)
Mwl Maeda
Reply


Forum Jump:


Users browsing this thread: 1 Guest(s)