KAMWAMBIE NAFARIKI
Shairi ninakutuma,
Mwambie sitamaniki,
Sasa yanizidi homa,
Imenizidi ashiki.
Ajila na aje hima,
Ajilani nafariki,
Mekuwa mwendawazima,
Kila mja hanishiki.

Uhai unanihama,
Naugua sitibiki,
Roho bado kunizima,
Sadiri haidundiki.
Ndiye wangu muadhama,
Mwinginewe simtaki,
Na awasili mapema,
Kumsubiri sichoki?

Nazinduka na kuzima,
Anambie hanitaki?
Ila nikifa mapema,
Kamwambie haniziki.
Ni yule mtu mzima,
Nini hakieleweki?
Au mapendo kazima,
Siku hizi hayawaki?

Japo macho natazama,
Na kitandani sishuki,
Na muhu yanisakama,
Bado haiteremki,
Mapenzi niliyofuma,
Mwambie hayafumuki,
Maana yaniandama,
Kunondoka hayataki.

Sina haja mahakama,
Kumuaili sitaki,
Anionee huruma,
Ajue nitafariki.
Basi mwanzoni mwa juma,
MIkiwa leo hafiki,
Kama tena atagoma,
Ndio siku nafariki.

Hapa sinipe lawama,
Nikifa ndo sizinduki,
Takumbuka wangu wema,
Hilo ninalisadiki.
Neno halirudi nyuma,
Ya wavyele hakumbuki?
Na tayari nimesema,
Ajue halifutiki.

Nivyotanguza kusema,
Kitandani sibanduki,
Au penzi amepima,
Akaona haridhiki?
Mimi bado niko wima,
Mahaba hayanyauki,
Si kama ua kuchuma,
Kwangu halifananiki.

Lakini mimi si kama,
Mzigo haubebeki,
Mahabani najituma,
Nitoe yanostahiki.

Kamwambie aje hima,
Mlango haufungiki,
Tena apitie nyuma,
Mbele kuna mamluki.
Beti kadha nasimama,
Sijitwezi sijinaki,
Shairi nimelichuma,
Kulisoma hamtaki?


Mtunzi Filieda Sanga
Mama B
Mabibo Dsm
0753738704

ALWATANI WA MJINI

Walozaliwa mjini,
na wakakulia huko,
siye wana wa shambani,
tunayo mengi kuliko.

Tunayo mengi kuliko,
tuzidiyo wa mjini,
haswa tufikapo huko,
tunapotoka porini.

Tukiwasili mjini,
ushamba twaacha huko,
ya kwenu twayajueni,
kuongezeya ya huko.

Ila nyie wanamji,
mnalo tu moja shiko,
ilhali wa shambani,
tuna mawili mashiko.

Kwetu siye ni shambani,
na twajua kwenu huko,
huku nyie wa mjini,
hamwelewi kwetu huko.

Alwatani wa mjini,
twawazidi mengi huko,
ingawa tuko shambani,
tunayo mambo kuliko.

Mjitapapo wa huko,
eti mi aluwatani,
mji ndio langu shiko,
uhishimu wa shambani.

Wengi wenu wa mjini,
mwakufahamu tu huko,
wengi tulio shambani,
twajua huku na huko.

Mkifika kwetu huko,
mkapotea porini,
vigumu kutoka huko,
wa mjini alwatani.

?Rwaka rwa Kagarama,
      Mzee wa shamba.??

  Mbeya-Kisw-1.pdf (Size: 1.79 MB / Downloads: 32)

  Mbeya-Kisw2.pdf (Size: 2.22 MB / Downloads: 34)

UTUNGAJI WA USHAIRI WA FASIHI SIMULIZI

Ni cheti maalumu cha benki kinachotumiwa kuidhinisha aliyetajwa kwenye cheti hicho apewe fedha za mwenye hesabu; hati ya fedha.

  MATATIZO YANAYOWAKUMBA WAANDISHI WA VITABU VYA KISWAHILI NCHINI KENYA.pdf (Size: 155.68 KB / Downloads: 0)

  MAARIFA-YA-UANDISHI-BORA.pdf (Size: 5.13 MB / Downloads: 0)

  Njia 10 za Kuwa Mhariri Bora.pdf (Size: 14.5 KB / Downloads: 3)

Insha nzuri huandikwa kwa kuzingatia mambo muhimu yafuatayo:

1. Kuzingatia uteuzi mzuri wa mada: mwandishi wa insha hana budi kuteua mada ambayo ataweza kuielezea kwa kina na kwa ufasaha kulingana na lengo la mada hiyo. Kushindwa kufanya hivyo, insha haitaeleweka, hukosa mvuto na hupoteza maana kwa wasomaji au wasikilizaji.
   
2. Kuzingatia muundo wa insha: Insha nzuri hugawanywa katika sehemu kuu nne (4) ambazo ni kichwa cha insha, utangulizi,kiini, hitimisho.
   
3. Kuzingatia matumizi sahihi ya alama za uandishi, kama vile nukta, mkato, nukta pacha, alama ya kuuliza, alama ya kushangaa, mabano, kistari, ritifaa, herufi kubwa, alama za mtajo, n.k.
   
4. Kuzingatia ufasaha wa lugha: Lugha inayotakiwa kutumiwa katika uandishi wa insha ni lazima iwe sanifu na fasaha.
   
5. Kuzingatia mantiki (mtiririko mzuri wa mawazo): Hii ni pamoja na kuzingatia/kupanga nini cha kuanza au nini kiwe mwanzo na nini kiwe kati na mwisho wa insha.
   
6. Kila aya ibebe wazo kuu moja
   
7. Kuepuka matumizi ya lugha ya mkato, kama vile n.k (na kadhalika au na kuendelea), pia mf. (mfano).
   
8. Kuhusianisha mada inayojadiliwa na uhalisia wake katika jamii ya sasa.
   
9. Kuepuka matumizi ya maneno au tungo zenye utata (maneno au tungo zenye maana zaidi ya moja).
   
10. Kuzingatia matumizi sahihi ya nyakati au muda. Hii hujumuisha matumizi ya wakati uliopita, wakati uliopo na wakati ujao.
    
11. Kutumia sarufi ya lugha husika ipasavyo.