| Welcome, Guest |
You have to register before you can post on our site.
|
| Online Users |
There are currently 47 online users.
» 0 Member(s) | 46 Guest(s)
Bing
|
| Latest Threads |
Buy Vilitra 60 Mg |【Get E...
Forum: Historia ya makabila ya kibantu
Last Post: Kieth_winsett
04-24-2023, 11:45 AM
» Replies: 0
» Views: 0
|
How to take Cenforce50?
Forum: Historia ya makabila ya kibantu
Last Post: Kieth_winsett
04-19-2023, 12:59 PM
» Replies: 0
» Views: 0
|
About the Vidalista 60 Mg...
Forum: Historia ya makabila ya kibantu
Last Post: Kieth_winsett
04-04-2023, 04:07 PM
» Replies: 0
» Views: 0
|
What Is Vidalista 60?
Forum: Historia ya makabila ya kibantu
Last Post: Kieth_winsett
04-03-2023, 10:49 AM
» Replies: 0
» Views: 0
|
How to take Cenforce 100 ...
Forum: Historia ya makabila ya kibantu
Last Post: Kieth_winsett
03-29-2023, 02:37 PM
» Replies: 0
» Views: 66
|
How is Vidalista 10 Mg us...
Forum: Watunzi wa Kiswahili
Last Post: Kieth_winsett
03-27-2023, 01:26 PM
» Replies: 0
» Views: 117
|
Obtain Thesis Paper Assis...
Forum: Historia ya makabila ya kibantu
Last Post: Minny02
03-24-2023, 03:01 PM
» Replies: 0
» Views: 200
|
SEO services for sports f...
Forum: Historia ya makabila ya kibantu
Last Post: Maria Poland
03-17-2023, 01:51 PM
» Replies: 1
» Views: 223
|
NUKUU ZA KISWAHILI DARASA...
Forum: Nukuu
Last Post: MwlMaeda
01-15-2023, 05:31 PM
» Replies: 0
» Views: 788
|
NECTA K4 2022
Forum: Mitihani
Last Post: MwlMaeda
01-15-2023, 05:25 PM
» Replies: 0
» Views: 403
|
|
|
| SIMULIZI : “MAPIGO YA MOYO *SEHEMU YA 08** |
|
Posted by: MwlMaeda - 08-20-2021, 02:36 PM - Forum: Hadithi
- No Replies
|
 |
SIMULIZI : “MAPIGO YA MOYO
*SEHEMU YA 08**
Dar es salaam;
Nyumbani kwa mzee Jastin kulikuwa na hekaheka, japokuwa nilikuwa sina miguu lakini niliweza kushuka kwenye sofa ambalo nilikuwa nimeketi na kisha kutambaa kuelekea chumbani kwa Juliet. Sekunde chache tu, nilikuwa uvunguni mwa kitanda. Huku nikipumua kwa kasi sana, upumuaji ambao ulikuwa mithili ya mgonjwa mahututi wa Pumu.
Kitendo cha mimi kutoweka sebuleni kwa mwendo wa ajabu, mwendo ambao niliufananisha na spidi ya magari yaendayo mikoani. Ndicho ambacho kilinifanya mimi kupumua kwa kasi, kwani pumzi iliniishia kabisa.
“Leo ni leo, nimepatikana, mzee huyu akibahatika kuiona sura yangu, lazima aniue “,nilizungumza peke yangu bila kujali kama kuna mtu yeyote aliweza kuisikia sauti yangu au laa!. Niliendelea kutambaa na kujivuta polepole kwa mwendo wa taratibu mithili ya kinyonga, na kuketi katikati uvunguni mwa kitanda. Sehemu ambayo mtu yeyote ambaye angechungulia kwa macho ya kawaida asingeniona, kwani giza totoro lilikuwa uvunguni mule, na lazima yeyote ambaye angetaka kuona kilichokuwa uvunguni, lazima atumie vifaa kama tochi bila hivyo asingeweza kuniona.
********
Mzee Jastin alipiga honi ya gari lake kwa muda mrefu sana, lakini hakuna mtu yeyote aliyeweza kwenda kumfungulia geti. Akiwa na hasira sana, alitoka ndani ya gari na kisha kuisogelea batani moja iliyokuwa ukutani na kisha kuibonyeza. Rose akiwa sebuleni, aliendelea kusimama kama sanamu kwani hakujua nini afanye kwa wakati ule, jambo pekee ambalo lilimfanya apigwe na butwaa. Ujio wa baba yake nyumbani ghafla, na tena bila taarifa ndio sababu iliyomfanya Rose kujiuliza maswali mengi yasiyo na majibu kichwani mwake.
“Au kuna mamluki kampatia taarifa baba, kuwa Robert yuko nyumbani !,siko tayali kumuona baba akimuua, moyo wangu sitakuwa nimeutendea haki”,Rose aliongea kwa sauti ya juu bila kujitambua, sauti ambayo hata mimi niliweza kusikia kila kitu alichokiongea nikiwa uvunguni mwa kitanda, ndani ya chumba chake.
“Griiiiiii, griiiiiiiii, griiiii ……” mlio wa kengele ulisikika katika masikio ya Rose, na kumfanya akurupuke kutoka katika mawazo aliyokuwa akiwaza. Bila shaka alitambua hasira ambayo baba yake alikuwa nayo, hasa baada ya kuamua kubonyeza kitufe cha kengele, alipoona honi ya gari haijazaa matunda na geti kufunguliwa.
“Shikamoo baba! “, Rose aliongea kwa upole sana na kumsalimia baba yake, baba ambaye alikuwa na sura iliyokunjamana utazani alikuwa amekula chumvi nyingi kumbe sivyo!, hasira aliyokuwa nayo ndiyo iliyosababisha kukunja sura yake, sura ambayo Rose aliweza kuogopa kumsogelea kwani pengine angeambulia kofi au mateke kwani siku zote baba yake ndicho kitendo alichokuwa akimfanya Rose akiwa amemkosea.
“Hebu fungua geti mwanaharamu wewe! Na utaniambia kilichokufanya unikalishe hapa nje nusu saa nzima bila sababu “,mzee Jastin akiwa na hasira, alitamka maneno ambayo yalimshangaza sana Rose. Hakuamini kama kweli baba yake ndiye aliyeweza kumtamkia maneno makali kiasi kile, tena binti yake pekee wa kumzaa.
“Baba hivi kweli wewe ni baba yangu, unaniita mwanaharamu!!! Kweli baba! Kweliiii “,Rose alijikuta akisahau kama ndani alikuwa amemwacha mtu ambaye hapendwi na baba yake, alisahau kila kitu kuhusu kulipiza kisasi na kuniua, kwani aliniona kuwa chanzo cha yeye kumkosa Peter. Jambo ambalo lilikuwa kichwani mwake, ni kuhusu mahusiano yake yeye na baba yake mzee Jastin.
“Hivi baba yako wa kukuzaa anaweza kukaa siku tano bila kukupigia simu na hujui kaenda wapi!, baba yako wa kukuzaa anaweza kukuficha ndugu zako! baba yako wa kukuzaa anaweza kukuacha uishi peke yako nyumbani bila hata mlinzi au mfanyakazi wa ndani!,baba yako mzazi anaweza kukupangia kuolewa na mtu anayemtaka yeye ili kuendeleza biashara zake! na pia isitoshe anakuita mwanaharamu kwelii!
“Noo, noo, no! This is not my dady! aim sure hundred percent! But where is my real parents? ” (Hapanaa, hapanaa, hapana! Huyu sio baba yangu !nina uhakika asilimia mia moja !Lakini wako wapi wazazi wangu halisi?)
Rose akiwa ameegemea geti kubwa baada ya kumfungulia baba yake mzee Jastin, alijiuliza maswali mengi na hatimaye kupata jibu lake. Jibu ambalo lilimfanya atokwe na machozi mengi sana, kwani aliamini mzee Jastin hakuwa baba yake mzazi.
********
Mzee Jastin aliingia ndani na kubamiza mlango kwa fujo, aliamini kabisa Rodgers atakuwa tayali amekamtwa na polisi, kwani muda ulikuwa umepita mrefu sana! Hivyo basi ingekuwa vigumu kumtorosha uwanja wa ndege wa Mombasa akiwa salama.
“Shitiii! hizi ndizo hasara za kuishi na watoto wa kuokota! Mitoto haina akili kabisaa! And this bastard president, aim sure! Kafanikiwa kumkamata kijana wangu”,jambazi la kutisha nchini Tanzania, mzee aliyetumia kivuli cha biashara kuficha makucha yake. Mzee aliyejulikana kwa jina la Jastin, mmoja wa wafanyabiashara ambao walikuwa na sauti kubwa katika serikali ya Tanzania, aliongea maneno bila kutambua kuwa kuna mtu aliweza kuyasikia. Adui ambaye siku zote aliweza kumchukia, na kujalibu kumuua mala nyingi bila mafanikio ,kijana Robert ndiyo aliyeweza kusikia maneno yake ambayo yalimfanya kujiuliza maswali mengi.
“Rose kasema hataki kumuona baba yake akiniua, anataka autendee haki moyo wake yeye mwenyewe! Kuna nini hapa katikati? “,
“Mzee Jastin anasema Rose kamuokota!!, ndio maana anamfanyia mambo ya ajabu “,nilijiuliza maswali moyoni mwangu, na kuapa kumweleza Rose kila kitu nilichokisikia kama nitafanikiwa kutoka salama uvunguni mwa kitanda nilipokuwa nimejificha.
“Kijana imefika salama Mombasa! ile kijana imafia kabisa, imetoroka polisi yote uwanja kwa ndege bila kukamatwa “,ilikuwa ni sauti ya simu, sauti ambayo bila shaka iliwekwa roud speaker !.Ilikuwa ni sauti ya mtu aliyeonekana kutokuwa mtanzania kutokana na kiswahili chake alichokuwa akiongea, niliposikia neno Mombasa likitajwa! Bila shaka niliamini mtoa taarifa alikuwa raia wa Kenya.
“Waaaoh! Aim happy now! Good work Rodgers ……!”,(waaoh, nina furaha sasa, kazi nzuri Rodgers …” ,)nilisikia sauti ya mzee Jastin, mzee aliyeongea huku akiwa amechomeka simu chaji bila kujali hatari yoyote ambayo ingeweza kumkuta kwa kufanya mawasiliano huku simu ikiwa inachajiwa.Niliamini asilimia mia moja kuwa alikuwa akiongea na mtu aliyemtaja katika maongezi, mtu aliyejulikana kwa jina la Rodgers kumbe sikuwa sahihi.
“Hapa ngoja niende kambini, kwenye kambi yetu ya Mbezi, sasa hivi hapa nyumbani sio salama mimi kuishi “,mzee Jastin alichomoa simu yake chaji, lengo lake la Rodgers kusafiri bila kukamatwa liliweza kutimia, hivyo hakuwa na budi kutoweka nyumbani kwake.Alimpita Rose akiwa kibarazani na mawazo mengi sana, kwani baada ya Rose kuchoka kuegemea geti aliamua kwenda barazani na kupunga upepo huku akitafakali namna ya kuanzia kutambua siri iliyofichika kuhusu ukweli wa maisha yake.
“Wewe mpuuzi usisahau kufunga geti! mimi naondoka zangu “,mzee Jastin kweli alibadirika!,Alikuwa tofauti na zamani alipokuwa akionyesha mapenzi ya kuigiza kwa mwanae Rose, sasa hivi alimuonyesha chuki ya waziwazi kabisa. Mzee huyu aliongea huku akisindikiza mitusi kwa msichana mrembo Rose, na kisha kuondosha gari lake eneo lile na kuacha geti likiwa wazi.
“Yes i have got the way! his computer can aswer me every thing ……” (Ndio nimepata njia! Kompyuta yake inaweza kunijibu kila kitu),hatimaye Rose aliweza kutabasamu, fikra zake hazikwenda bure! aliamini komyuta ya baba yake iliyomfanya kutambua kazi halisi ya baba yake na lengo la kumlazimisha kuolewa na mtoto wa raisi aliyeitwa Jacob, ingeweza kumpatia majibu pia kuhusu historia ya maisha yake.
Rose alitabasamu kwa mbali huku akifuta machozi yake yaliyokuwa yakimtiririka usoni na kisha kwenda kufunga geti haraka sana, geti ambalo liliachwa wazi na baba yake alipolifungua na kutoweka nyumbani na gari yake. Hakuwa na sababu ya kuchelewa! Lengo lake ilikuwa ni kwenda kuchezea kompyuta ya baba yake, kompyuta ambayo mzee Jastin aliamini Rose alikuwa hafahamu namba zake za siri kuifungua.
********
Raisi wa Tanzania hakuamini taarifa aliyokuwa ameambiwa, aliamini kabisa camera za uwanja wa ndege wa mwalimu Nyerere zilizonesha Rodgers kusafiri usiku ule, na pia aliamini taarifa aliyopewa mwanzoni kabisa na mtoa ticketi za ndege aliyeitwa Juma, kijana aliyemsariti rafiki yake mzee Jastin na kumpatia taarifa raisi kuwa muuaji wa mwanae alikuwa akisafiri kutoweka Tanzania. Baada ya raisi kupokea taarifa kutoka kwa Juma, aliamuru ndege isiweze kuruka mpaka askari wake aliyemwamini sana atakapofika na kusafiri katika ndege hiyo huku akiifanyia ukaguzi na kumsaka mtuhumiwa.
Lakini bila kutegemea! ndege ilifika Mombasa bila Rodgers kukamatwa, askari wa Kenya walipojaribu kukagua camera za uwanja wa ndege wa kimataifa wa Mombasa (MOI),nao pia walishangaa, sura ya Rodgers haikuonekana kufika uwanjani hapo usiku huo.
Jambo hilo lilimtatiza sana raisi, raisi aliamini Rodgers alikuwa mtu hatari sana na kazi ya ziada ilihitajika na pengine hata kuomba msaada wa askari wapelelezi wa kimataifa. kuja kumtafuta mtuhumiwa huyu aliyeonekana kuwa moto wa kuotea mbali.
“Unajua sielewi! Uwanja wa ndege anaonekana akipanda ndege, lakini Kenya hajaonekana! Insipekta Chacha amekagua ndege hajamuona! Hapa inatakiwa mtumie akili za kuzaliwa bila hivyo tutakufa sisi kabla yake “,raisi akiwa amekasirika, aliongea maneno ya kuoneshwa kushangazwa sana na taarifa aliyopatiwa na askari wake, tena askari aliokuwa akiwaamini sana katika kazi zao.
|
|
|
| SIMULIZI : MAPIGO YA MOYO **SEHEMU YA 09** |
|
Posted by: MwlMaeda - 08-20-2021, 02:26 PM - Forum: Hadithi
- No Replies
|
|
SIMULIZI : MAPIGO YA MOYO
**SEHEMU YA 09**
Dar es salaam;
Woga ulitoweka kabisa, tabasamu likaipamba sura yangu kwa mala nyingine tena. Pumzi ndefu ilinitoka kupitia mdomo wangu, tofauti na awali nilipokua nikitumia mdomo wangu kupumua. Kitendo cha mzee Jastin kuondoka nyumbani kwake bila kugundua uwepo wangu mahali pale, ndio jambo pekee ambalo liliweza kunifurahisha. Kusema ukweli nilipona kifo! kifo ambacho kingenikuta kama mzee yule katili angenitia machoni pake.
“Thanks God, aim safe! (Asante Mungu, niko salama) .Hatimaye nilizungumza kizungu, lugha ambayo siku zote niliweza kuiongea kama nikiwa nina furaha. Japokuwa nilikuwa na elimu ya chuo kikuu,elimu ambayo ilinifanya niwe vizuri katika lugha hiyo ya kimataifa.
“Robert naomba unisaidie kitu!”,msichana mrembo Rose, msichana ambaye nilimpenda kwa moyo wangu wote, japokuwa alikuwa hanipendi kama nilivyokuwa nafikilia.Aliongea kwa upole sana, kichwani mwake alisahau kila kitu kuhusu nia yake mbaya ya kuniua na kulipiza kisasi chake. Jambo pekee ambalo alikuwa akiwaza kwa sasa, ni kujua historia halisi ya maisha yake.
“Nikusaidie kitu gani mpenzi wangu, Harafu baba yako kazungumza kitu kimoja ambacho sijakielewa kwakweli, anasema eti amekuokota!!! lakini naomba usichukie “,nilimweleza Rose bila kutambua kuwa alifahamu kila kitu ambacho baba yake aliweza kukiongea..
“Hilo ndilo jambo mbalo nilitaka unisaidie !pia naomba unisamehe, siku zote nilikuwa nakuongopea kuwa nakupenda lakini nilikuwa nakudanganya tu, nilikuwa nina nia mbaya ya kukuua kabisa kwa sababu nilikuona kama chanzo cha mimi kumkosa Peter, naomba unisamehe kwa yote! lakini mzee Jastin inawezekana mimi sio mwanae wa kumzaa, na kuna siri nzito imejificha ,kwahiyo naomba unisaidie “,moyo wangu ulipasuka mithili ya puto ambalo limejazwa upepo kupita uwezo wake. Sikumwamini tena Rose! nilimuona kama muuaji aliyejivika ngozi ya kondoo.
“Rose nikufanyie nini ujue nakupenda! wazazi wangu walipoteza maisha sababu yako, umenigonga na gari na kunivunja miguu ,isitoshe hujaridhika! bado unajifanya unanipenda ili uniue kirahisi! Inatoshaaa, Rose inatoshaaa! sina budi kukubali kuwa mimi ni mjinga, umenifanya kichaa wa mapenzi “,niliongea maneno mengi kwa huzuni sana,sikuamini kama kweli Rose alikuwa na roho ngumu kiasi kile mpaka kupelekea kutaka kuniua.
Mapigo ya moyo wangu hayakuwa katika hali ya kawaida, yalikimbia mbio ndefu sana kiasi kwamba Rose aliweza kugundua.
“Please Robert! usipaniki, mapenzi ni ya ajabu sana! nisamehe bure kipenzi changu “,msichana mrembo sana ambaye angemvutia mwanaume yeyote rijali, aliongea na kunisogelea. Kisha alichuchumaa chini na kunipiga busu katika paji langu la uso.
Kipenda roho hula nyama mbichi! nilijikuta nikimsamehe Rose baada ya kupigwa busu lile, na kujikuta nikiendelea na ujinga wangu kwani tayali roho yangu ilikua imependa kwa dhati. Mapenzi ndiyo yaliyonifanya nivumilie vitendo vyote vibaya ambavyo nilikuwa nimetendewa na Rose, mapenzi ndiyo yaliyomfanya Rose kufanya mipango ya kuniua ili alipize kisasi kwasababu aliniona kama chanzo cha yeye kumkosa Peter. Hivyo kulaumu kusingenisaidia chochote kile! jambo pekee ambalo nilitakiwa kulifanya nikutoa ushirikiano kwa Rose katika kila jambo, na kumuonesha mapenzi ya kila aina ili upendo wake aweze kuhamishia kwangu na wala sio kunichukia.
“Sawa Rose! nimekusamehe, naahidi kukupenda daima hata kama wewe hautakua tayali kunipenda! “,
“Hapana Robert usiseme hivyo! Nimefuta kisasi chote, na niko tayali kukupenda, nisamehe bure mpenzi “,
“Naomba unipende, nipende kama mimi ninavyokupenda ,nakupenda sana Rose “,
“,Usjali kabisa Robert, Sasa hivi nisaidie kujua ukweli kuhusu maisha yangu, wazazi wangu halisi wako wapi?, harafu baada ya hapo tukaishi zetu Uingereza, akaunti yangu ina pesa za kutosha, hata wewe pia raisi kakupatia pesa nyingi ambazo hazitaisha leo wala kesho “,Rose aliongea huku akinimwagia mabusu mengi mfululizo, mabusu ambayo yalinifanya nifungue kabisa moyo wangu, na kusahau maumivu ambayo Rose alikuwa ananisababishia kila kukicha.
Mombasa _Kenya ;
Rodgers alikuwa na furaha sana, alijiona mshindi dhidi ya raisi wa Tanzania aliyetuma vijana wake waweze kumkamata bila mafanikio.
Akiwa anaendelea na mazoezi ya karate kama kawaida, lakini kwa wakati huu alifanya mazoezi makali bila kupumzika. Alitambua muda wowote, angeweza kukabiliana na askari wa Kenya au Tanzania ambao walikuwa wanamtafuta kila kona ili aweze kujibu mashtaka ya mauaji aliyokuwa ameyafanya.
“Duuuh! kama wameshindwa kunikamata kwenye ndege, wasitegemee kama watanikamata kirahisi uraiani, tena katika ngome yetu yenye ulinzi makini “,aliongea huku akitabasamu, mala baada ya kukumbuka jinsi alivyojifanya mgonjwa mahututi na kukosa nguvu za kutoka chooni alipokuwa amejificha muda wote ndege ilipokua safarini.
Abiria wote walishuka, lakini muhudumu alishangaa abiria mmoja akiwa haonekani. Alipojaribu kukagua kila sehemu ndani ya ndege hakuweza kuona mtu, lakini alikumbuka mgonjwa aliyekuwa ameelekea chooni tangu ndege ilipoanza safari Dar es salaam. Muhudumu aliamini kutakuwa na tatizo!, haraka haraka alielekea chooni, na kama alivyokuwa akifikilia, alimkuta Rodgers akihema kwa nguvu, huku akiwa hawezi hata kusimama. Bila kupoteza muda, ambulance ilifika na wahudumu wa ndege ile walishirikiana kumnyenyua Rodgers na kumuweka ndani ya gari. Hawakuruhusu mgonjwa kupigwa picha zozote zile, kwani waliogopa kuchafua shirika lao la ndege kwa kutoa huduma mbovu mpaka kupelekea abiria akizidiwa kiasi kile bila kugundulika na kupatiwa huduma ya kwanza.
Wahudumu wale wa ndege hawakujua kuwa Rodgers aliwadanganya, hakuwa anaumwa ugonjwa wowote ule bali aliigiza tu. Ambulance haikuweza hata kukaguliwa na askari, kwani waliamini mgonjwa yule aliyefunikwa mwili mzima mpaka uso wake, hawezi kuwa jambazi waliyekuwa wamepokea taarifa zake za mauaji kutoka Tanzania, mauaji ambayo aliyafanya kwa kumuua mtoto wa raisi aliyeitwa Jacob.
Ndio maana hata cctv camera za uwanja wa ndege wa Mombasa, hazikuweza kuinasa sura ya Rodgers.Jambazi hatari na mzoefu sana, siku zote hakubahatisha bali alijiamini na kufanya kazi zake kwa umakini wa hali ya juu, jambo ambalo lilimfanya apendwe na mabosi wake.
……………………………
Madaktari na manesi ambao walimpokea Rodgers katika hospitali ya Mombasa, walishangaa sana kwani walimfanyia vipimo vya kila aina, lakini hawakuweza kuona ugonjwa wowote. Cha kushangaza, Rodgers alipata nafuu haraka sana na baadaye wakamruhusu kuondoka. Madaktari hawakuwa na haja ya kumuuliza maswali mengi kwani wahudumu wa ndege waliomfikisha hospitalini walitaka jambo lile liweze kuwa siri, hawakutaka kuishushia heshima kampuni yao ya usafiri wa anga ya Air Tanzania.
Waliona bora Rodgers kapona haraka sana na kuondoka, kabla vyombo vya habari havijainasa sura ya Rodgers na kuichafua kampuni hii ya Kitanzania. Rodgers alikua ameibalisha sura yake kwa kujifunga kiremba mithili ya mpemba wa Zanzibar, na kuvaa miwani iliyomfanya awe na mwonekano tofauti kabisa. Hivyo ndivyo Rodgers alivyoepuka kukamatwa na askari waliotumwa kumkamata kwenye uwanja wa ndege wa Mombasa Kenya.
|
|
|
|
| SIMULIZI : “JENEZA LA AJABU ” **SEHEMU YA 08** |
|
Posted by: MwlMaeda - 08-20-2021, 02:14 PM - Forum: Hadithi
- No Replies
|
|
SIMULIZI : “JENEZA LA AJABU “
**SEHEMU YA 08**
Msitu wa majini;
Jeshi la msituni, wakiwa wanamtafuta adui aliyevamia msitu wao bila mafanikio, ghafla amli inatoka kutoka kwa kiongozi wao, jini mweupe, waweze kurudi nyuma, upande wa pili wa msitu, katika njia ya kuingilia katikati ya msitu wao, njia ambayo waliweza kutega shimo ambalo lingeweza kumkamata adui yoyote yule kama angekanyaga shimo hilo lililofunikwa kwa udongo,shimo ambalo lilitegwa katikati ya barabara..
“Twendeni haraka sana katikati ya barabara tuliyotega mtego wa shimo, tayali adui ameshanasa “,Jini mweupe alitoa amli kwa jeshi lake, na bila kupoteza muda, walipotea na kisha kutokea eneo ambalo shimo lilikuwepo.Jini mweupe alikuwa sahihi kabisa, kwani walikuta tayali mtego ulishamnasa adui, mtu waliyemtafuta tangu asubuhi, na ilikua tayali imefika majira ya jioni bila kumtia mikononi.
“Fungeni kamba katika mti huo, na kisha dumbukizeni shimoni, harafu ingieni watu wachache mkamkamate,”jini mweupe alizidi kutoa amli na maelekezo, huku majini wale wakiweza kutekeleza maagizo waliyopewa haraka sana. Walishindwa kutumia nguvu za kijini, kumkamata adui yao, jambo ambalo ingekuwa rahisi kumkamata kijana Njoshi, na kujikuta wakitumia njia za kawaida bila kujielewa, njia ambayo isingefanikiwa, bali ingemrahisishia adui yao kutoka ndani ya shimo na kuwaponyoka. Hayo yote yalitokea kutokana na maombi ambayo mama yake Njoshi, aliweza kuomba mizimu iweze kumsaidia mwanae kutoka katika hatari, pamoja na maombi ambayo Njoshi mwenyewe aliweza kuyafanya kila wakati ambapo hatari ilimkabili.
********
Sauti nzito za kutisha, zikiandamana na mwangwi mzito, Njoshi anazisikia akiwa shimoni. Hakuweza kuogopa tena, lolote ambalo lingetokea, alikuwa tayali kukabiliana nalo, kwani aliona akiendelea kuwa muoga, hatoweza kuishinda vita ambayo iko mbele yake.
“Bila shaka watakuwa wamenifuata mimi, waweze kunikamata, hapa lazima nipambane, lazima nife kiume “,Njoshi aliongea huku akiitazama kamba iliyokuwa inashushwa taratibu ndani ya shimo, na kuona kama hiyo ndio ilikua njia pekee ya yeye kutoka shimoni. Na kulishika panga lake kisawasawa katika mkono wake wa kulia, akiwa tayali kuchinja kiumbe chochote kile kitakachoingia shimoni, huku akiwa amebeba kibegi cheusi mgongoni, kibegi kilichotumika kuhifadhia panga pamoja na kitambaa cheusi chenye nguvu za ajabu, kitambaa ambacho kajifunga kiunoni.
“Huyu mshenzi hanioni, hii ndio dawa yake, “Njoshi aliongea huku akimfyekelea mbali jini mmoja, jini ambaye mwili wake uliundwa kwa mifupa tu, baada ya kushuka na kamba ndani ya shimo, na kuangaza huku na huku bila kumwona adui yake. Lakini Njoshi alishangaa sana, kwani baada ya kulitumia panga lake, jini yule aliyeyuka kama vile kaunguzwa na moto, na kisha kutoweka kabisa.
“Ahaaaa asante sana mama yangu, kumbe ndio maana ulinambia kuwa hii ndio siraha yangu ya kunirudisha nyumbani salama, ndio maana hata hawanioni, inaonekana huu mkanda pia unanisaidia “,Njoshi aliongea huku akitabasamu, na kushika kamba ili apande kuelekea juu, aweze kutoka shimoni, lakini alisita baada ya kusikia kelele za fujo na hasira, huku akihisi kama kuna viumbe wa ajabu, wenye hasira walikuwa wakiitumia kamba kumfata shimoni.
********
Jini mweupe, pamoja na majini wote wa msituni ikiwemo malikia, wanapata maumivu makali sana, maumivu ambayo hutokea katika miili yao, pale tu jini mwenzao anapopoteza maisha. Kutokana na hasira ya kumpoteza mwenzao, baada ya jini mmoja kuingia ndani ya shimo kumkamata adui aliyeuvamia msitu, na kukutana na panga la ajabu shingoni mwake, panga pekee lenye uwezo wa kuangamiza majini.
Baada ya jini huyo kupoteza maisha, maumivu makali yanawakumba majini wote wa msituni, na kupiga kelele nzito za hasira, kelele ambazo zilisikika katika nchi yote ya Mwamutapa, na nchi jirani, kelele ambazo zilimshtua Njoshi shimoni, na kushindwa kupanda juu kwa kutumia kamba, kutoka ndani ya shimo.
“Huyu binadamu tukimkamata lazima tumle nyama ,lazima alipie maumivu haya “,malikia wa majini akiwa katika ngome yake, alizungumza kauli ya kisasi, kauli ambayo itamghalimu sana baadae kuitengua, kwani malikia wa majini akiongea kitu lazima akitimize, kuepuka kuteketea kwa watu wake, jambo ambalo itangua kwake kumla nyama Njoshi, kwa nini itakua ngumu? endelea kufuatilia ,
*******
“Siwezi kuumia kiasi hiki ingieni mkamkamate, akiwa hai au amekufa “,ilikua ni sauti ya jini mweupe, kiongozi wa askari wa majini, askari ambao walifanya kazi ya kuulinda msitu wa majini,akiruhusu jeshi lake kuingia shimoni, baada ya mwenzao aliyetangulia mwanzoni kuuawa, kitendo ambacho kilimfanya Njoshi asite kuelekea juu, kwani alihisi kamba ikiwa nzito sana, alipoishika, kitendo kilichoashiria ujio wa kundi kubwa la majini ndani ya shimo, kwa kutumia kamba ile.
Mwamutapa
“Aiweeeh mama nimerudi tena, pole na kazi, nimetoka kwa mfalme lakini sijamkuta Njoshiii, pia nimekuta kilio eti mfalme kafa, unaweza niambia chochote? ,kwani kwanini mfalme alimuua baba yake Njoshi ………”,Ngesha ,rafiki yake Njoshi, alimuulza mama wa rafiki yake maswali mengi sana baada ya kumfuata shambani, lakini taarifa hiyo haikumshitua mama yake Njoshi, kwani alifahamu kila kitu.
“Baba wa rafiki yako aliuawa kwasababu alishindwa kumtibu mfalme, kwani ni mwezi umepita sasa mfalme anaumwa, na ni siri haitakiwi Wanamutapa wafahamu, na pia ni kweli mfalme kafa lakini atafufuka japo sina uh…aki…ka “,mama Njoshi akiwa ameshika jembe, akipalilia polepole mahindi yake, alimjibu Ngesha na kushindwa kumalizia sentesi yake, baada ya kusikia sauti nzito za kutisha kutoka msituni, sauti ambazo ni adimu sana kuzisikia. Sauti hizo zilimwogopesha Ngesha, kiasi kwamba alitaka kukimbia, kwani ziliogopesha sana.
“Wii…Wii…wiiii……ihiii…hii … hiii”,zilikua ni sauti za mwangwi zikitoweka kwa mbalii, kutokana na sauti za hasira zilizosikika kutoka kwa viumbe wa ajabu wa msituni.
“Kuhusu sehemu alipo Njoshi, nazani umesikia sauti hizo za ajabu kutoka msituni, Njoshi kaelekea huko katika msitu wa majini, na tayali ameshaua jini mmoja, na kila atakapoua, utazisikia kelele hizo za hasira kutoka kwa majini ,akirudi salama anaweza kuwa mfalme, ” Mama Njoshi aliongea, huku Ngesha akiwa amepigwa na butwaa, amekosa nini afanye kwa wakati ule, kutokana na maneno aliyo yasikia kutoka kwa mama Njoshi.
|
|
|
|
| SIMULIZI : “JENEZA LA AJABU” **SEHEMU YA 13** |
|
Posted by: MwlMaeda - 08-20-2021, 12:00 PM - Forum: Hadithi
- No Replies
|
|
SIMULIZI : “JENEZA LA AJABU”
**SEHEMU YA 13**
Msitu wa majini;
Njoshi anapata fahamu usiku wa manane, huku ngome ya malikia ikiwa kimya sana kwani majini wote walikuwa wamelala. Akiwa na maumivu makali, huku damu ikichuruzika kutoka mwilini mwake, kutoka katika majeraha ambayo aliweza kung’atwa na nge pamoja na siafu. Aliyazungusha macho yake kuangaza kila sehemu katika ngome ya malikia, lakini hakuweza kumwona jini yoyote aliyekuwa akimtazama.
Haraka haraka bila kupoteza muda kwani aliona huo ndio ulikuwa wakati sahihi wa yeye kutoroka, alijaribu kufungua kamba ngumu ya katani iliyotumika kufunga mikono yake katika mti wa mateso, na hatimae aliweza kufanikiwa.
Baada ya kujifungua kamba kutoka katika mti ule, alichukua begi lake ambalo alikuwa bado amelivaa, kwani hawakumnyanganya baada ya kulikagua na wala hawakukuta kitu chochote. Lakini alipotaka kujifuta damu mwilini mwake, aliamua kukagua begi lake ili aone kama chochote niite kupata kitambaa chochote aweze kufuta damu na kusafisha majeraha yake.
“Eeeeh mizimu ya mababu nini hiki?, “,Njoshi aliongea baada ya kukuta kipande kidogo cha jiwe ndani ya begi, lakini kipande hiki kiling’aa kama dhahabu. Kipande hiki kilifichwa ndani ya begi, sehemu ambayo ilikuwa ni ngumu kuliona kama ukikagua begi kwa papala, kama alivyofanya jini aliyekagua begi mwanzoni kwani siku zote haraka haraka haina baraka. Njoshi alitaka kulitupa jiwe hili, lakini roho yake ilisita kwani aliyakumbuka maneno ya mama yake kuwa asiweze kuliacha begi lile. Hivyo aliamini lazima jiwe lile litakuwa na msaada kwake, na bila kupoteza muda kuendelea kulishangaa jiwe lile ,aliliweka mfukoni ili atokomee kutoka katika ngome hatari ya malikia.
“Heeeeeh ……mbona kama mazingaombwe,! “Njoshi alishangaa baada ya kuliweka jiwe lile mfukoni, na kuona majeraha yote yakipona huku sumu ya nge ikimtoka mwilini.
“Ahaaaah, tayali nilishafahamu hili jiwe ni muhimu kwangu “,Njoshi alitamka maneno yale kwani tayali alitambua jiwe lile ndio lililomponya, hivyo basi alilifunga vizuri katika mfuko wa kaptura yake lisiweze kudondoka na kupotea.
Baada ya jambo hilo kutokea, Njoshi alielekea ndani kwa malikia huku majini wote wakishindwa kugundua chochote, jambo ambalo lilikuwa la ajabu sana. Aliendelea kupenya ndani kwa malikia, na kukagua kila kona lakini hakuweza kuliona panga wala kitambaa chake. Njoshi aliendelea kupekua huku na kule lakini hakufanikiwa, hivyo basi aliamua kuahirisha kila kitu ili atoke ndani ya msitu kuyaokoa maisha yake kabla hapajakucha, kwani tayali alikuwa hajaona fimbo ya kifalme wala panga pamoja na kitambaa.
Njoshi akiwa anatoka katika lango la malikia, alishangaa kuona kabati moja iliyokuwa karibu na mlango wa nyumba ya malikia ikijifungua huku miale kama ya jua ikitoka mfukoni mwake. Akiwa anashangaa miale ile, aliamua kulitoa jiwe lile mfukoni kwake, na baada ya kulishika mkononi, miale mikali ilitoka katika jiwe lile na kusababisha kufuli kubwa la ajabu katika kabati ile kujifungua.
“Aiseeeh asante sana mama, jiwe hili linamsaada mkubwa kwangu, sikujua kama linanguvu kiasi hiki “,Njoshi aliongea maneno ya furaha huku akiitazama fimbo ya kifalme, fimbo iliyokuwa inang’aa sanaa kwani ilitegenezwa kwa dhahabu, madini ambayo yalionekana kutumika pia kutengenezea jiwe la ajabu ambalo lilionekana kuwa msaada mkubwa kwa Njoshi. Haraka sana ikiwa tayali giza limeanza kutoweka, huku sauti za ndege walioamka mapema zikianza kusikika, Njoshi aliichukua fimbo ile na kisha kuchukua kalamu ya ajabu iliyokuwa pembeni ya fimbo ile ndani ya kabati.
“MFALME NJOSHI “,yalikuwa ni maneno ambayo Njoshi aliweza kuyaandika katika fimbo ya kifalme, kwa kutumia kalamu ya ajabu na kisha kucheka kwa sauti kubwa sana, kicheko cha furaha kwani tayali angeweza kuwa mfalme kama akifanikiwa kutoka nje ya msitu na fimbo ile ya kifalme. Japo Njoshi alicheka kwa sauti kubwa, majini ambao walionekana kulala sana siku hiyo, hawakuweza kusikia chochote kile bila kufahamu kuwa jiwe lile ndio liliweza kufanya maajabu yale yote.
“Hapa ngoja nikatengeneze JENEZA LA AJABU, harafu nirudi nyumbani “,Njoshi alizungumza kwa ujasiri huku akitabasamu, na kisha kutimua mbio kuelekea katikati ya msitu kutengeneza jeneza la ajabu, jeneza ambalo mfalme Mutapa atafufuka baada ya wiki moja kama akizikwa ndani yake.
Bila kutegemea Njoshi aliweza kupita katika geti la malikia, geti ambalo lilinyunyiziwa maji ya ajabu na kumgandisha binadamu yoyote ambaye angeyakanyaga maji hayo.Lakini kwa wakati huu, alipita bila tatizo lolote jambo ambalo lilimfanya Njoshi alibusu jiwe lile, jiwe ambalo alilishika kwa nguvu katika mkono wake wa kulia kwani ndio siraha pekee aliyonayo kwa muda huu.
“Hapa tayali nimefanikiwa ,mimi ni mshindi “,Njoshi aliongea maneno haya huku akitokomea vichakani, lakini baada ya Njoshi kutoa mguu wake katika ngome ya malikia. Malikia alishtuka na kufuatiwa na majini wote, huku kila mmoja akiwa hajitambui. Hali hii ilimfanya Malikia kutoka nje, na kushangazwa kutomkuta Njoshi katika mti wa mateso, aliporudi ndani alishangaa kukuta kabati likiwa wazi huku fimbo ikiwa imeibiwa. Akiwa na mshangao na kushangaa namna Njoshi aliweza kufungua kabati, na ngome yote wasiweze kusikia hakupata jibu sahii. Harakaharaka aliwaita majini wote na kutoa amli Njoshi aweze kutafutwa haraka sana.
Ikulu kwa mfalme Mutapa;
Hofu juu ya mfalme kutofufuka tena inaikumba familia ya mfalme Mutapa, kwani mganga kutoka Muyeshi alifika na kueleza kila kitu ambacho alikigundua kutokana na uwezo aliokuwa nao.
“Haraka sana mama yake Njoshi auawe mala moja, baada ya hapo Ngesha na mama yake muwaue pia “,mtoto mkubwa wa mfalme, mtoto aliyeonekana kuwa katili sana, alitoa amli kwa askari wake na bila kupoteza muda askari waliondoka kutekeleza amli. Hayo yote kipindi yanatokea, Grace alikuwa chumbani kwake akimuwaza mpenzi wake Njoshi, bila kufahamu kuwa tayali askari waliweza kutumwa na kaka yake wakamuue mama mkwe wake. Jambo ambalo angelipinga, kama angeshuhudia kipindi amli hiyo ikitolewa.
Mwamutapa;
Siku zote misemo ya wahenga huwa inamaanisha kitu fulani,kama vile msemo maarufu unaosema ‘siku ya kufa nyani miti yote hutereza ‘
Msemo huu ulidhihirishwa kwa mama yake Njoshi, kwani siku hiyo aliahirisha kwenda shamba aweze kumsubili mwanae ,kwani ilikua ni siku ambayo Njoshi alitakiwa arudi kutoka msituni.Lakini pia siku hiyo mama yake Njoshi alisahau kutazama kioo cha ajabu ,kioo ambacho kilikua katika chumba maalumu katika nyumba kubwa waliyonayo.Siku zote kioo hicho alikitazama kila asubuhi anapoamka,na kufahamu jambo ambalo lingetokea siku hiyo.Hivyo basi kama asingesahau kutazama kioo hicho cha ajabu,inawezekana angeepuka kifo.
********
Asubuhi na mapema siku ya jtano ,mama Ngesha aliamka na kuandaa chai ili waweze kuelekea shambani yeye na mwanae.Siku hii aliamka mapema tofauti na siku zingine,kwani alikosa usingizi mzima akiyatafakali maneno ambayo aliambiwa na mwanae usiku uliopita kuhusu kifo cha mfalme.Kifo ambacho kilikuwa siri,huku mfalme akiugua kwa takribani mwezi mzima,wananchi wakiwa hawafahamu.
“Amka unywe chai twende shamba”,mama Ngesha alimwamusha mwanae aliyeonekana kulala sana siku hiyo ,tofauti na siku zote.
“Mama naumwa sana,leo tusiende shamba,baki nyumbani,ukiniacha utakuta nimekufa”,Ngesha aliongea maneno yaliyomfanya mama yake asitishe kwenda shambani siku hiyo amuuguze mwanae,kwani alionekana kuchemka sana ,pale mama yake alimpomshika katika shingo lake na kulihisi joto kali la mwane likiwa limepanda sana,na kusababisha Ngesha atokwe na jasho mwilini.
“Sawa tutabaki wote,vua shati lako joto lipungue mwilini, ukihitaji chochote niite, mimi niko nje napukuchua mahindi “,mama yake Ngesha alimtoa hofu mwanae, na kisha kutoka ndani ya chumba cha mwanae. Bila kutambua kuwa kifo kilikua mbele yao.
Ilikujua hatma ya Njoshi, na mama yake, pia hatma ya Ngesha na mama yake, usikose sehemu ya 14.
|
|
|
|
| SIMULIZI : “JENEZA LA AJABU ” **SEHEMU YA 12* |
|
Posted by: MwlMaeda - 08-20-2021, 11:59 AM - Forum: Hadithi
- No Replies
|
|
SIMULIZI : “JENEZA LA AJABU “
**SEHEMU YA 12*
Mwamutapa;
Ngesha baada ya kufika nyumbani kwao na kumkuta mama yake akiwa anamsubilia huku hofu kubwa ikimtawala kwani alikuwa na hofu kuhusu usalama wa mwanae. Mama yake hakuamini pale tu Ngesha aliporudi nyumbani akiwa mzima wa afya, na alipojaribu kumuulza alikuwa wapi?, Ngesha alimsimulia mama yake kila kitu bila kuficha chochote kile. Kiasi kwamba kifo cha mfalme hakikuwa siri tena, kwani tayali Ngesha na mama yake walikuwa tayali wameshafahamu.
Kutokana na usiku kuwa tayali umeingia ,Ngesha na mama yake walipata chakula na kuelekea vitandani kujipumzisha, huku mama yake Ngesha akikosa usingizi kabisa mpaka kunakucha siku ya jumatano, kwani alikuwa na mawazo mengi kuhusu kifo cha mfalme, jambo ambalo aliweza kuambiwa na mwanae Ngesha.
Mwamuyeshi;
Mji ukiwa umechangamka sana huku shughuli mbalimbali hasa biashara zikiendelea,kwani ndio ilikua shughuli kuu katika nchi hii tofauti na nchi jirani ya Mwamutapa,kwani Mwamutapa walitegemea sana kilimo. Mganga maarufu katika nchi hii akiwa amepanda farasi wake, alijaribu kupenya katikati ya soko ambalo lilikuwa na watu wengi sana mida ya asubuhi. Soko hili lilikuwa limepakana na ikulu ya mfalme Muyeshi, kiasi kwamba njia pekee ya mkato kuelekea ikulu kwa mfalme iliweza kufurika watu na kuziba njia hiyo. Bila kukata tamaa, mganga yule alizidi kupenya katika kundi lile la watu na hatimae aliweza kufanikiwa, kwani alionekana kuwa na haraka sana.
Ikulu kwa mfalme Muyeshi;
Pilika pilika za hapa na pale zikiwa zinaendelea katika jengo kubwa la mfalme Muyeshi, huku vijakazi wa mfalme wakisafisha mazingira ya ikulu, katika asubuhi nzuri ya siku ya jumatano.
Mfalme Muyeshi akiwa ameketi nje ya jengo lake, huku akiota jua zuri la asubuhi. Alishashangaa kumuona mganga wake aliyemtegemea akifika ikulu, huku akionekana kuwa na jambo muhimu sana ambalo liliweza kumleta ikulu, bila kuitwa na mfalme.
“Aiweeh mfalme wangu Muyeshi, nimekuja haraka sana kwako, kuna tatizo “,mganga yule alimsalimu mfalme Muyeshi, huku akishuka juu ya farasi wake na kisha kumfahamisha mfalme kuwa kulikuwa na tatizo ambalo liliweza kumleta.
“Aiweeeh mganga wangu kipenzi, tatizo gani limekuleta kwangu asubuhi yote hii “,mfalme aliweza kumjibu mganga wake na kumpatia swali mganga yule.
“Rafiki yako Mutapa, mfalme wa Mwamutapa alifariki jana, lakini kifo chake sio siri tena, watu wake wameanza kufahamu “,mganga aliongea maneno ambayo yaliweza kumshitua mfalme, kwani mfalme aliweza kuitambua hatari ambayo ingemkuta rafiki yake baada ya kifo chake kufahamika, kwani hata jeneza la ajabu lipatikane lisingeweza kusaidia chochote kile. Bali mfalme Mutapa angekufa bila kufufuka tena, na huo ndio ungekuwa mwisho wa utawala wake.
“Ondoka haraka sana, nenda kazuie hili jambo lisiweze kutokea, nenda katoe taarifa ikulu kwa mfalme Mutapa, ili wote wanao ifahamu siri hii waweze kuuawa haraka sana “,mfalme aliongea na kisha kutoa askari kumi wenye farasi ili waweze kumsindikiza mganga yule na kumpatia ulinzi wakati wote, na bila kupoteza muda, kundi la watu kumi na moja walianza safari kuelekea nchi jirani ya Mwamutapa haraka sana.
Msitu wa majini;
Mapenzi bwana, ni kitu cha ajabu sana. Huwezi amini, malikia wa majini alishindwa kupata usingizi usiku uliyopita, alizunguka huku na kule katika ngome yake huku akimtazama Njoshi aliyekuwa amepoteza fahamu huku akiwa amefungwa kwenye mti wa mateso. Alitamani amuone Njoshi akifumbua macho, lakini Njoshi alizidi kuyafumba macho yake mithili ya mtu aliyefariki dunia. Lakini fikra za malikia zilikwenda mbali sana, kiasi kwamba alitamani kumtoa Njoshi katika mti ule, lakini moyo wake ulisita, lakini aliapa kumtoa katika mti ule asubuhi siku iliyofuata siku ya jtano.
“Lazima nimtoe hapa alipo, siko tayali kuumia wakati mwenye maamuzi ni mimi “,malikia aliongea huku akimalizia kuwatoa nge na siafu kwa kutumia kijiti katika mwili wa Njoshi, na kisha kuelekea chumbani kwake kupumzika.
Jua likichomoza vema na kuufanya msitu wa majini kuonekana vizuri sana, huku rangi ya kijani ya miti ikipendeza na kuvutia machoni kwa ndege pamoja na viumbe wote wa msituni. Malikia alikuwa wa kwanza kusikia sauti nzuri za ndege zikifurahia maua katika ngome yake, na jambo la kwanza aliweza kuamka na kwenda kumtazama Njoshi.
“Mhhh kaenda wapi tena?, au ametoroka “,ilikuwa ni sauti ya mshangao kutoka kwa malikia, msichana pekee katika msitu wa majini. Kwani majini wote wa kike waliweza kutoweka baada ya mfalme kushindwa kutimiza laana yake.kwani alimkamata malikia akifanya mapenzi na jini mwingine wa msituni tofauti na yeye, kutokana na hasira mfalme aliapa kumuua malikia huyo lakini hasira zilipopungua alishindwa kufanya hivyo kwani alimpenda sana japokuwa alimsariti, Kutokana na miiko ya majini hao wa msituni,kwani kiongozi wao anapotamka jambo lazima alitimize. Wanawake wote msituni pamoja na mfalme waliweza kutoweka ,na kumuacha malikia akiwa mwanamke pekee wa kijini msituni.
Hali hii ilipelekea malikia kumchagua jini yoyote wa kiume wa kulala naye, pale tu alipokuwa na hisia za kufanya mapenzi. Kwani tayali mume wake ambaye alikuwa ni mfalme wa msituni, alikuwa hayupo tena.
Kwa upande wa majini wa kiume, baada ya kutoweka kwa wake zao, walijikuta wakijaribu kumbaka malikia baada ya kushindwa kuzuia hisia zao na kuambulia kuuawa na malikia, kwani alikuwa na nguvu sana kuwashinda. Hivyo basi, kuchaguliwa na malikia kulala naye lilikuwa ni kama jambo la bahati kwa majini wa kiume, na wengi waliomba mizimu waweze kuipata bahati hiyo bila mafanikio.
“Wote poteeni muelekee msituni, adui katoroka “,malikia alitoa amli baada ya majini wote wa msituni kukusanyika. Huku yeye akiwa ametoka ndani kwake kukagua mali zake, kwani baada ya kukuta Njoshi hayupo katika mti wa mateso. Aliamua kuelekea ndani kukagua mali zake na kukuta fimbo ya kifalme ikiwa imeibiwa, lakini mkanda pamoja na panga vilikuwepo kwani vilifichwa sehemu ambayo haikuwa rahisi kuviona. Malikia aliamini Njoshi hatafika mbali ,kwani alikuwa na majeraha makubwa na pia hakuwa na siraha yoyote ya kumlinda.
Ngesha na mama yake, pamoja na mama yake Njoshi, watauawa?? Kwani ndio wanajua siri ya mfalme …
Njoshi kaelekea wapi?
Tukutane sehemu ya 13
|
|
|
|
| SIMULIZI : “JENEZA LA AJABU ” **SEHEMU YA 11* |
|
Posted by: MwlMaeda - 08-20-2021, 11:58 AM - Forum: Hadithi
- No Replies
|
|
SIMULIZI : “JENEZA LA AJABU “
**SEHEMU YA 11*
Msitu wa majini;
Giza likiwa tayali limeshaingia, hali ya ukimya iliweza kutawala sana katika msitu. Kwani viumbe wengi wa msituni walikuwa tayali wamejipumzisha, isipokuwa katika ngome ya malikia, kwani ndege pamoja na wadudu waliendelea kuruka ruka na kuimba nyimbo nzuri sana, wakifurahia uwepo wa maua yale ya kupendeza katika ngome ya malikia. Nyuki nao hawakutaka kuwa nyuma, waliendelea kuruka katika maua yale, na kisha kufyonza maji yake ili wakapate kujitengenezea asali.
Ndugu msomaji,kijana hodari Njoshi akiwa amesimama kama sanamu,tena kama sanamu lile la kariakoo, katika duka la nguo la muhindi baada ya kukanyaga maji ya ajabu bila kujitambua. Aliendelea kuzungusha macho yake huku na kule, akitazama maua yale ya kupendeza.Huku harufu nzuri ya maua ikipenya katika matundu yake mawili ya pua yake, na pia sauti nzuri za ndege zikisikika katika masikio yake na kumfariji Njoshi. Bila kujitambua alijikuta akisahau machungu yote ya msituni na kujikuta akitabasamu, kwani ndege wale walimfurahisha sana.
“Aiweeeh mtukufu Gutamanya, kumbe ni wewe kijana, adui wetu wa msituni, kijana mzuri kiasi hiki, kwa nini umewaua ndugu zetu “,ghafla sauti nzuri na nyororo ilisikika na kumshitua Njoshi, kwani mawazo yake yalikuwa mbali sana, tena katika dunia nyingine wakati akiwatazama ndege wazuri katika ngome ya malikia na kusababisha ajisahau kuwa alikuwa katika hatari. Sauti hii nyororo iliyosikika, haikuwa nyingine bali ilikuwa ni sauti ya malikia. Baada ya kufika katika geti la ngome yake, na kumkuta Njoshi akiwa amesimama huku akiwa kashikilia panga lake, panga ambalo asingeweza kulitumia tena, kwani tayali alikuwa hawezi kutoka mahali alipo.
Malikia alitokea kumpenda Njoshi mala baada ya kuitazama sura yake, kwani alikuwa ni kijana mzuri sana huku weupe aliokuwa nao ukimpendezesha zaidi na zaidi. Malikia akiwa anatazama kifua cha Njoshi, kifua ambacho kilionekana kuwa cha mazoezi na kusababisha sehemu za tumbo lake kujikata kama pingili, malikia alijikuta hasira alizokuwa nazo zikimtoka na kisha kumuulza Njoshi maswali, tena kwa upole hali ambayo iliwashangaza majini wengine akiwemo jini mweupe aliyekuwa amesimama nyuma ya malikia, na kufuatiwa na kundi kubwa la majini waliokuwa wamebeba siraha za kila aina, ikiwemo mishale pamoja na mikuki ya ajabu.Mishale hii pamoja na mikuki ilikuwa ni tofauti na ile ya binadamu, kwani ilikuwa na uwezo wa kumpiga adui na kumgeuza kuwa kiumbe yoyote yule kama walivyotaka, unaweza kugeuzwa nyoka au hata ndege na kisha kukamatwa na kukufungiwa katika banda lao dogo walilolitumia kwa ajili ya kuwafungia binadamu wote waliouvamia msitu na kisha kuwapatia mateso makali.
“Aiweeeh malikia wa msituni, sikukusudia kuwaua ndugu zako, niuwie radhi malikia ” ,Njoshi alijitetea huku mmoja wa majini akimnyanganya Njoshi panga pamoja na kumvua kitambaa cheusi alichokivaa kiunoni. Baada ya kumnyanganya vitu hivyo, hakuwa na siraha yoyote ile ya kumlinda kwani walikagua begi lake jeusi alilolivaa mgongoni na hawakukuta kitu chochote, kwani begi hilo lilitumika tu kuhifadhia panga pamoja na kitambaa kile cheusi.
Baada ya kuamini kuwa Njoshi asingeweza kuwadhuru. Malikia alimzunguka Njoshi mala tano, huku akitamka maneno ya ajabu, maneno ambayo mimi na wewe hatujui, kwani viumbe wale walizungumza kila lugha waliyoitaka wao, kwani hawakuwa binadamu bali majini, viumbe hatari sana.
“Ihiii………iwii……hii……”,malikia alizidi kutamka maneno ambayo waliyatumia kupiga kelele pale walipokuwa wana hasira na kuugulia maumivu, kipindi ambacho ndugu zao wameuawa huku akizidi kumzunguka Njoshi, na alipomaliza mzunguko wa tano Njoshi aliweza kuzinduka
“Umefuata nini katika msitu huu, ewe mtoto wa Nyangoma “,malikia aliongea huku moyo wake ukiwa tayali umempenda Njoshi kimapenzi, na kujuta maneno ya laana ambayo tayali alitakiwa ayakimilishe, jambo ambalo lilianza kuwa ngumu kwani tayali alikuwa ameshampenda Njoshi mala baada ya kuiona sura yake.
“Nimefuata utajiri, “,Njoshi akiwa anajalibu kujinyosha huku akitupa mikono yake huku na kule akiwa haamini kama kweli ametoka katika mtego ule, mtego ambao ulimfanya asimame kama sanamu bila kutikisika. Aliweza kujibu swali la malikia na kumdanganya kwani msituni alifuata jeneza la ajabu pamoja na fimbo ya kifalme na wala sio utajiri.
Msema ukweli ni mpenzi wa mungu, na pia ukweli siku zote utakuweka huru. Malikia pamoja na majini wote walikasirika sana kwani walichukia uongo kuliko kitu chochote kile, bola uwaue kuliko kuwadanganya.
“Hebu mkamateni, mkamfunge kwenye mti wa mateso “,Malikia alitoa amli Njoshi akamatwe kwani hisia za mapenzi zilitoweka ghafla, baada ya Njoshi kuwadanganya, bila kutambua kuwa majini hawadanganyiki, walikuwa na uwezo wa kutambua chochote kile bila kuambiwa na mtu yoyote.
Haraka sana askari wa msituni wakiwa na hasira sana na Njoshi, kwani aliwaua ndugu zao. Walimchukua Njoshi na kisha kumfunga katika mti mrefu, mti wa ubuyu uliopatikana katikati ya ngome ya malikia. Mti huu uliitwa mti wa mateso, kwani wadudu wakali kama siafu na nge wenye sumu kali, walipatikana katika mti huo na kumuadhibu kila aliyefungwa mahali hapo.
“Aiwee…eh mizi…mu ya mababu nakuf…aaa!! ” ,Njoshi alipiga kelele huku maumivu makali akiyasikia, kwani baada ya kufungwa katika mti huo. Siafu pamoja na nge wengi walimtapakaa mwilini na kumshambulia, huku viumbe wote wa msituni wakicheka kwani waliamini tayali kisasi chao kilikuwa kimefanikiwa.
Tofauti kabisa na malikia, hakuwa na furaha kabisa kwani alitokea kumpenda Njoshi ,hivyo ilimbidi afanye hivyo kwani Njoshi alionekana mbishi na mwenye dharau, baada ya kumdanganya.
“Utakaposema ukweli, sababu iliyokuleta msituni, ndipo utatoka mahali hapo ” ,malikia aliongea huku akijiamini, maneno ambayo Njoshi hakuweza kuyasikia kwani tayali alikuwa amepoteza fahamu.
Ikulu kwa mfalme;
Watu walishindwa kupata usingizi katika ngome ya mfalme, tofauti kabisa na siku zingine. Waliendelea kulia huku wakiwa wameketi, wamekizunguka kitanda ambacho kulikuwa na maiti ya mfalme iliyokuwa imefunikwa kwa shuka zuri jeupe, huku sehemu ya kichwa chake ikiachwa wazi.
Wake kwa waume, ndugu pamoja na vijakazi wa mfalme, hawakusitisha sara zao kwa mizimu ili siku inayofuata Njoshi aweze kurudi na jeneza kutoka msituni. Bila kutambua kuwa Njoshi alikuwa tayali ameshakamatwa, na alikuwa anapatiwa mateso makali.
“Eeeh mizimu ya mababu, mrudisheni Njoshi wangu salama “,binti mfalme Grace, mpenzi wake Njoshi, yeye aliendelea kulia huku akijuta kumruhusu kipenzi chake kwenda msituni..kifo cha baba yake japo kilimuumiza lakini baba yake hakuwa muhimu sana katika maisha yake kama alivyo Njoshi. Aliamka kutoka katika kiti chake alichokuwa amekalia sebuleni, kiti kizuri kilichotengenezwa kwa miti na kisha kuelekea chumbani kwake na kuwaacha ndugu zake wakiwa wanaendelea kuhuzunika huku wakiutazama mwili wa mfalme,ambaye tayali alikwishakufa.
Mwamutapa;
Mama yake Njoshi anaota ndoto ya ajabu,anaota kuwa Njoshi akiwa msituni alienda kuoga katika mto uliopita katikati ya msitu.Akiwa anaogelea,Mamba aliweza kumwona Njoshi na kisha kumkimbiza.Kutokana na Njoshi kuchoka sana na safari ndefu msituni,alichoka kuogelea haraka kumshinda mamba yule na kujikuta akitafunwa na yule mamba.
“Aiweeeh ……mizimu ya mababu mwanangu yuko hatarini,muepusheni na balaa”,mama yake Njoshi alikurupuka kutoka usingizini,na kisha kumuombea mwanae kwa mizimu iweze kumlinda kwani aliweza kuota ndoto ya kutisha,ndoto ambayo alimaanisha Njoshi alikuwa katika hatari kubwa.Kwani kitendo cha Njoshi kutafunwa na mamba katika ndoto,kilimaanisha hatari kubwa iliweza kumkabili Njoshi usiku huo,usiku wa kuamkia siku ya jumatano.Bila shaka mama yake Njoshi alikuwa sahihi kabisa,kwani usiku huo mwanae alikuwa amefungwa katika mti wa mateso msituni,huku akiliwa na siafu pamoja na nge wenye sumu kali.Mateso haya yalikuwa makali sana na kupelekea Njoshi kupoteza fahamu.
|
|
|
|
| SIMULIZI : “JENEZA LA AJABU ” *SEHEMU YA 10** |
|
Posted by: MwlMaeda - 08-20-2021, 11:53 AM - Forum: Hadithi
- No Replies
|
|
SIMULIZI : “JENEZA LA AJABU “
*SEHEMU YA 10**
Mwamutapa;
kila familia katika nchi ya Mwamutapa, wanaingiwa na hofu kubwa, baada ya kusikia sauti za kutisha kutoka msituni,asubuhi siku ya jumanne. Sauti hizo waliziipuuzia mwanzoni. Lakini, sauti hizo zilisikika tena kwa mala nyingine jioni ya siku hiyo hiyo, na tena sauti hizo zilikua nzito na za kutisha kupita zile zilizosikika kwa mala ya kwanza. Kelele hizo zilisababisha familia nyingi kujifungia majumbani mwao, huku giza likiwa hata bado halijaingia japokuwa jua lilikuwa tayali limezama kutokana na uoga waliokuwa nao, kwani walifahamu sauti hizo zilitokea katika msitu wa majini bila kutambua chanzo chake, wala maana yoyote kuhusu sauti hizo.
Familia ya kina Ngesha ilikuwa moja ya familia zilizokuwa na hofu sana, kwani mama yake Ngesha alifunga milango yote na kisha kuketi sebuleni, katika nyumba yao ya udongo, na kisha kumsubili mwanae ambaye alikuwa hajarudi tangu alipoondoka asubuhi, na kumuaga mama yake kuwa ameenda kumtembelea rafiki yake Njoshi.
Lakini mama yake Ngesha alipojaribu kumsubili mwanae ili waweze kuelekea shambani pamoja, alishangaa mwanae alipochelewa sana. Kitendo kilichomlazimu mama yake kwenda shambani peke yake, kwani aliamini Ngesha atamkuta shambani,mala tu atakaporudi kutoka kwa rafiki yake.
Ama kweli, nani kama mama ?,kwani mama yake Ngesha alifanya shughuli za shambani mpaka mchana, lakini bila kutegemea, hakuweza kumwona mwanae akimfuata shambani. Hali hii ilimfanya mama yake Ngesha kuwa na hofu sana, na ukizingatia alikuwa tayali ameshazisikia sauti za kutisha asubuhi, mida kama ya saa nne. Hivyo basi, mama yake Ngesha alitambua kuwa siku hiyo ilikua tofauti sana na siku zingine, na haikuwa kawaida mwanae kuchelewa kiasi kile na kushindwa kumfata mama yake shambani, jambo ambalo lisingewezekana kwani Ngesha alipenda sana kumsaidia mama yake kazi za shambani.
Hivyo basi, baada ya mama yake Ngesha kuwaza na kuwazua, aliamua kusitisha shughuli zake za shambani mapema sana, mida kama ya saa sita hivi na kisha kurudi nyumbani, aweze kujua usalama wa mwanae, chezea Mwamutapa wewe!, muda wowote kifo kinaweza kukutokea bila mungu kupenda.
Ama kweli siku ya kufa nyani miti yote huteleza, mama yake Ngesha alifika nyumbani kwake, lakini hakuweza kumkuta mwanae. Haraka sana wazo likamjia na kisha kufunga safari kuelekea nyumbani kwa kina Njoshi. Huko pia alipofika getini tu,komeo la mlango liliweza kumkalibisha,komeo lililomaanisha hakukuepo na mtu yoyote nyumbani pale.
Asikwambie mtu,mama yake Ngesha alichoka!,alipigwa na butwaa huku maswali mengi yakimsumbua kichwani,kwani hakujua mwanae yuko wapi.Alihisi labda atakuwa hatarini,tena katika hatari kubwa sana.Hatari ya kutekwa na askari wa mfalme,na kwenda kutumikishwa kazi nzito,kazi ambazo watu wengi walikamatwa na kwenda kuzifanya bila kupumzika ,na bila malipo yoyote.Na pale ambapo mtu yeyote alipojaribu kufumbua kinywa chake,na kudai haki yake,bila huruma kifo ndio zawadi na tuzo pekee aliyolipwa kama malipo ya jasho lake,chezea mfalme wa Mwamutapa wewe!.
Haya sasa,tuachane na hayo.Jua likiwa linaanza kufifia huku ndege wa angani wakiruka ruka angani,na kuipendezesha anga ya Mwamutapa.Mama yake Ngesha anaamua kurudi nyumbani baada ya kusimama kwa dakika kadhaa mbele ya geti la kina Njoshi, huku akiwa haamini kile alichokuwa anakiona.
Ikiwa tayali mida ya jioni, akiwa anarudi Nyumbani,bila kufahamu ilikua ni saa ngapi, alisikia kelele nzito na za kutisha kutoka msituni ,kelele ambazo alizisikia kwa mala ya pili japokuwa kelele hizi zilitisha sana kuliko zile za awali, kwani zilisababisha mpaka ardhi kutetemeka. Lakini bila kupoteza muda, mama yake Ngesha aliamua kutimua mbio kuelekea nyumbani, mbio ambazo zilimfikisha nyumbani baada ya muda mfupi tu, kwani alitimua kama swala. Na mala baada ya kufika nyumbani, jambo la kwanza lilikuwa ni kufunga milango na madirisha ya nyumba yake, na kisha kuketi sebuleni kumsubili mwanae.
Msituni;
Njoshi akiwa ameshikilia kamba yake kwa mkono wa kushoto, ghafla alishangaa majini wale wakipotea. Aliamua kutoka haraka sana shimoni, huku akiwa amelowa na mwili wake kutoa harufu mbaya, harufu ambayo ilisababishwa na maji machafu ya shimoni, maji ambayo yalichanganyikana na viumbe wengi wakiwa wamekufa na kuoza ndani yake.
“Mmmh wamekimbia?, au wamenitega tena? “,Njoshi aliongea baada ya kutoka ndani ya shimo na kushangaa kutokuta kiumbe yoyote yule, kitendo ambacho kilimtahadharisha aweze kuwa makini, kwani alifikili labda atakuwa amebadilishiwa mtego, aweze kunaswa kirahisi ,jambo ambalo lilimfanya aweze kuwa makini na asiweze kunaswa kwa mala nyingine tena.
“Hapa ngoja nisonge mbele, na giza tayali limeshaingia, inatakiwa nifike katika ngome ya malikia haraka sana, niweze kuiba fimbo ya kifalme na kuiandika jina langu, harafu nikachonge jeneza la ajabu kisha kesho asubuhi na mapema nirudi nyumbani “,Njoshi aliongea huku akianza kutimua mbio na kuelekea katika ngome ya malikia, kwa kutumia njia ile ile iliyokuwa imetegwa shimo na kufunikwa na udongo juu yake. Bila kutambua kuwa tayali kulikuwa na mtego mbele yake, mtego ambao ulikuwa katika ngome ya malikia, ngome ambayo ilihafadhi madini ya kila aina pamoja na vitu mbalimbali ikiwemo fimbo ya kifalme. Fimbo ambayo mtu anayetaka kuongoza Mwamutapa lazima aimiliki, na kuandika jina lake, na hiyo ndio itakua tiketi ya kuongoza nchi ya Mwamutapa.
Njoshi alizidi kusonga mbele huku akipanga mipango ya namna ya kufanikisha kutengeneza jeneza la ajabu haraka sana ili aweze kurudi nyumbani siku ya jumatano asubuhi, siku ambayo ilikuwa ya mwisho kukaa msituni, kwani mfalme alitakiwa azikwe ndani ya siku tatu baada ya kufa, na kama angezikwa katika jeneza la ajabu nje ya siku hizi tatu, au angezikwa huku wananchi wa Mwamutapa wakiwa wamefahamu kuwa amekufa, mfalme hatoweza kufufuka kwani inatakiwa iwe siri.
Njoshi baada ya kukimbia ndani ya muda mchache tu ,kwa umbali kama wa mita mia moja aliweza kuiona ngome ya malikia, ngome ambayo ilizungushiwa nyasi na kisha kupambwa na maua mazuri sana, maua ambayo yalikuwa na harufu nzuri na kuwavutia ndege wengi pamoja na wadudu kuruka ruka katika ngome hiyo kufuata maua.
“Adui hayuko mbali, muda sio mrefu tutamtia nguvuni, yani atajuta kuingia katika ngome na msitu huu “,Malikia alizidi kuongea kauli za laana, kauli ambazo baadae zitamgharimu kwani ilikua ni mala ya pili akitamka kauli mbaya na za visasi kwa Njoshi
Hii ilikuwa ni kama miiko, kauli ambayo anaitamka malikia lazima aitimize, bila hivyo watu wake wataweza kufa ghafla,na kisha ngome yake itateketea. Jambo ambalo baadae linaweza kutokea, kwani malikia alishindwa kumwadhimbu Njoshi na kulipiza kisasi ili atimize kile alichokuwa akikisema, na kuepusha balaa kwa watu wake.
“Aiw…eeeh mizimu wa babu zangu, niepu…sheni na bal…aa h…ili “,Njoshi aliomba mizimu iweze kumsaidia kwani bila kutegemea, alishindwa kutoka mahali alipo, wala kujitikisa , baada ya kukanyaga maji ya ajabu, maji ambayo malikia alinyunyizia kuzunguka ngome yake, pale tu Njoshi alipotaka kuingia ndani, katika ngome hatari ya malikia wa majini wa msituni.
“Aiweeh mtukufu Gutamanya, mkuu wa majini wote ulimwenguni, tayali nimemtia mikononi mwangu adui yangu”,malikia wa majini,msichana aliyekuwa mrembo sana,aliongea huku akiwaongoza majini wote kuelekea getini ,kwenda kumtazama adui wao na kumtambua,kwani maji yale yalikuwa na nguvu sana kiasi kwamba Njoshi aliweza kuonekana machoni kwa majini,bila kusaidiwa na kitambaa alichokivaa kiunoni.
Mwamutapa;
Ngesha na mama yake Njoshi walishangaa kukuta kila nyumba ikiwa kimya huku milango na madirisha yakiwa yamefungwa baada ya kutoka shambani. Haikuwa kawaida mji kuwa kimya kiasi kile muda wa saa moja jioni, hali hii ilimfanya Ngesha kumuaga mama yake Njoshi na kisha haraka sana akaelekea nyumbani kwao, ili aweze kujua usalama wa mama yake.
Akiwa katika hali ya mshangao, alishangaa mama yake akimkimbilia na kisha kumkumbatia huku akilia, baada ya kufungua mlango na kukuta mama yake akiwa ameketi sebulini akimsubili.
“Uko salama mwanangu, nilikuwa na hofu sana juu yako “,mama yake Ngesha aliongea maneno mazito yenye upendo ndani yake, maneno yaliyomfanya hata Ngesha aweze kutokwa na machozi, kwani alijiona mwenye makosa makubwa kumfanya mama yake awe na hofu juu ya usalama wake, kwani aliondoka tangu asubuhi bila kurudi nyumbani mapema.
Ili kujuwa hatma ya Njoshi msituni, tukutane katika sehemu ya 11
|
|
|
|
| SHAIRI: BURIANI MWALIMU KASHASHA |
|
Posted by: MwlMaeda - 08-20-2021, 11:44 AM - Forum: Ushairi
- No Replies
|
|
MASHAIRI YA JEMADARI
Ng'anzi Jr @ 2021 ©
PIGO KWA WANAMICHEZO
Machozi yamiminika, hadi ardhi imetota,
Huzuni imetushika, ukomoni imegota,
Msiba umetufika, Mola kaitwaa Nyota,
Kenda mwalimu Kashasha, pigo kwa wanamichezo.
Tulicheka hivi juzi, kwa mzaha wa mahoka,
Hivi leo mchambuzi, eti ndipo katutoka,
Alikuwa ni mjuzi, kwa kulichambua soka,
Kenda mwalimu Kashasha, pigo kwa wanamichezo.
Kifo chaja matumatu, wala hodi hakibishi,
Kashasha mtu wa watu, mahiri wa tashuwishi,
'Tuto msahau katu, hilo halina ubishi,
Kenda mwalimu Kashasha, pigo kwa wanamichezo.
Ajiraye TBC, akichambua michezo,
Alikuwa na bidii, hayatoshi maelezo,
Kwa talanta humwingii, wa juu wake uwezo,
Kenda mwalimu Kashasha, pigo kwa wanamichezo.
Machozi yanakinzana, na wala hayakauki,
Amejifia mchana, sipitali Kairuki,
Tulikuwa naye jana, kweli kifo taharuki,
Kenda mwalimu Kashasha, pigo kwa wanamichezo.
Sifa zake niziweke, ujue japo kidogo,
Ndiye bingwa wa makeke, akitia na mikogo,
Na ni lazima ucheke, hadi ujirambe chogo,
Kenda mwalimu Kashasha, pigo kwa wanamichezo.
Namba moja kwenye chati, soka akidadavua,
Bingwa wa misamiati, maneno mengi ajua,
Leo mwalimu mamati, kifo kimemchukua,
Kenda mwalimu Kashasha, pigo kwa wanamichezo.
Ng'anzi sinalo? la hasha! Ila papa tamatani,
Nenda mwalimu Kashasha, lala pema buriani,
Nasi pia twafungasha, tukufate aherani,
Kenda mwalimu Kashasha, pigo kwa wanamichezo.
Makiwa!
Salim Hussein Ng'anzi ( Jemadari )
Simu/Whattsap: 0626 884 160
Facebook: Ng'anzi Junior Jr.
E-mail: nganzijunior@gmail.com
Moshi-kilimanjaro
|
|
|
|
| HII NI ORODHA YA VITABU VYA KISWAHILI KATIKA NAMNA YA HADITHI |
|
Posted by: MwlMaeda - 08-20-2021, 08:11 AM - Forum: Hadithi
- No Replies
|
|
Ilikuwa ni KWENYE UKINGO WA THIM katika KIJIJI CHETU Kilichoshindwa kuisimamisha NGUZO MAMA kwa sababu MORANI walikuwa kama KIVULI KINAISHI katika JANGA LA WEREVU waliomo kwenye POSA ZA BIKISIWA waliosababisha KILIO CHETU hata NGOSWE KITOVU CHA UZEMBE akatutumbukiza katika HATIA.
Wakati NGOMA YA NG’WANAMALUNDI ilipopamba moto KURWA NA DOTO walikuwa katika SAFARI YA HAMAD. Hapo ndipo MWANZO WA TUFANI ulipoanza kwani NAGONA na SHIDA walitaka kupambana na KIKOSI CHA KISASI.
Hawakujua kuwa DAR ES SALAAM USIKU kina ROSA MISTIKA huwa katika UTENGANO kutokana na KIU ya kuzipata ALMASI ZA AFRIKA ambazo zilikuwa za KUFIKIRIKA Kwenye NDOTO YA NDALIA.
Masikini NYOTA YA REHEMA ilikuwa kama NURU GIZANI. Kwenye KASRI YA MWINYI FUAD ambapo HAINI alikuwa kama KULI kwenye VUTA n’KUVUTE ya MFADHILI wa USIKU UTAKAPOKWISHA na KUSADIKIKA kuwa kama NJOZI ILIYOPOTEA haikuonekana kabisa katika ARUSI YA BULDOZA.
JANGA LA WEREVU liliwasibu watu wa MZIMU WA WATU WA KALE baada ya NYUSO ZA MWANAMKE kuthibiti katika MASHIMO YA MFALME SULEMAN wakati MTAWA MWEUSI aliponadi NITAOLEWA NIKIPENDA
Ama kweli DUNIA UWANJA WA FUJO. KICHEKO CHA USHINDI kiliangukia kwenye KITANDA CHA MAUTI. Huyo ndiye BINADAM. Mwisho wa yote aliipata FUNGATE YA UHURU ingawa KIMBUNGA kilitoa SAUTI YA DHIKI kuwa LAKUVUNDA HALINA UBANI.
Haya niwatakie kheir na baraka tele. Nami ni miongoni mwa WASAKA TONGE mpaka TONE LA MWISHO nitaungana na WATOTO WA MAMA N’TILIE katika KILIO CHETU kwani hadi sasa HEKALU LIMECHAFUKA. na USHUHUDA WA MIFUPA ameondoka nao MFALME JUHA.
@ HUBA
|
|
|
|
| HEKAYA ZA ABUNUWAS >>> KISA CHA SULTANI NA MVUVI |
|
Posted by: MwlMaeda - 08-20-2021, 08:05 AM - Forum: Hadithi
- No Replies
|
|
HEKAYA ZA ABUNUWAS >>> KISA CHA SULTANI NA MVUVI
ALIKUWAKO Sultani katika nchi ya Ajemi. Siku moja akaenda kutembea pwani pamoja na Waziri wake. Wakamkuta mvuvi anatengeneza mishipi yake tayari kwenda baharini. Na siku hiyo bahari imechafuka vikubwa, na upepo unavuma mtindo mmoja. Sultani akamwita mvuvi, ya mvuvi! Akaitikia, naam Maulana. Akanena palipo wanne, na wanne, hawakifu wanne? Mvuvi akajibu, hawakifu wanne, bwana. Sultani akamwuliza, unamtumikia mtu au unaitumikia nafsi? Mvuvi akajibu, naitumikia nafsi. Sultani akanena, ya mvuvi Halla! Halla! Mvuvi akasema, mimi mchokozi bwana, namjua pweza alipo.
Sultani na waziri wakashika njia kurudi mjini. Njiani Sultani akamwambia Waziri, umefahamu maneno yale niliyosema mimi na mvuvi? Akasema, la sikufahamu. Akamwambia, wewe Waziri mzima usifahamu maneno yale, akayafahamu mvuvi. Sharti unifahamishe. Akamshika Waziri hata asiwe na raha. Waziri akanona hana njia ila amtafute yule mvuvi amwulize. Akamwita kwake. Akamwambia nataka namaa ya maneno yale uliyosmea na Sultani pwani? Mvuvi akamwambia, sijui mana yake, mimi nimejisemea tu. Akamwambia, tafadhali niambie nitakupa reale miteen. Mvuvi akasema, sijui. Akamwambia, nitakupa reale hamsini mia. Mvuvi akasema, bwana wangu sijui fasiri yake. Akamwambia nitakupa shamba langu la mahali fulani. Akanena, bwana sijui. Hata mwisho akamwambia, nitakupa hii nyumba yangu ninayokaa. Mvuvi akamwambia, niandikie hati ya mkono wako bwana, akamwandikia.
Akamwambia, sasa nitakueleza. Sultani aliniambia, palipo wanne, na wanne, hawakifu wanne. Maana yake Sultani aliona ile dhoruba iliyokuwapo, akaona ajabu kuniona mimi natengeneza nyavu kwenda baharini. Ndipo akaniambia wewe katika mwaka kuna miezi, miezi minne ya kaskazi ndio wakati wa uvuvi wa samaki, kuna miezi minne ya maleleji ndio wakati wa bahari kuwa shwari. Basi miezi hii minne huwezi kupata samaki wa kutosha kuweka miezi hii minne ya kusi? Na mimi nikamwambia, akiba ya miezi minane haitoshi kuwa akiba ya miezi hii minne ya kusi.
Waziri alipopata fasiri hii akatoka akaenda kwa Sultani. Akamwambia, nimekwisha pata fasiri ya maneno yako na mvuvi. Akamwambia nieleze. Akamweleza kama vile alivyoambiwa na mvuvi. Sultani akamwambia, umefahamu mwenyewe? Akanena, naam. Sultani akafurahi, akampa zawadi. Baada ya siku si nyingi Sultani akapata habari kama mvuvi anakaa katika nyumba ya Waziri. Maneno haya yakaenea katika mji. Hata Sultani akataka kujua maana yake. Akamwita mvuvi, akamwuliza amepataje kuwamo katika nyumba ya Waziri. Akamwambia, nyumba ni yangu sasa si ya Waziri. Akamwuliza, imepataje kuwa yako? Akanena, bwana unafahamu siku ile pwani uliponiambia, Halla! Halla! Nalifahamu kuwa umeniambia, usimpe rahisi. Name nikakuambia, mimi mchokozi, namjua pweza alipo.
Maana yake, mimi maskini najua njia ya kupata pesa. Sitamwambia ila kwa kupata faida kubwa. Na sasa nimepata faida, nakaa nyumba ya Waziri. Sultani alipoona kama Waziri wake amedanganya alikasirika sana.
Akamwita, akamwambia, umenidanganya kuwa umetambua kwa akili zako, kumbe! Umeambiwa. Basi sasa hufai wewe kuwa Waziri, umekuwa mwongo na mjinga. Huyu mvuvi ndiye atakayekuwa Waziri wangu. Mvuvi akawa Waziri, akastarehe siku zake zote.
|
|
|
|
|
