*SEHEMU YA 5*

Giza likiwa linazidi
kuwa la kutisha,ikiwa imefika mida kama ya saa nne usiku, kijana Njoshi akiwa
amevalia bukta yake nyeusi, huku chini akiwa miguu peku, kwani watu wa
Mwanamutapa kutokuvaa viatu ilikuwa kama tamaduni yao, kijana Njoshi aliendelea
kutembea huku akinyosha balabala kubwa ya vumbi, balabala iliyokuwa
ikiunganisha nchi ya Mwamutapa na nchi zingine za jirani, ikiwemo nchi ya
Mwamuyeshi. Sauti za miguu yake ndizo zilizosikika balabala nzima, kwani watu
hawakupita balabala hiyo mida ya usiku, kutokana na kuogopa kutekwa na
kunyanganywa mali zao, na pengine hata kuuawa.

Ilikuwa tofauti kwa
Njoshi, hakuogopa jambo lolote lile, akiwa kifua mbele kwani hakuvaa shati
lolote lile huku akiwa amebeba begi jeusi alilopewa na mama yake, aliendelea
kusonga mbele huku akitembea kwa mwendo wa haraka, na muda mwingine alikimbia,
ili aweze kufika katika ardhi ya msitu wa majini kabla hapajakucha siku ya
jumanne.

“Mpaka sasa
nimeshakimbia umbali mrefu sana, sina budi kuongeza bidii “,Njoshi
aliongea peke yake moyoni mwake, huku akiwa tayali ameshayaacha majumba ya
Mwanamutapa mbali sana. Kila alipokumbuka mateso yote ya Wanamutapa, nguvu za
ajabu ziliongezeka mwilini mwake na kumfanya azidi kuongeza mwendo ili apate
kuikomboa nchi yake haraka sana, huku mbalamwezi ikiangaza vema njia
aliyotakiwa kupita. “Hahaha eti jeneza, siamini kama kuna watu hawataki
kufa, yani uishi milele, na kututesa milele, hili ni jambo ambalo haliwezekani
“,Njoshi aliongea maneno ya kejeli kwa mfalme, huku akitabasamu na kumuona
mfalme kama mtu wa ajabu sana, mtu aliyemkabidhi fisi bucha na kula nyama zote
za buchani.

“Hapa mimi
ninachofuata ni fimbo ya ufalme, fimbo ambayo inapatikana katika ngome ya
malikia wa msituni, malikia wa majini, jeneza nitalishughulikia nikishapata
fimbo yangu ya kuiongoza Mwanamutapa “,Njoshi alizidi kuongea peke yake,
huku akisisitiza jambo lililompeleka msituni, kwani ili uwe mfalme nilazima
umiliki fimbo ya kifalme kutoka katika msitu huo, na mfalme Mutapa aliipata
fimbo hiyo ya uongozi kutokana na kurithi kwa wazazi wake,huku chanzo cha fimbo
hiyo kikisemekana ni katika msitu wa majin. Fimbo hiyo ilimpatia mamlaka mfalme
kutodhurika na majini wa msituni, kwani msitu wa majini ulipatikana katika nchi
ya Mwamutapa. Wengi walifunga safari kwenda msituni kuchukua fimbo nyingine ya
ufalme, inayofanana na fimbo ya mfalme lakini walishindwa kurudi wakiwa hai.

Pia wasingeweza
kupambana na mfalme kwani fimbo aliyonayo ilimpatia kiburi sana, hata
ukilishinda jeshi lake na kumuua, usingeweza kuongoza nchi, kwani fimbo
iliandikwa jina  la mfalme Mutapa,. Hivyo
njia ambayo ni rahisi, ilikuwa ni kuitafuta fimbo ya ufalme msituni ,na
kuiandika jina lako binafsi ili majini wakutambue na wasikusumbue katika
uongozi wako,hapo ndipo ufanye mapinduzi na kumuua mfalme ili uongoze nchi ya
Mwanamutapa.

“Ngoja nipumzike
kidogo hapa chini ya mti ,ninywe maji, nichukue siraha zangu kwani muda wowote
nitaufikia msitu “,Njoshi aliongea huku akiketi katika majani mafupi chini
ya mti wa ubuyu, na kisha kufungua begi alilopewa na mama yake. Huzuni ya kutokumuona
tena mama yake ilimuandama, kwani aliyakumbuka maneno ya mama yake kuwa
hatomuona tena na kufanya machozi kumtoka , mithili ya mtu aliyefiwa na mtu
anayemtegemea. Alifungua begi na kutoa kitambaa cheusi, kitambaa ambacho
alitakiwa akifunge kiunoni kama mkanda, huku akishikilia panga kali, panga
ambalo linauwezo wa kuua majini. Ikiwa tayali imeshafika mida ya saa saba
usiku, Njoshi ananyanyuka sehemu aliyokuwa amepumzika kwa takribani dakika
tano, na kisha kusonga mbele kuusogelea msitu wa majini.

Msitu wa majini

Malikia wa majini anaingiliwa na hofu
kubwa sana kwani mtu aliyekuwa anakuja kuuvamia msitu alionekana kuwa hatari
sana, kwani kila alipojaribu kumtambua sura yake alishindwa, na ghafla
mawasiliano yalipotea, hakuweza kumuona tena katika kiganja chake, kiganja
kilichokuwa kikimuonesha mtu aliyekuwa njiani akielekea msituni. “Huyu
anayekuja huku natambua kuwa ni mtoto wa mtu aliyewahi kuja huku na kutuibia
mali zetu, lakini sura yake ningependa niifahamu lakini nimeshindwa, na kwanini
kapotea ghafla, nashindwa kumuona tena katika viganja vyangu “,Malikia wa
msituni alizungumza kwa hasira na mshangao mkubwa, bila kutambua kuwa Njoshi
aliweza kuvaa kitambaa cheusi kiunoni, na kumfanya kutoonekana kama akiwa
anafuatiliwa na majini.

“Hapa nikizubaa,
watu wangu watakufa “,malikia  wa
majini, msichana aliyekuwa mrembo sana, na mwenye umri sawa na Grace,
alizungumza huku akitafuta kichupa kidogo cha maji, na kisha kumpatia askari
wake mmoja, kunyunyizia maji hayo kuzunguka ngome yake yote ili kujilinda. Maji
hayo yalikuwa na uwezo wa kumgandisha mahali pale, mtu yeyote mwenye asili ya
ubinadamu, atakapokanyaga eneo lile.

“Hapa tayali
nimemaliza kazi, hata kama akifanikiwa kuwapita askari wangu msituni, mimi
lazima nitamkamata “,malikia aliongea kwa kujigamba, na kuachia tabasamu
zuri lililoonesha vema uzuri wake.

Nje ya msitu;

        Kwa mbali kijana shupavu na hodari
Njoshi Nyangoma, anakamatilia panga lake kisawasawa, kwani alianza kuuona msitu
hatari wa majini, ukiwa kama hatua mia moja mbele yake, baada ya kutembea na
kukimbia kwa usiku mzima, na ilikua imeshafika mida ya saa kumi usiku, kuamkia
siku ya jumanne.

“Aiweeeh mizimu wa
mababu zangu, mizimu wa ardhi ya Mwamutapa, asanteni kwa kunifikisha salama,
naomba mnilinde tena na kunirudisha nyumbani salama “,Njoshi aliongea kwa
hofu na woga, kwani alikuwa na kazi nzito, tena ya hatari ikiwa mbele yake.

“Hapa ni mwendo wa
kuua tu kiumbe chochote, kitakachokatiza mbe…le…y…a…ngu “,Njoshi
alishindwa kumalizia sentesi yake baada ya kukanyaga mtego wa kamba, na kisha
mtego huo kumning’iniza juu ya mti huku miguu ikiwa juu na kichwa kikiwa chini,
mala tu alipokanyaga mguu wake msituni.

*SEHEMU YA 06**

Msitu wa majini;

Viumbe hatari wa msituni ghafla
wanasikia kishindo katika moja ya mitego waliyokuwa wametega, hali hii
inawafanya wagundue kuwa tayali adui yao alikuwa ameshaingia msituni, kwani
hawakuweza kumuona katika ramani zao, na hata walipotumia uwezo wao wa kijini,
walishindwa kumuona adui yao, mala baada ya Njoshi kujifunga kiunoni kitambaa
cheusi alichopewa na mama yake. “Jamani tayali adui alishaingia msituni,
fanyeni kila njia mumkamate akiwa hai au amekufa “,jini mweupe, kiongozi
wa askari wa msituni, alitoa amli ya kuanza kumtafuta adui, baada ya kufika
katika eneo ambalo kishindo kikubwa kilisikika, na sehemu ambayo walitega mtego
wao, na kukuta kamba ya mtego ikiwa inaning’inia baada ya kukatwa huku adui
akiwa ameshatoweka.

“Nazani mnaisikia
harufu ya binadamu, hayuko mbali, mtafuteni haraka sana ” ,jini mweupe
alizidi kuongea na kuliamlisha jeshi lake la msituni, kumtafuta adui baada ya
kuhisi harufu yake katika eneo lile la mtego, eneo ambalo lilizungukwa na vichaka
pamoja na miti mirefu.

********

Baada ya Njoshi kuponea
chupuchupu kutoka katika mtego, haraka sana anaingia ndani ya kichaka chenye
majani marefu, kwani alitambua kuwa majini wa msituni lazima wafike katika eneo
lile muda sio mrefu baada ya kusikia kishindo kile kikubwa, hivyo asingeweza
kukimbia na kufika umbali mrefu bila kukamatwa.

Lakini ukistaajabu ya
Musa, utayaona ya firauni, Njoshi alishangaa sana baada ya kuliona kundi kubwa
la majini, likifika eneo lile haraka sana huku akiwa hata hajajificha vizuri
kwenye majani. Kwani viumbe wale walikuwa na uwezo wa kupotea na kufika eneo
lolote walilolitaka wao, ndani ya sekunde tu, kwani hawakuwa binadamu bali
majini, tena majini hatari wa msituni, msitu ambao ulikuwa maarufu katika nchi
ya Mwamutapa, pamoja na ulimwengu mzima, kutokana na utajiri wake.

“Mungu wangu,
mbona hawanioni “,Njoshi alistaajabu sana kwani kiongozi wa askari wale,
jini mweupe alisimama karibu sana na kichaka kile, na ilikuwa imebakia kidogo
amkanyage Njoshi kwani alikuwa hata hajajificha vizuri katika kichaka, eneo
ambalo mtego ulikuwepo.

Njoshi ujasiri ukiwa
umetoweka, alianza kutetemeka kwa woga kwani majini wale walitisha sana kwa
kuwatazama, wengine walikuwa na mguu mmoja huku wakiwa na vichwa vingi sana,
pamoja na mikono zaidi ya miwili. Njoshi akiwa anatetemeka aliamua kufumba
kinywa chake asiweze kupiga kelele, kwani jini mweupe, aliyekuwa na kichwa cha
nyoka aina ya koboko, huku akiwa na mwili mweupe tena wa binadamu, alitoa amli
ya kumsaka Njoshi katika kichaka kile, kwani waliweza kuhisi harufu yake.

“Asante mizimu ya
mababu, sionekani, leo nilikuwa nimekwisha “,Njoshi akiwa amejifumba mdomo
wake kwa kutumia viganja vya mikono, aliishukuru mizimu, kwani majini waliokuwa
wanatisha sana walipita karibu yake bila kumwona, jambo ambalo lilimshangaza
sana kwani sehemu kubwa ya mwili wake ilikuwa wazi na hakufunikwa vizuri na
majani, bila kutambua kuwa mkanda ule wa kitambaa cheusi aliouvaa kiunoni,
ndiyo uliyosababisha majini wasiweze kumuona.

“Msitu huu niliuskia
tu, leo nimejionea mwenyewe “,Njoshi aliongea moyoni huku akiwa
anamshangaa askari mmoja wa msituni,mwili wake ukiwa umebakia mifupa tu,huku
akiwa ameshika mshale, na kusonga mbele, lakini Njoshi alishindwa kutumia hata
panga lake kuwaangamiza majini wale kwani hakutambua matumizi yake, huku yeye
akiwa anashangaa muonekano wa majini wale na kuzidi kumuongezea woga.

Mwamutapa

Asubuhi mida kama ya saa moja, kijana
Ngesha aliamka kutoka usingizini, na kunawa uso ili aelekee nyumbani kwa rafiki
yake, ili asikute wameshaondoka kwenda shambani.

“Mwanangu mbona
haraka sana asubuhi hii, unaenda wapi ” ,ilikuwa ni sauti ya mama yake
Ngesha, mama ambaye alibaki mjane baada ya mume wake kuitwa na mfalme,na
alipokwenda huko hakuweza kurudi.Kwani alipofika ikulu kwa mfalme,alikuta kundi
kubwa la wanaume wakiwa huko wanasaga unga wa mahindi kwa kutwanga kwenye
vinu,lakini baada ya kumaliza kazi hiyo na kudai malipo yao ,kundi lote
lilitupwa kwenye bwawa la mamba bila huruma ,amli iliyotoka kwa mtoto mkubwa wa
kiume wa mfalme.

Lakini mama Ngesha kila
alipojaribu kuulizia kwa mfalme kuhusu mumewe ,hakuweza kupatiwa jibu sahii
zaidi ya vitisho.Kitendo kilichomfanya mama Ngesha pamoja na mwanae kuweka
msiba nyumbani kwani tayali waliamini mzee wao aliyejulikana kwa jina la
Mugina,alikuwa ameuawa,jambo ambalo lilikuwa kweli.

“Naenda kumsalimia
rafiki yangu Njoshi,mara moja,” Ngesha alimjibu mama yake na kisha
kutokomea huku akikimbia ili kumuwahi Njoshi,kwani  ilikuwa ndio mida  ya Njoshi na mama yake kwenda shambani.

Ikulu kwa mfalme;

       Asubuhi na mapema siku ya jumanne,siku
ambayo usiku uliopita kijana Njoshi alitoweka ikulu kuelekea katika msitu wa
majini,kwenda kuchukua jeneza la ajabu kwa ajili ya kumzikia mfalme atakapokufa
,na kisha  kufufuka ndani ya wiki moja.

Vilio vinatawala katika
ngome yote ya mfalme,huku familia nzima ya mfalme pamoja na wafanyakazi wote
wakilia kwa kwikwi,ama kweli mkuki kwa ngurue kwa binadamu mchungu,leo hii
maneno haya yalijidhirisha waziwazi.Walizoea kuona wengine wakilia,lakini leo
ilikuwa ni zamu ya familia ya mfalme kulia.

“Baba rudi,baba
rudi baba yangu nakupenda”,msichana Grace alilia kwa huzuni,huku akitamka
maneno ambayo yaliongeza uchungu katika familia nzima ya mfalme.Walitamani sana
Njoshi afanikiwe kurudi na jeneza salama,ili mfalme afufuke ndani ya wiki moja
na kuishi milele,lakini hawakuamini kama kweli Njoshi atafanikiwa kurudi
salama,kwani huko msituni alikoenda ni hatari sana.

Nyumbani kwa kina
Njoshi;

        Mama yake Njoshi,akiwa ameshika jembe
kama kawaida yake tayali kuelekea shambani,huku kichwani akiwa na mawazo mengi
juu ya hatma ya mwanae.

Akiwa anatoka nje ya
uzio wake wa nyumba,uzio ambao ulitengenezwa kwa nyasi,Kwa mbali alishangaa
kumuona kijana akija uelekeo wa nyumba yake huku akikimbia.Kitendo hicho
kilimfanya aweze kuweka jembe lake chini,pamoja na kikapu kilichokuwa na maji
ya kunywa pamoja na chakula kwa matumizi ya shambani siku nzima.

“Aiweee…mama
,Njoshi ni memkuta…aiweeh”,Ngesha alimsalimia mama yake Njoshi na kumuulza
kuhusu rafiki yake,huku mama akipumua baada ya kumtambua kijana aliyekuja
nyumbani kwake,na pia hakuweza kuleta taarifa mbaya.

“Aiweeeh
mwanangu,rafiki yako aliitwa na mfalme tangu jana asubuhi,mpaka sasa sina
taarifa yoyote,aiweeeh”,mama Njoshi alimjibu rafiki yake mwanae,na kumtia
hofu sana,kitendo ambacho kilimfanya Ngesha kutoweka bila hata kuaga kuelekea
ikulu,kwani alitambua kuwa rafiki yake lazima atakua hatarini kama kweli
alienda ikulu tangu siku iliyopita na hajarudi mpaka wakati ule.

**SEHEMU YA 07*

Mwamutapa;

Mama yake Njoshi akiwa mwenye huzuni,
huku mawazo mengi kuhusu mwanae, yakishindwa kumtoka kichwani mwake. Anachukua
jembe lake, pamoja na kikapu na kisha kuanza safari kuelekea shambani, lakini
pia kitendo cha Ngesha kuondoka bila kumuaga na kushindwa kutambua mahali
alipoelekea ghafla . Kilizidi kumwongezea maswali, kwani alihisi kuna jambo
ambalo Ngesha alitaka amweleze Njoshi, jambo la muhimu sana, na ndio maana
alishtuka baada ya mama yake Njoshi kumweleza kuhusu mahali ambapo Njoshi
alielekea,kitendo kilichomshitua rafiki yake,na kisha kuondoka haraka sana bila
hata kuaga.

“Labda kaelekea
kwa mfalme kuangalia usalama wa rafiki yake,lahasha!,si angeniambia tu kuwa
anaelekea huko,”mama yake Njoshi alizungumza peke yake,huku akiwa njiani
kuelekea shambani,akiwaza na kuwazua kitendo cha rafiki yake mwanae ,kuondoka
ghafla bila hata kumuaga.

Msitu wa majini;

Njoshi akiwa na hofu,huku akitetemeka
mithili ya mtu aliyenyeshewa na mvua ya masika,mnvua inayoandamana na baridi
kali.Alinyanyuka kutoka mahali alipokuwa amejificha,huku akiwa haamini,kama
kweli kundi lile la askari hatari wa msituni walimpita bila hata kumwona ,na
kisha kutokomea upande mwingine wa msitu,kwenda kumtafuta.

“Hapa ngoja nipite
upande mwingine nielekee kwenye ngome ya malikia,lazma leo nifanikishe misheni
yangu na kisha kesho nirudi nyumbani”,Njoshi aliongea peke yake kama
kichaa,na kisha kushika panga lake,ambalo tayali alikuwa amelitelekeza chini bila
kujitambua,kutokana na hofu aliyokuwa nayo kipindi akiwashuhudia askari wale wa
msituni,wakipita mbele yake.

“Eeeeh mizimu wa
mababu,niokoeni na balaa hili kijana wenu”,Njoshi aliomba mizimu huku
akifumba macho yake kwa dakika chache,na kisha kutamka maneno ya kitamaduni
bila kutoa sauti,na baada ya sala hiyo,Njoshi alitokomea kuingia ndani kabisa
ya msitu,kwa kupitia upande mwingine tofauti kabisa na upande ambao jeshi
lililokuwa likiongozwa na jini mweupe,waliweza kuelekea huko.

“Miii……zi…mu
niokoeniii……na ku…faaa!!”, zilikua ni kelele za Njoshi ghafla,kwani sehemu
aliyokuwa akipita,ni kama vile aliruka mkojo na kukanyaga mavi,kulikua na shimo
ndefu sana kuelekea chini, likiwa limetegwa huku juu kukiwa kumefunikwa na fito
nyembamba kama kuni,ambazo zingevunjika pale tu
mtu atakapozikanyaga .Pia fito hizo zilifunikwa na majani makavu pamoja
na udongo,kiasi kwamba mtu asingeweza kugundua kitu chochote,bali sehemu hiyo
ilionekana kuwa kama njia nyingine,kwani kulikuwa hamna tofauti yoyote ile.

Mtego huo kweli
ulifanikiwa kumnasa Njoshi,ujanja wote aliokuwa nao,pamoja na uhodari,uliweza
kumwishia,na kumfanya kuwa mpole,tangu alipoikanyaga ardhi ya msitu wa
majini.Alijilaumu sana kupita njia ile ,njia ambayo ilionekana kupaliliwa
vizuri bila kutambua kuwa katika njia hiyo kulikuwa na mtego wa shimo uliotegwa
na kisha kufunikwa na udongo.

“Pwaaaaah…………”,ilikua
ni sauti ya maji mengi ikimpokea Njoshi,baada ya kusafiri umbali wa  kama mita mia mbili kwenda chini,sawa na
urefu wa viwanja viwili vya mpira wa miguu.

“Duuuh kweli leo
nimepatikana,lakini mimi nishujaa,kwa vyovyote vile lazima niishinde vita
hii”,Njoshi aliongea maneno ya kishujaa na kujipa moyo,huku akiziba pua
yake kutokana na harufu kali ya maji yale yaliyoonekana kuwa machafu sana,maji
yaliyomfika Njoshi kifuani mwake

“Mungu wangu!,nini
tena hiki……yalaa……aaa”,.Njoshi alipigwa na butwaa,huku sauti kubwa ya hofu
ikimtoka kinywani mwake,kwani alipojaribu kupapasa maji yale kwa kutumia mkono
wake,alijikuta ameshika kichwa cha binadamu kilichokuwa kimeliwa na kuoza
vibaya,kitendo kilichomfanya akitupe haraka sana na kisha kupiga kelele
kutokana na hofu kubwa aliyokuwa nayo.

Ikulu kwa mfalme;

Ikiwa yapata mida kama ya saa nne
asubuhi,Ngesha anafanikiwa kutoboa tundu,baada ya tofali moja kupasuka na
kuachia nafasi katika ukuta uliozunguka ngome ya mfalme,nafasi hiyo iliweza
kuonesha kila kitu kilichoendelea ndani ,kama mtu akiweza kuchungulia.

Kijana Ngesha baada ya
kuangalia huku na kule,na kugundua kuwa hakuna mtu yeyote aliyekuwa akimtazama,tofauti
na siku zote kwani walinzi wa mfalme walizunguka muda wote,kuhakikisha hakuna
mtu yeyote aliweza kuusogelea ukuta huo.

“Duuuh leo,pako
shwaliii,kulikoniii??,yaani hamna hata wale mbwa wanaojiita askariii
“,Ngesha aliongea maneno ya kejeli huku yakiwa na mshangao ndani yake,na
bila kupoteza muda aliweza kuchungulia ndani ya ngome ya mfalme,ngome ambayo
ilijitenga mbali kidogo na makazi ya watu,huku msitu mdogo ukiizunguka ngome
hiyo,na haikuruhusiwa mtu yeyote kuuvuka msitu,na kisha kuisogelea ngome hiyo
bila sababu maalumu,ukikamatwa adhabu ilikuwa ni kifo tu na sio kitu kingine.

Kutokana na sheria
hiyo,watu wengi waliogopa sana kuisogelea ngome ya mfalme,na ndio maana Ngesha
alifanikiwa   kutazama ndani bila kuonwa
na mtu yeyote,baada ya kujidhihirisha kuwa askari hawakuepo eneo lile.

“Aiweeeh……mizimu
wa mababu,mbona watu wanalia!!,mbona Njoshi simuoni,mmmh mfalme
kafa???” maswali mengi yalimuandama Ngesha, mala tu baada ya kuchungulia
ndani ya ngome ya mfalme,alishangaa kuona familia yote ya mfalme ikilia
sana,wake kwa waume,wakubwa kwa wadogo.Lakini pia alipojaribu kuangaza vizuri
kila kona,hakuweza kumuona Njoshi,hali iliyomfanya azidi kupigwa na butwaa.
Lakini bila kutegemea, kuna jambo kubwa sana lilimshitua kuliko yote,
alishangaa kumuona binti mfalme, na si mwingine, alikuwa ni msichana Grace,
msichana ambaye rafiki yake Njoshi alimpenda sana, akilia kwa kwikwi huku
akimtazama mfalme aliyeonekana kulala bila kumjibu chochote kile. Grace
alitamka maneno ya kumtaka baba yake asife, na kumwacha akiwa hana baba,
kitendo kilichomfanya Ngesha kushtuka, kwani hakuona sababu ya kumfanya mfalme
afe haraka sana kiasi hicho.

“Mmmmh au ndio
maana mfalme haonekani mtaani, na imepita mwezi sasa, manyanyaso yamepungua,
lakini kwanini baba yake Njoshi kauawa?, sababu ilikuwa nini nini?, inawezekana
kweli mfalme kafa, ngoja nielekee shambani kwa mama yake Njoshi nikampatie
taarifa hii, ninaweza kutambua kitu fulani “,Ngesha aliahirisha
kuchungulia ndani kwa mfalme, na kisha kufunga safari kuelekea shambani kwa
kina Njoshi, huku maswali lukuki yakimsumbua bila kuwa na majibu yoyote ya
maswali hayo.

Shambani kwa kina
Njoshi;

Mama yake Njoshi akiwa amejipumzisha
chini ya mti wa maembe, mti pekee uliopatikana shambani kwake, aliendelea kula
chakula chake taratibu, huku akishushia na maji kwani tayali ilikua imeshafika
saa sita, mida ambayo tayali jua lilikuwa limechanganya vilivyo na kuwa kali
sanaa.

Nikiwa sijitambui nilishituka usingizini na kuanza kupiga kelele kuomba msaada, sikuamini nilichokiona kwani mwili wangu ulijaa vidonda kila sehemu ya mwili wangu. Maumivu makali yaliutesa mwili wangu na kunikosesha furaha nafsini mwangu.

Sehemu zote za mwili wangu zenye vidonda zilifungwa kwa bandeji na kunifanya nizidi kuwa na hofu ,kwani sikujua chanzo chochote cha majeraha yale .Nilijalibu kuangaza kila kona ya chumba kile ili niweze kupata msaada, lakini niliambulia halufu kali ya dawa iliyopenya vilivyo puani mwangu na kunifanya nipige chafya mfululizo.

Chembechembe nyekundu za damu zilitoka mdomoni mwangu na kuchafua shuka jeupe nililokuwa nimejifunika, kutokana na chafya yangu isiyokuwa ya kawaida kwa mtu mwenye afya njema. Nilianza kulia kama mtoto mdogo aliyenyimwa ziwa na mama yake, baada ya kugundua sitoweza kutembea tena kwani miguu yangu ilikua imekatwa.

Nikiwa na huzuni niliyashika magoti yangu yaliyofungwa na bandeji, ghafla maumivu makali yaliongezeka mwilini mwangu kwani nilitonesha vidonda ambavyo vilikuwa bado vibichi na kujikuta nikianza kutokwa na machozi kama mtoto mdogo.

“Mungu wangu!! ” ,ilisikika sauti ya mshangao kutoka kwa msichana mrembo aliyevalia mashati meupe, bila shaka alikuwa ni nesi wa hospitali ile. Alitembea halaka sana kuelekea kitandani kwangu ili aweze kunipatia msaada.

“Pole sana kaka yangu, nakuomba upunguze jazba kwasababu unatonesha vidonda vyako na kujiongezea maumivu. “Alizungumza nesi yule kwa sauti ya upole iliyojaa huluma huku akiandaa sindano ya usingizi ili anichome nipate kulala.

“Asante sana dada yangu, lakini nimefikaje hapa? Nimepatwa na nini?,Hii ni hospitali gani?, na kwanini mmenikata miguu yangu?

Niliuliza maswali mengi mfululizo huku nikiwa na simanzi kubwa kupoteza miguu yangu, na kupoteza kumbukumbu yangu kichwani.Sikuweza kutambua chochote kwa wakati ule hata jina langu sikuweza kulitambua.

“Ulifikishwa hapa juzi ukiwa umepoteza fahamu, mwili wako ulijaa vidonda kila sehemu huku miguu yako ikiwa imesagika yote miwili. Kutokana na taarifa tuliyopewa ulikuwa umepata ajari ya gari. “

Msichana yule alinipatia majibu ya maswali yangu na kunifanya nizidi kupatwa na mshangao, “Nani alinifikisha hapa?, niliweza kuuliza swali lingine ili kupunguza maswali mengi yasiyo na majibu yaliyoko kichwani mwangu.

“Msichana aliyekugonga na gari kwa bahati mbaya, ndiye aliyekufikisha katika hospitali hii ya taifa ya Muhimbili kitengo cha mifupa MOI. Binti huyu alijitambulisha kwa jina la Jesca Jonathan, na kutokana na ripoti ya daktari miguu yako ilitakiwa kukatwa halaka sana ili kuokoa maisha yako.

Yalikuwa maelezo marefu sana kutoka kwa nesi huku machozi yakimtoka, kutokana na huluma iliyomjaa hasa akinitazama na hali mbaya niliyokuwa nayo.

*******

Nesi alinichoma sindano ya usingizi na kujikuta nikilala usingizi mzito ulionipelekea kusahau maumivu niliyoyapata kwa wakati ule. Nilikuja kuzinduka siku inayofuata na kushangazwa na kile nilichokuwa nakiona mbele yangu.

Msichana mrembo aliyekuwa chanzo cha maisha yangu kuharibika, alikuwa amesimama pembeni ya kitanda changu akiwa pamoja na nesi aliyekuwa akinihudumia. Hasira na chuki vilinitawala dhidi ya msichana yule na kujikuta nikitamani kumtoa roho yake kama ingiwezekana,kwani sikuona thamani ya yeye kuwepo hapa duniani.

“Kaka huyu ndiye dada aliyekugonga na gari kwa bahati mbaya na kukufikisha hapa hospitalini kwa matibabu”, nesi alizungumza maneno makali yaliyopenya maskioni mwangu na kuuchoma moyo wangu mithili ya mtu akanyagapo kaa la moto bila kutambua.

“Pole sana Robert, nafahamu kuwa unaumia sana kwa matatizo haya niliyokusababishia. Lakini haikuwa makusudio yangu kukusababishia ulema huu bali ni ajari tu ambayo ilitokea kwa bahati mbaya “,. msichana mrembo na mtoto wa kitajiri Rose alizungumza maneno ya kuniomba msamaha huku nesi akipigwa na butwaa kwani hakufahamu chochote kuhusu kufahamiana kwetu mimi na msichana yule.

Mimi kwa wakati ule nilizidi kulia kwa uchungu kwani niliamini Rose kanigonga na gari kwa makusudi, kwani nilikua kikwazo kikubwa katika mapenzi yake na mtoto wa raisi. “Nisamehe Robert, nisamehe Robert!…niko tayali kuwa na wewe. Nimeamini unanipenda kwa dhati Robert “,..Rose alizungumza maneno hayo huku akilia mithili ya mtu aliapo msibani, mala baada ya kufiwa na mtu tegemezi katika maisha yake.

“Siwezi kukusamehe mnafki kama wewe,pia baba yako mzee Jastini kapoteza maisha ya wazazi wangu  na kila niliyemtegemea ili tu nisiweze kuwa karibu na wewe na niache kukufuatilia ” ,niliropoka maneno kwa jazba na sauti kubwa iliyomfanya kila mgonjwa aliyekuwa wodini amelala kukurupuka na kutazama kilichokuwa kikitokea kwa wakati ule.

Nesi ilibidi asimamishe mazungumzo yetu,kwani yalikuwa kero kubwa kwa wagonjwa na wahudumu wa hospitali ile ya taifa ya Muhimbili. “Sa, sa.. ma… hani Rose na…na.. omba mpunguze kelele kwani mnawakera wagonjwa wengne ” ,.Nesi alizungumza kwa kusitasita kutokana na woga aliokuwa nao mala baada ya kumtambua Jesca Jonathan jina lake halisi ni Rose, mtoto wa mfanyabiashara maarufu na katili nchini Tanzania. Umaarufu pia wa familia ya mzee Jastini uliongezeka pale Rose alipotakiwa kuolewa na mtoto wa Raisi aliyeitwa Jacob.

Ilibidi tukae kimya kwani wote tulikuwa tukilia kwa wakati ule,nilifuta machozi huku nikishika magoti yangu na kusononeka kukosa miguu yangu iliyo kwisha katwa. Rose aliigundua huzuni yangu ilibidi anisogelee na kunikumbatia ili kunifariji na kunitia moyo, kitendo nilichokiona kama unafki kwangu.

Rose alizidi kunibembeleza na kunitia moyo katika siku zote nilizokuwa nikipatiwa matibabu mpaka majeraha yangu yalipopona kabisa.”Kesho mgonjwa wako tutampatia ruhusa kwani afya yake imerudi katika hali ya kawaida “,dokta alimpatia ujumbe Rose kuhusu afya yangu na kutufanya tuwe na furaha sana kwa wakati ule. “,Asante sana dokta kwa kumuhudumia vizuri mgonjwa wangu”Rose alimshukuru dokta na kumpatia bunda la pesa kama shukrani kwa kunihudumia vizuri.

Siku iliyofuata niliweza kupatiwa ruhusa kurudi nyumbani, japo nilikuwa na furaha afya yangu kurudi katika hali ya kawaida lakini sikuweza kujuwa hatima ya maisha yangu. “,Robert mpenzi wangu nakupenda sana, sikujua kama ulikuwa unanipenda kwa dhati kiasi hiki “.Rose alizungumza maneno haya kwa tabasamu na kufanya uzuri wake kuonekana vyema katika mboni ya macho yangu. “Nakupenda pia Rose lakini siko tayali kuwa na wewe, nimeteseka sana kulitafuta penzi lako kwa muda mrefu na kuambulia maumivu…..inatosha siko tayali kuendelea kuumia “,nilizungumza kwa huzuni kubwa huku Rose akinifuta machozi na kunikumbatia.

“Kwa sasa nataka kufunga ndoa na wewe, sitaki tena kuolewa na mtoto wa raisi “,Rose alininyenyua na kuniweka kwenye baiskeli ya walemavu wa miguu aliyoninunulia na kisha kunitamkia maneno mazito yaliyonitia hofu sana. “Baba yako ataniua Rose mimi siko tayali, kawaua ndugu zangu na wazazi wangu ili nisiwe na wewe…. Siko tayali Rose…. Sitaki tena kuumia “,nilimjibu Rose majibu makali huku nikikumbuka vifo vya wazazi wangu walivyouawa kikatili kwa kuungua na moto baada ya banda letu la makuti kuchomwa na majambazi waliokuwa wametumwa na mzee Jastini kuniangamiza mimi na familia yangu. Nilikumbuka jinsi nilivyoshuhudia maiti saba zilizoungua na kuharibika vibaya, maiti mbili zilikuwa za wazazi wangu na zingine za wadogo zangu.Huku mimi nikiponea chupuchupu kwani siku hiyo nililala Morogoro mjini,nilipoenda kutafuta kazi baada ya kumaliza chuo kikuu.

Niliendelea kukumbuka jinsi kijiji chetu cha Mikese walivyohuzunika kutokana na msiba uliyoikumba familia yetu, huku wakinidharau baada ya kugundua kuwa kumtaka Rose binti wa kitajiri kimapenzi ndio chanzo cha vifo vya wazazi wangu. “,Watoto wetu wakisoma hawataki kuoa nyumbani kwao, hawataki kuoa masikini wenzao…. Ona sasa madhara yake ” ,nilikumbuka sauti ya mzee mmoja aliyeropoka maneno hayo msibani wakati tukiaga mwili wa ndugu zangu.

“Rose siwezi kuwa na wewe….. Umeniumiza sana “,nilitamka maneno hayo kwa msisitizo baada ya kukumbuka matukio ya nyuma yaliyotokea na kubadilisha furaha ya maisha yangu, huku chanzo kikiwa mimi kumpenda Rose msichana niliyesoma nae chuo kikuu cha SUA na kushindwa kuheshimu hisia zangu kutokana na umaskini wangu niliokuwa nao.

“Robert kila kitu kiko tayali, kesho inatakiwa mimi na wewe tufunge ndoa uwanja wa taifa….Jacob kaniruhusu nifunge ndoa na wewe badala yake kwani kagundua kuwa unanipenda sana tena kwa dhati “…..Rose alizungumza maneno yaliyonitia moyo na kunifanya nikubaliane naye. “,What….!! unasema kweli?…… niliongea kwa mshangao huku nikifuta machozi yangu na kukaa vizuri kwenye kibeskeli changu ili nimskie vizuri., “Ndio…. Kesho Tanzania nzima wanajua mimi nafunga ndoa na Jacob mtoto wa raisi, kwahyo kesho muda wa harusi utatokea wewe badala yake. “Rose alisisitiza huku akinitaka kukubaliana naye jambo ambalo sikuweza kulipinga tena kwa wakati ule.

Hatimae siku iliwadia, maelfu ya wananchi walifika uwanja wa taifa kushuhudia mtoto wa raisi akifunga ndoa. Wageni mbalimbali kutoka nchi jirani walifika kushuhudia sherehe hiyo, “Watakapo ita bwana harusi, tutaenda wote kwa pamoja lakini wewe utakua kama msindikizaji wangu ili wasigundue chochote “,Jacob alinipa maelekezo huku mimi nikimshangaa tu kwani ilikua mala ya kwanza kukutana naye dhaidi ya kupata taarifa zake kutoka kwa Rose.

Maelfu ya watu walikaa kimya huku wakishangaa kile kilichokua kinatokea kwa wakati ule, “Namuomba bwana harusi amvalishe pete bibi harusi ” ,Mchungaji aliongea huku akiwa hajui kati ya mtoto wa raisi bwana Jacob na mimi, ni nani kati yetu alikuwa anahusika na ndoa ile kutokana na muonekano wetu kufanana kwa kila kitu ……huku pia kukiwa na tetesi za Jacob kutohusika na ndoa hiyo.

…………………………………

“Sniper” (mlenga shabaha) akiwa anajiweka tayali kwa kunifyatulia risasi aliendelea kujiweka tayali huku akisubilia kushuhudia kati yangu na Jacob ni nani alikuwa muhusika wa ndoa ile. “Leo ni mwisho wako mpuuzi wewe, nimekuonya sana hutaki kunisikia “, baba yake Rose alizungumza kwa sauti ya chini sana huku akiangalia juu kabisa ya uwanja uelekeo ambapo mlenga shabaha alipo kwa ajili ya kutekeleza mauaji yangu.

Mzee Jastini aliamua kuandaa mtu kwa ajili ya kuniua kutokana na tetesi alizozisikia kuwa, kuna mipango ya siri iliandaliwa ili mimi nifanikiwe kumuoa Rose.”Sitaki aibu, Kijana huyu fukara hawezi kumuoa mwanangu ……nitaiweka wapi sura yangu?? ……mungu wangu kashakua kilema, na ulema huo ndo kabisaaa nitaaibika zaidi siwezi mruhusu amuoe binti yangu labda niwe nimekufa ” mzee Jastini aliongea huku akiwa amepaniki na kutoka sehemu waliyokuwa wameketi wageni rasmi, baada ya kushuhudia nikiingia uwanjani huku Jacob akiskuma kibeskeli changu. “Nimeamini hapa kuna kitu siyo bure, ngoja nimkomeshe kijana huyu kabla mambo hayajaharibika “,mzee Jastini alielekea faraghani na kumpigia moja ya vijana wake aliowatumia katika kutekeleza matukio mbalimbali ya mauaji ili ajaribu kuniua kwa mara nyingine tena.

…………………………………

“Paaaaaah, paaah ……paaah “mlio wa risasi tatu zilizopigwa mfululizo ulisikika na kujikuta nikiishiwa nguvu na kudondoka chini mara nilipotoa pete mfukoni na kumvalisha Rose katika kidole chake. “Jacob my son don’t die ” ,( mwanangu Jacob usife)  niliiskia sauti ya mheshimiwa raisi kwa mbali sana akimsihi mwanae asife japo alikuwa tayali ameshachelewa, Jacob aliamua kunikinga na risasi baada ya kushuhudia nikipigwa  risasi ya kwanza tumboni.”Aaaaah ……”Jacob alipiga kelele na kisha kupoteza maisha baada ya kupigwa risasi mbili kifuani huku akiwa amenikumbatia.

“Robert usife Robert, Jacob rudi Jacob ……fumbua macho angalau uniage……hukustahili kifo hiki Jacob ,bora ningekufa mimi wewe huna hatia. Rudi Jacob rudi ……” sauti ya huzuni ilisikika kutoka kwa Rose, huku akiwa ameshikilia miili ya watu wawili katika mikono yake.

…………………………………

Askari waliendelea kuzunguka kila kona ili kumnasa muhusika wa mauaji ya Robert na kunijeruhi vibaya,huku wakishirikiana na wananchi walioshuhudia tukio lile. “Unatakiwa uondoke Dar es salaam haraka iwezekanavyo  kabla hujakamatwa, kukamatwa kwako kutaniweka sana matatizoni “,bwana Jastini alimsihi kijana wake aliyehusika na shambulio lile, wakiwa ndani ya gari kuelekea katika maficho yao ya siri yaliyoko nje ya mji.

Baada ya jambazi yule kutekeleza shambulio lile, aliiacha bunduki ile aina ya Semi_automatic machine gun (smg) mahali pale, na kisha kujichanganya katikati ya watu waliokuwa wakikimbia bila utaratibu ili kuokoa maisha yao. Jambazi hili lilitoroka kirahisi na kushindwa kukamatwa na askari na wala kujurikana hata sura yake.

Raisi akiwa ikulu, hakuweza kulala kabisa!, alitembea huku, mala akaenda kule, alilala akakosa usingizi, hakuwa na jinsi zaidi ya kuamka na kwenda kuketi sebuleni. “Lakini, hapa kuna kitu, nahisi mzee Jastin atakua anasiri nzito kaificha, kwanini alionekana kuwa na wasiwasi sana alipomuona Robert?, kwanini alitoweka bila hata kuaga baada ya mauaji ya mwanangu na mpaka sasa hajanipigia simu? “,raisi wa Tanzania, raisi aliyekuwa kipenzi cha watu kutokana na uongozi wake kuwa wa haki na kuleta maendeleo mazuri kwa wananchi, akiwa ameketi sebuleni aliendelea kujiuliza maswali mengi kichwani bila kupata jibu.

“Kesho nitamtembelea tena Robert hospitalini, lazima atakuwa anafahamu chochote “,raisi aliinuka na kisha kuelekea chumbani kwake huku akiongea peke yake mithili ya kichaa na kuamua kunitembelea hospitalini siku iliyofuata.

9:00 asubuhi.

Ilikua siku ya jumanne, siwezi kuisahau siku hiyo kwani ni moja ya siku ambazo niliweza kuamini kuwa mwenye pesa si mwenzako! ,japokuwa niliapa sitoweza kuzungumza chochote kuhusu kifo cha Jacob, nilijikuta nikizungumza kila kitu bila kuacha hata nukta !

” Nimefanya nini sasa, Rose atanifikiliaje?  ,si alinikataza nisiseme chochote kwani baba yake ataweza kuwa hatarini? “,nilikuwa nikijilaumu huku nikijuta kumwambia ukweli raisi, baada ya kunitembelea muda mfupi uliopita.Nilijiona mwenye makosa japokuwa mzee Jastini alikuwa amenitendea mambo mengi mabaya sana ambayo hakuna binadamu yoyote angeweza kumsamehe kama angeweza kutendewa.

*******

Ilikuwa ni asubuhi mida ya saa mbili siku ya jumanne, nikiwa nimeketi kitandani nilishangaa kuona madaktari wakikimbia huku na kule ndani ya wodi niliyokuwa nimelazwa.

“Mmmh hapa kuna jambo sio bure “,nilizungumza peke yangu huku nikiwashangaa madaktari ambao walionekana kuzunguka ndani ya wodi kukagua hali za wagonjwa huku manesi wakifanya usafi na wengine kubadili mashuka ya wagonjwa yaliyokuwa machafu, na kutandika mashuka masafi.

“Samahani wewe ndiye Robert!,”nilijikuta nikiulizwa swali na nesi ambaye sikuwahi kumuona tangu jumamosi nilipopigwa risasi na kufikishwa katika hospitali  ya Muhimbili, hospitali ambayo ilikua mala yangu ya pili kupatiwa matibabu huku nikiwa nasumbuliwa na matatizo yanayotaka kufanana.

“Ndiye mimi “,nilimjibu nesi, na kuanza kumshangaa sana kwani aliniomba nimpishe kitandani mala moja. Bila shaka!,nilitii ombi lake na haraka sana nilimuona akitandika kitanda changu kwa shuka jeupe, na kutoa shuka ambalo nilililalia kwa siku tatu mfululizo huku likiwa na mabaka mabaka ya damu kutokana na jeraha la risasi nililokuwa nalo.

Baada ya nesi yule kumaliza kutandika, aliweza kuondoka na kisha niliweza kurudi kitandani kujilaza huku nikiwaza kuhusu hatima ya mapenzi yangu ya mateso, na kujuta kumpenda Rose kwani majanga hayakuisha hata siku moja katika maisha yangu.

“Kijana hujambo ……!,unaendeleaje?  lilikuwa ni swali kutoka kwa raisi, raisi ambaye alifika wodini bila mimi kutambua kwani nilikuwa na mawazo mengi kwa wakati ule, nikiwaza kuhusu hatima ya maisha yangu yenye vitimbwi kila kukicha.

Haraka nilikurupuka kutoka kwenye dimbwi la mawazo, na kisha kumsikiliza raisi alichokuwa akikizungumza huku nikipata jibu la swali ambalo nilijiuliza kuhusu pilika pilika za madaktari na manesi walizokuwa nazo asubuhi ile.

“Naendelea vizuri mheshimiwa “,nilimjibu raisi huku nikijilazimisha kuficha huzuni na mawazo mengi niliyokuwa nayo.

“Sasa nataka unisaidie kitu, pesa hii hapa, niambie kuna nini wewe na mzee Jastini mbona alitaka kukuua “,raisi aliongea kwa kunitega ili aweze kujiaminisha kama kweli kitu alichokiwaza kilikua sahihi.

Kutokana na pesa nyingi nilizokuwa nimeoneshwa, pesa ambazo zilikuwa ndani ya briefcase jeusi, sikuwa na jinsi ilibidi nitiririke kila kitu. Kwani njaa nayo ilikuwa ikinisumbua, sikuwa na kazi zaidi ya kumtegemea Rose ambaye alikuwa kama tegemezi langu lililobakia.

“Nilimpenda Rose tangu chuoni lakin alinikataa kwa sababu nilikua masikini, kama mwanaume mwenye mapenzi ya dhati sikukata tamaa, niliendelea kumfuatilia Rose hata baada ya kumaliza chuo, lakini Rose hakuwa tayali kunipenda hivyo basi aliamua kumwambia baba yake kuwa nilikua nikimfuatilia. Baba yake alinipatia onyo lakini sikujali, nilijikuta nikiendelea kumfuatilia Rose kitendo kilichopelekea wazazi wangu kuuawa na mzee Jastini “,niliamua kuishia hapo kwani nilisita kutamka jambo baya ambalo niliweza kufanyiwa na Rose, kuhusu kugongwa na gari na kisha kuvunjika miguu kwani sikujua kuwa alinigonga kwa makusudi au laa!

Baada ya kumalizia kumwelezea raisi kuhusu siri hii, aliamua kuondoka haraka na kisha kuniachia mawazo mengi sana kichwani huku nikijilaumu na kujuta kusema ukweli kwani Rose angeweza kunichukia na kisha kuniacha kwani nimemuweka baba yake mahali pabaya, lazima ataweza kukamatwa na kushtakiwa kuhusika na mauaji ya Jacob, mtoto wa Raisi.

Rodgers akiwa anaonekana kukosa amani kabisa kuliko siku zote ,alishindwa kula hata chakula kwani alipojalibu kula hamu ilikata ghafla hasa baada ya kukumbuka kosa ambalo ameweza kulifanya kwa bahati mbaya. “Shit! mission failed ………!”,sijawahi kushindwa! lakini katika swala hili, nikizubaa lazima serikali itafanikiwa kunikamata.”,ilikuwa ni sauti ya hasira kutoka kwa Rodgers, jasusi wa kimataifa ambaye aliongea huku akitupa simu yake chini na kuipasua ,kwani alikuwa na hasira iliyopitiliza kiasi kwamba angeweza kuua mtu yeyote kama angekuwa karibu naye.

“Vipi Rodgers kulikoni!, nimesikia sauti ya kitu kudondoka chini, una tatizo gani “,mzee Jastin alifika haraka sana sehemu ambayo ilikuwa imejaa zana mbalimbali za kufanyia mazoezi, bila shaka ukiingia tu lazima utatambua chumba kile kilikuwa ni cha kufanyia mazoezi, tena mazoezi ya karate na wala sio mbio za mita mia moja. Mzee Jastin alishangaa kumkuta Rodgers akiwa ana mawazo mengi, huku simu yake ikiwa imepasuka vipande! vipande! na kuamua kumuulza tatizo ambalo lilikuwa likimsumbua.

“Bosi!, siku ambayo nafanya mauaji, nilishika siraha bila kuvaa gloves, bila shaka wataalamu wa kompyuta wanaweza kufahamu muuaji wa Jacob, kwasababu finger prints lazima zitaonekana tu! “,ilibidi Rodgers, jasusi wa kuaminika na mzee Jastin amweleze bosi wake ukweli. Taarifa ambayo ilimshtua sana mzee Jastin, kwani alitambua kuwa muda wowote lazima muuaji angeweza kutambulika!

“Big mistake! Lakini kulaumiana hakutasaidia chochote, inatakiwa haraka sana nikukatie tiketi ya ndege ukapunge upepo Mombasa, “mzee Jastin, mfanyabiashara maarufu na katili nchini Tanzania alizungumza huku akitafuta namba ya rafiki yake ambaye alikuwa akifanya kazi katika shirika la ndege la Air Tanzania.

“Tiketi imebaki moja ya leo usiku!, japokuwa watu wengi wanaitaka lakini mimi nakuuzia wewe rafiki yangu ………japokuwa uliniambia abiria wako ameahirisha safari “,ilikuwa ni sauti ya mtu aliyeonekana kuongea kwa upole sana, na ustaarabu wa hali ya juu moja ya sifa ambazo zilizingatiwa kwa wafanyakazi wa mashirika ya usafiri wa anga. Sifa zao za ukarimu hazikuachana mbali na wafanyakazi wa benki pamoja na kampuni mbalimbali za simu Sauti hiyo ilitoka kwa Juma, rafiki kipenzi wa mzee Jastin baada ya kupigiwa na rafiki yake aliyekuwa anahitaji tiketi ya ndege kuelekea Mombasa.

“Sasa hivi ni saa kumi jioni, ndege inaondoka saa mbili usiku jiandae! Kuanzia kesho jumatano maisha yako yatakuwa katika ngome yetu ya Mombasa, nenda kajifiche huko “,mzee Jastin alimpatia maelekezo Rodgers ,mala tu baada ya kukata simu ya Juma. Huku Rodgers akitabasamu na kisha kwenda kufungasha vilago vyake kujiandaa na safari.

*******

“Baba ni muuaji, usijilaumu sana kusema ukweli, aliyokutendea yanatosha, “,Rose aliongea huku akinifuta machozi baada ya kumweleza kila kitu kilichokuwa kimetokea. Jinsi raisi alivyonitembelea na kunipatia pesa nyingi nimweleze chanzo cha ugomvi wake mimi na mzee Jastin..

“Nyamanza mpenzi!, let’s go home ……just usimfikilie kabisa dady, baba gani siku ya nne sasa hajui mwanae anaishije, kazi tu kuvuruga mapenzi ya watu “,Rose alizidi kufoka  huku akinipandisha katika baiskeli yangu ya mataili matatu kwani tayali tulikuwa tumeruhusiwa.,niweze kwenda nyumbani.

Rose alionekana kuwa na hasira sana kwani tangu baba yake alipotoweka siku ya tukio, mpaka natolewa hospitalini tulikuwa hatufahamu sehemu ambayo alikuwa ameelekea, huku Rose akiishi peke yake kwani hakuwa na mama wala wadogo zake, au ndugu yoyote aliyekuwa akiishi naye.

Siku zote Rose hakutambua ni kwanini alikuwa akilazimishwa na baba yake kuolewa na mtoto wa raisi, marehemu Jacob. Lakini siri haikuwa siri tena, aliweza kugundua kila kitu, mpaka biashara haramu ambazo baba yake mzee Jastin alikuwa akizifanya

“Mtoto wako akiolewa na raisi, bila shaka raisi atakuwa ndugu yako  .kupitia wewe tutaingiza madawa mengi ya kulevya nchini Tanzania bila kuguswa na kujiingizia  pesa ndefu sana ” ,ulikuwa ni ujumbe wa barua pepe kutoka Mombasa, ujumbe ambao Rose aliweza kuukuta katika kompyuta ya baba yake alipojaribu neno la siri la kompyuta hiyo mala nyingi bila mafanikio. Alipojaribu tena na tena !,hasa baada ya kuandika jina Rose kwa herufi kubwa, kompyuta ya baba yake  iliweza kufunguka na kumfanya Rose kupigwa na butwaa kwani hakutambua kuwa baba yake alikuwa katili kiasi kile. Aligundua mauaji mengi ambayo baba yake aliweza kuyafanya huku akijishugulisha na biashara haramu za magendo.

*******

Raisi alitabasamu, huku akiwapongeza vijana wake kwa kazi nzito, kazi ya kugundua muuaji kupitia alama za vidole (finger prints) zilizoachwa katika bunduki ambayo muuaji aliitumia kumuua Jacob.

“Hii sura sio ngeni, lazima kuna sehemu tuliweza kukutana “,mheshimiwa raisi akiwa anaitazama sura ya muuaji katika kompyuta, aliongea huku akikuna kidevu chake, bila shaka alikuna kipele kwani hakubarikiwa kuota ndevu hata moja katika maisha yake.

**SEHEMU YA 06*

Gari dogo aina ya Noah linapaki nje ya uwanja wa ndege wa mwalimu Nyerere ,ni baada ya safari ndefu yenye foleni ya magari mengi sana lakini hakuna chochote ambacho kiliweza kuhalibika.

“Ok goodbye mr Rodgers!, wahi ndege yaaani dakika kumi tu zimebaki ndege iweze kuondoka, foleni ya  Morogoro road kidogo itucheleweshe kabsaaa! sunajua Mbezi mpaka hapa kwa mida hii ya jioni lazima jasho likutoke ……”,mzee Jastin alimkabidhi begi kijana wake wa kazi, huku akilaumu foleni ya magari, foleni ambayo iliweza kuwachosha sana na ilikuwa imebaki kidogo tu waweze kukuta ndege imeondoka.

“Sawa bosi, nikifika kisauni Mombasa ……nitakupigia simu, ngoja niwahi ndege “,ilikua ni sauti ya Rodgers, akipokea begi lake kutoka kwa bosi wake na kisha kuelekea sehemu ya abiria waliokuwa wakisafiri, tayali kwa ajili ya kuondoka haraka sana Dar es salaam.

********

 Jumba kubwa la kifahari, jumba ambalo lilikuwa limezungukwa na ukuta mrefu sana kiasi kwamba nyumba ilikuwa haionekani kutokana na kuzuiliwa na ukuta,lilikuwa kimya sana huku sauti pekee za mbwa ndizo zilikuwa zikichangamsha mji huu.Nyumba hii ilimilikiwa na mfanyabiashara maarufu sana, si mwingine bali mzee Jastin.

“Karibu nyumbani kipenzi changu “,Rose aliongea huku akinikalibisha ndani, nyumba ambayo ilikuwa mala yangu ya pili kuikanyaga, japokuwa siku zote sikuweza kumkuta mzee Jastin, mzee ambaye sijui angenifanya nini kama angenikuta ndani kwake.

“Asante mpenzi!, nimekalibia “,niliongea huku nikiketi na kuangaza kila kona ndani ya jumba lile, jumba ambalo sikuweza kuuzoea uzuri wake, hivyo ilikua ni jambo la kawaida kulishangaa.

“Rose naomba nikuulze kitu! Utanisamehe kama nitakuwa nimekosea kukuulza swali hili ……”,niliongea huku nikijiweka tayali kwa ajili ya kumuulza swali Rose, bila kutambua kuwa nilikuwa hatarini kwani mzee Jastin alikuwa njiani akija nyumbani kwake baada ya kutoka kumsindikiza Rodgers.

“Hivi ulikusudia kunigonga na gari! “,ilibidi niulize swali ambalo sikuzote lilizunguka kichwani kwangu, na kila nilipokuwa nikitaka kumuulza swali hili Rose, roho yangu ilisita kwani sikupenda kumchukiza Rose, msichana mrembo ambaye ilinigharimu sana kumpata!

“Sina budi kukwambia ukweli Robert ……! Nilikugonga na gari kwa makusudi ili nikuue kabisaa, awali nilikuwa sikupendi na nilikuchukia sana………lakini kwa msaada wa wananchi walioshuhudia tukio walitaka kunishambulia nilipotaka kutoweka, ikabidi nirudi kukuchukua na kukupeleka hospitali “,Rose aliongea kwa huzuni sana, huku akionekana kujutia kitendo alichonifanyia. Lakini kwa upande wangu mapenzi yalitoweka ghafla!  mala tu baada ya kuniambia alitaka kuniua, niliona ilikuwa ni kweli kwani nilimfuatilia muda mrefu sana lakini sikuwa na bahati ya kupendwa, zaidi ya kuambulia mateso tu!

“Kwanini ulitaka kuniua?, nilikukosea nini ?”,niliongea huku nikiwa nina hasira, sikutaka kukaa tena mahali pale kwani niliona yote Rose aliyokuwa akinifanyia alikuwa kama anajilazimisha tu kunipenda, na pengine inawezekana alikuwa na lengo baya juu yangu.

“Nilipokuwa chuoni nilimpenda sana Peter ……,lakini Peter alikuwa akiniambia kuwa hawezi kuwa na mimi kwasababu   alizani mimi na wewe ni wapenzi,hivyo siku zote nilikuchukia kwani nilikuona wewe ndiye chanzo cha mimi kumkosa Peter”Rose aliongea huku akipiga magoti, lakini sikujali!  Niliona kama alikuwa akiniigizia tu.

“Vipi kuhusu Jacob! ” ,niliendelea kumswalisha Rose, na bila shaka aliweza kutambua kuwa nilikuwa nimechukia. Sikuwa na hofu, kwani ningeweza kuondoka sehemu yoyote na kuishi kwani nilikuwa nimepatiwa pesa nyingi sana na mheshimiwa raisi.

“Kuhusu Jacob, sikumpenda!, nililazimishwa tu na baba! .Nisamehe Rose lakini sasa hivi nakupenda kwa dhati, umevumilia mengi sana lakini hukusita kunipenda! Ndio maana najutaaa makosa yangu”,Rose aliongea mpaka nikaanza kumuonea huruma, kusema ukweli nilimpenda sana msichana huyu. Hivyo kitendo cha kumuona akianza kulia, ikabidi nipunguze hasira na maswali ambayo nilikuwa nazidi kumuuliza Rose.

********

Vyombo vya habari vinatangaza juu ya kutafutwa kwa muhusika aliyehusika na mauaji ya Jacob, televisheni ziliweza kuonesha picha za muuaji lakini stesheni za radio nazo hazikupitwa na taarifa hii, zilielezea muonekano wa muuaji vizuri sana kiasi kwamba hakuna mtu yoyote ambaye angeshindwa kumtambua muuaji kama angekutana naye uso kwa uso.

Mzee Jastin akiwa amekamatilia uskani wa gari yake, aliona kama gari halikimbii. Kwani alikuwa na haraka sana  baada ya kusikia taarifa ya habari kupitia radio yake, alikuwa anawahi nyumbani kwake eneo la Temeke kwa ajili ya kufanya jambo fulani ili kumuokoa Rodgers asiweze kukamatwa mala atakapofika Mombasa.Kwani alitambua kuwa Rodgers kafanikiwa kutoka Dar es salaam salama, kwani kipindi anaondoka na ndege, taarifa ya habari ilikuwa bado haijatangazwa.

“Inatakiwa nimtarifu haraka sana Okumu, aweze kutuma vijana uwanja wa ndege wakampokee, lakini simu imezima chaji!,sina jinsi zaidi ya kuwahi nyumbani ……”,Jastin aliongea huku akiikanyaga mafuta gari yake, na kila taa nyekundu zilipowaka muda mwingine hakuweza kusimama kwani aliona kama Rodgers alikuwa muhimu sana kuliko faini atakayolipa kama trafiki wakimtia mikononi.

********

Japokuwa taarifa ya habari haikuweza kuwafikia abiria waliokuwa ndani ya ndege, huku simu zao zikiwa zimezimwa. Lakini Rodgers machale yaliweza kumcheza, alihisi jambo baada ya kumuona askari mmoja akikagua abiria mmoja baada ya mwingine. Hivyo ilibidi Rodgers atumie akili za kuzaliwa ili kukwepa kukamatwa na polisi yule aliyekuwa amevalia jezi zake huku picha ya Rodgers akiwa ameishika mkononi, alitazama sura ya abiria na kisha kutazama sura ya Rodgers.Bila shaka! alionekana kuwa na asilimia mia moja kuwa mtuhumiwa aliweza kuwemo ndani ya ndege ile.

Je Rose anampenda kweli Robert?

**SEHEMU YA 07*

Mapenzi ni hisia za ajabu sana, ukimpenda mtu kwa dhati utajikuta ukifanya kila jambo uweze kumpata. Pengine hata kutoa uhai wa binadamu mwenzio ili tu moyo wako uweze kupata furaha. Hilo ndilo jambo pekee ambalo lilimkuta msichana mrembo Rose ,alikuwa kama mtumwa wa mapenzi.

Hakuwa tayali kulala bila kuiona sura ya Peter, mvulana pekee aliyetokea kumpenda siku zote alizokuwa akisoma chuo kikuu cha Sokoine mkoani Morogoro.

Kusema ukweli Peter na Rose waliendana sana ,na wote walikuwa maarufu sana chuoni. Ungeonekana mshamba sana kama ulikuwa unasomea SUA na hukuwa unamfahamu Rose. Vivyo hivyo kwa Peter, wale tu waliopenda kuvaa na kuendana na fasheni chuoni ndio waliokuwa wakimfahamu Peter, kijana pekee aliyeshinda mataji ya ubunifu wa mavazi ya kiume chuoni.

“Naitwa Rose Jastin, bila shaka mwenzangu unaitwa Peter Mathew ……”,yalikuwa ni maneno ambayo Rose  aliweza kuyaongea mwaka mmoja uliopita,mwaka ambao ulikuwa wa mwisho chuoni wa masomo yake.Bila kujali ugumu wa kozi ya Biotechnology aliyokuwa akisoma, hakusita kushiriki mashindano ya urembo chuoni, na siku zote aliibuka mshindi wa taji hilo, na kuvunja rekodi kuwa msichana wa kwanza kubeba taji hilo la  umisi chuoni miaka yote ya masomo yake huku akisoma kozi ngumu.

“Bila shaka ndiye mimi ……”,Peter aliongea huku akijifanya kama ndiyo ilikuwa mala yake ya kwanza kumuona Rose, japokuwa alipokea kadi nyingi pamoja na sms za kimapenzi kutoka kwa msichana huyo, lakini hakumpenda. Yeye aliridhika na maisha ya kiplay boy, maisha ya kuwatumia wanawake kama chombo cha starehe ndio maisha pekee ambayo Peter aliweza kuyachagua. Pesa haikuwa tatizo kwake, kwani baba yake alimiliki hoteli nyingi za kitalii pamoja na mabasi mengi ya abiria yaendayo mikoani. Hivyo basi, akaunti ya Peter ilikuwa na pesa nyingi kumtimizia kila alichokitaka kama kijana.

“In short, sikupendi! mpende sana Robert kwani anakupenda na sio mimi “,ni maneno ambayo mshindi wa kiume katika ubunifu wa mavazi, kijana mtanashati aliyekuwa akipendwa sana na wasichana chuoni aliongea kumjibu Rose kuhusu ombi lake la kuwa wapenzi, ombi ambalo Rose aliahidiwa kupatiwa jibu na Peter katika part hiyo. Siku zote Rose  hakuweza kumtamkia hisia zake Peter uso kwa uso, bali alimtumia kadi za kimapenzi, hakuishia hapo alitafuta namba ya Peter na alipoipata hakusita kuwasilisha hisia zake kwa kijana huyu mtanashati.

“Kwanini lakini hutaki kunipenda, familia zetu zote zina pesa, harafu pia mimi na we ……”Rose alitaka kumalizia sentesi yake, lakini alishangaa sana Peter akiondoka huku akimtamkia kauli ya mwisho ambayo ilimfanya Rose kuumia sana na kuapa kulipiza kisasi, kwa yule aliyesababisha aweze kumkosa mwanaume aliyempenda sana.

“Robert ndiye mtu pekee unayepaswa kumpenda, kafeli mala nyingi sana mitihani yake sababu yako, kaaibika sana sababu ya kukupenda…

Kuanzia leo ukinifuatilia tena nitakuua …”,Peter aliongea huku akiwa ana hasira sana ,hakuwa tayali kuniona nikiendelea kuteseka mimi kama rafiki yake, urafiki ambao ulinifanya na mimi nionekane kama miongoni mwa watu kati ya watu.

Urafiki wetu ulianza mala tu baada ya kumwagiwa kisahani changu cha chipsi siku moja nikiwa katika hoteli iliyoko maeneo ya chuo chetu cha SUA pale main Campus, hakuishia hapo, nilipokea matusi mengi sana kama unavyojua watoto wa kizaramo! wakiamua kukuaibisha, siku hiyo lazima ujute. Aliyenifanyia matendo hayo ya ajabu hakuwa mwingine bali Rose, mala baada ya kuingia hotelini na kunikuta nikiwa nimeketi nikila chipsi zangu. Siku zote alinichukia kwani kwa siku alipokea sms nyingi za kimapenzi kutoka kwangu, sababu pekee iliyomfanya abadili namba yake ya simu kila wakati. Japokuwa alinionya nisimpigie simu wala kumtumia meseji, lakini sikuweza kujali chochote kile!, moyo wangu ulikuwa tayali kupokea maumivu ya kila aina.

“Nimeshakukataza usinipigie simu maskini wewe, huna hadhi ya kuwa na mimi “,ni maneno ambayo Rose aliweza kuyaongea na kisha kunibatiza kwa maji ya Kilimanjaro, chupa ya maji ambayo alikuwa ameishika mikononi mwake.

Rose na kundi lake waliondoka baada ya kuniaibisha, kusema ukweli nilichoka! wenye huruma walinihurumia, lakini maadui zangu hasa wanafunzi wenzangu walionidharau kwa umaskini wangu walinicheka sana baada ya kushuhudia kitendo nilichokuwa nimefanyiwa.

“Pole sana kaka, kula chakula hiki, na niambie mtu gani mubaya kakufanyia hivi “,nikiwa nimeinama nikificha aibu ya kuzomewa, nilishtuka mkono wa mtu ukiwa begani kwangu. Niliinua uso wangu na kushangaa nikikabidhiwa chakula kizuri na mtu ambaye siku zote niliogopa hata kumsalimia ,kwani hakuwa  sawa na mimi. Alikuwa ni mtoto wa tajiri maarufu mkoani Morogoro aliyejulikana kwa jina la Peter, baba yake mzee Mathew alikuwa na pesa nyingi sana hivyo basi sikuwa nina hadhi ya kuwa na urafiki naye. Kwani wazazi wangu walikuwa maskini kiasi kwamba nilivaa nguo moja wiki nzima chuoni mpaka watu walinishangaa .

“Kuanzia leo wewe ni rafiki yangu ,nitahakikisha una mpata binti huyu kama kweli unampenda japo inaonekana hana tabia nzuri kama mke wa kuishi naye “,ni maneno ambayo Peter aliongea baada ya kumsimulia kila kitu,japo Peter alipenda sana wanawake, lakini nilishangaa akitamka jambo moja la muhimu sana ambalo nililipuzia kuwa Rose alikuwa ana tabia mbaya hakufaa kuwekwa ndani kama mke wangu. Ndugu msomaji ,hivyo ndivyo niliweza kumpata Peter kama rafiki mpya chuoni na kuyabadilisha maisha yangu. Shida yangu ilikuwa yake mpaka tukamaliza chuo huku nikiwa ninaheshimika na wanafunzi wenzangu chuoni tofauti na awali. Lakini urafiki wetu ulitoweka ghafla kama jinsi ulivyoanza, kwani Peter baada ya kumaliza chuo alisafiri kwenda nchini Uingereza, na huo ndio ukawa mwisho wangu  mimi na yeye kuwasiliana.

**–****—

“,Sawa Peter asante kwa kunikataa na kuniaibisha, lazima nitalipiza kisasi kwa mtu huyu mpumbavu aliyenifanya nitoe machozi leo hii ” ,Rose aliongea huku akimjibu Peter aliyekuwa akiondoka kwa hasira katika part, part ambayo ilifanyika baada ya mashindano mbalimbali ya sanaa kumalizika katika chuo chetu cha SUA.

Na huo ndio ukawa mwanzo wa visa vikali mimi na Rose, alimwambia baba yake kuhusu mimi mpaka kupelekea wazazi wangu kuuawa. Hakuishia hapo! aliamua kunigonga na gari ili aniue kabisa aliponiona nikivuka barabara kizembe huku nikitembea kwa miguu. Ilikuwa barabara ya Morogoro, karibu na kituo cha mwendokasi cha Ubungo baada ya kufika muda mfupi tu na basi la Abood kutoka kijijini kwetu Mikese mkoani Morogoro, kuja Dar es salaam kutafuta shule ya kufundisha na pia kumtafuta kipenzi changu Rose ambaye nilimfikilia kila muda bila kukoma.

Plani yake ilifeli! alijikuta anashambuliwa na watu waliokuwa eneo lile la mwendokasi mala tu baada ya kutaka kuliondoa gari   .Bila kupenda alijikuta akinifikisha hospitalini, ili kukwepa kichapo kutoka kwa wananchi hawa walioshuhudia ajari ile na kugundua kuwa Rose ndiye aliyekuwa na makosa.

Hakuwa na jinsi kuitafuta plani B ya kulipiza kisasi!, na plani pekee aliyoiona inafaa nikujirahisisha kwangu, na kuniweka karibu yake. Aliona bora kumkosea baba yake aliyekuwa akitaka aolewe na mtoto wa raisi aliyeitwa Jacob ,na kukubali kuolewa na mimi ili tu aweze kuniua kirahisi na kulipiza kisasi kwani nilisababisha aweze kumkosa mtu aliyempenda sana, kijana pekee ambaye alikuwa katika moyo wake ambaye aliitwa Peter.

Kenya;

Hatimaye baada ya saa moja kupita,ndege ndogo ya abiria inayomilikiwa na shirika la ndege la Air Tanzania ilianza kutua katika uwanja wa ndege wa kimataifa wa Mombasa (MOI).Ilikuwa ni safari ya mateso kwa Rodgers kwani alitumia muda mwingi wa safari hiyo akiwa amejificha chooni baada ya kumuona askari mmoja akimtafuta ndani ya ndege. Kusema ukweli alimanusura akamatwe kama asingewahi kumuona askari yule ,na kweli alipona! kwani Rodgers tiketi yake ilikuwa ya mwisho kukatwa, hivyo alikaa mwishoni siti ya nyuma kabisa.Askari alipojaribu kuulza kwani alikuta siti ya mwisho ikiwa wazi, aliambiwa mtu yule kaelekea chooni anasumbuliwa na tumbo la kuhara! Askari kwa vile alikagua asilimia kubwa ya abiria wote na kumkosa adui yake, aliamini hata mgonjwa aliyeelekea chooni atakuwa siye muhusika.

Dar es salaam;

 Hatimaye honi ya gari la mzee Jastin ilitushtua sana mimi na Rose, kwani sikujua mzee Jastin angenifanyia kitendo gani kama angenikuta ndani kwake.

Rose hakuwa tayali kumuona baba yake akiniua, sio kwamba alinipenda! La hasha, alitaka aniue mwenyewe na kulipiza kisasi kwa mikono yake mwenyewe.