Kumekuwa na mjadala mrefu miongoni mwa wataalamu wa lugha ya Kiswahili ikiwa kile kichachoitwa Kiswahili Sanifu ni lugha kamili na tafauti na lugha nyengine zinazozungumzwa kwenye maeneo yanayopakana nacho, kama vile Kimakunduchi (au Kikaye) kinachozungumzwa kusini mwa kisiwa cha Unguja, au zote kwa pamoja ni lahaja za lugha moja kuu, yaani Kiswahili. Msikilize Dk. Hans Mussa wa Chuo Kikuu cha Dar es Salaam akichambua tafauti baina ya Kimakunduchi na Kiswahili Sanifu mbele ya hadhara ya Kongamano la 29 la Kiswahili la Bayreuth, kusini mwa Ujerumani. Sikiliza sauti hapa

  Sehemu ya 3.pdf (Size: 143.01 KB / Downloads: 0)

Kwa  taarifa zaidi ni kwamba leo,  pendekezo na azimio lililowasilishwa na Jamhuri ya Muungano ya Tanzania  ya kuwa na Siku ya Kiswahili Duniani itakayosherehekewa kila  tarehe 7 Julai ya kila mwaka, imepitiswa  na Kamisheni ya Masuala ya Utawala, Fedha na Mahusiano ya Kimataifa (The APX Commission). Hivyo, tunasubiri  ipitishwe katika Plenary ya Mkutano Mkuu mwezi huu mwishoni ambayo itatoa  Azimio.

Habari za kutia moyo. Leo UNESCO imepitisha tarehe 7 Julai kuwa ni  siku ya Kiswahili Duniani.

Ni mwanzo mzuri kwa Kiswahili Kimataifa. Baadaye tunaweza kupata wakalimani kwenye vikao vya kimataifa nasi kuwasilisha masuala Kwa Kiswahili!!!

KISWAHILI NA WASWAHILI

Kodoa macho na tega sikio umsikilize aliyekuwa Naibu Katibu Mkuu wa Chama cha Usanifu wa Kiswahili na Ushairi Tanzania (UKUTA) Marehemu Mzee Salim bin Ali bin Hemed (Kibao) bin Abdallah bin Ali Albuhury ndugu halisi wa aliyekuwa Mwenyekiti wa Chama cha Usanifu wa Kiswahili na Ushairi Tanzania (UKUTA) Marehemu Sheikh Mohamed Ali Albuhury, akimwaga lulu za Kiswahili.

  FASILI ZA DHANA ZA FONOLOJIA MOFOLOJIA.pdf (Size: 80.82 KB / Downloads: 6)

  MIPAKA-BAINA-YA-FANI-NA-MAUDHUI-KATIKA-USHAIRI-WA-KISWAHILI.pdf (Size: 67.34 KB / Downloads: 3)


  MIPAKA-BAINA-YA-FANI-NA-MAUDHUI-KATIKA-USHAIRI-WA-KISWAHILI.docx (Size: 31.33 KB / Downloads: 5)

  JINSI-YA-KUJIBU-SWALI-LA-VITABU-1.pdf (Size: 308 KB / Downloads: 18)

Kivumishi Arifu
Kivumishi arifu hutambuliwa kuwa ni kijalizo kimojawapo. Kivumishi arifu ni neno linalotoa habari zaidi kuhusu kiima cha sentensi ila tu hakikai upande wa kiima bali hukaa upande wa kiarifu na huja mara tu baada ya kitenzi husishi. Kwa mfano:
(a) Mama ni mpole.
(b) Dada si mweupe.
© Baba yu mcheshi.
 
Utaona kwamba katika sentensi (a) neno mpole hutoa taarifa zaidi kuhusu nomino ya kiima mama, katika sentensi (b) neno mweupe hutoa taarifa zaidi ya nomino ya kiima dada na katika sentensi © neno mcheshi hutoa taarifa zaidi ya nomino ya kiima baba. Neno lolote ambalo hutoa taarifa zaidi kuhusu nomino huitwa kivumishi, na mara nyingi huja mara baada ya nomino k.m. Mama mrefu, dada mweupe au baba mcheshi. Lakini wakati mwingine kivumishi hicho chaweza kuja baada ya kitenzi husishi ndani ya kiarifu na kukamilisha taarifa za kitenzi husishi pia. Kwa hiyo hutambuliwa kama kijalizo.
 
Nomino Arifu
Nomino arifu hutambuliwa kuwa ni kijalizo pia. Nomino arifu ni neno linalofanya kazi ya kutaja kiima au kukibainisha. Hutokea sehemu ya kiarifu na huja mara tu baada ya kitenzi husishi kwa mfano:
(a) Mlima mrefu Barani Afrika ni Kilimanjaro.
(b) Yule kijana ni Askari.
 
Utaona kwamba katika sentensi (a) neno Kilimanjaro hufanya kazi ya kubainisha kiima kinachoelezwa kwenye sentensi na sentensi (b) neno askari hutaja au hubainisha kiima ni nani. Kwa kuwa maneno haya ni viambajengo vya sentensi na yako ndani ya kiarifu na hukamilisha taarifa za vitenzi husishi basi hutambuliwa kuwa ni vijalizo.

  Kuchambua_Fonolojia_na_Mofolojia_ya_Kisw.pdf (Size: 3.27 MB / Downloads: 2)