ETIMOLOJIA YA NENO 'AJUADI/AJWADI'

[MwlMaeda]

HII NDIYO ETIMOLOJIA YA NENO 'AJUADI/AJWADI'

Neno *ajuadi/ajwadi* katika lugha ya Kiswahili ni *kivumishi*  chenye maana zifuatazo:

1. -enye umaarufu sana, mashuhuri, -enye heshima kubwa.

2. -enye ubora zaidi.

3. -enye moyo wa kupenda kusaidia kwa hali na mali bila ubaguzi; karimu.

Katika lugha ya Kiarabu, neno hili *ajuadi/ajwadi*( *soma: ajwadu/ajwada/  اجود )*  lina maana zifuatazo:

1. Mtu karimu sana.

2. Mwenye kufanya kitu bora zaidi.

3.  Mwenye kwenda kasi sana aghalabu farasi.

Kinachodhihiri ni kuwa neno hili  la Kiarabu  *ajwadu/ajwada/  اجود*  lilipoingia katika  Kiswahili na kutoholewa kuwa neno *ajuadi/ajwadi*  maana zake katika lugha ya asili - Kiarabu  hazikubadilika.

*Shukran sana.*

*Khamis S.M. Mataka.*