SHAIRI: HAMJUI KUTONGOZA

[MwlMaeda]

HAMJUI KUTONGOZA
Vijana wa mamboleo,hamjui kutongoza,
Mjapo mbeleni mwao,hamna cha kueleza,
Domo mwakosa funguo,mwabaki kulipugaza,
Mngerudi darasani,mjifunze kutongoza.

Si wajuvi wa maleba,mwenda mwajikurupuza,
Kheri mngevaa raba,si surwali kulegeza,
Hata mje Mara saba,miye ninawapuuza,
Mngerudi darasani,mjifunze kutongoza.

Imeshazuka mitindo,namba mwaziombeleza,
Kisha mwajiunga bando,muanze kututongoza,
Hamuhimili kishindo,macho tukikutaniza,
Mngerudi darasani,mjifunze kutongoza.

Hamuishi kujisifu,yaso yenu kueleza,
Mwazileta hoja mfu,wachovu kubembeleza,
Mnatupa usumbufu,maswali kutuuliza,
Mngerudi darasani,mjifunze kutongoza.

Wa Zenji hata Misungwi,kwingineko nauliza,
Au tuwape makungwi,muweze kubembeleza?
Msemapo miye mwangwi,nashindwa kusikiliza,
Mngerudi darasani, mjifunze kutongoza.

Nimefichua machovu,beti sitapitiliza,
Niwache wasuluhivu,njia wakaileteza,
Waupate ukomavu,ujinga kuukataza,
Mngerudi darasani,mjifunze kutongoza.

Mtunzi Filieda Sanga
Mama B
Mrs Onesmo
Mwl wa Kiswahili
Mabibo DSM
0766371726/0659393796
Facebook Filieda Sanga
Email filiedasanga@yahoo.com

[MwlMaeda]

Ohoo, Kwan hujui, dunia imekurupuka,
Leo marafiki, kesho Ni yatima,
Huyo wa nini? Shida za mapema,
Upendo usojulikani, mwisho Ni uzwazwa,
Kuuzwa Kama tikikiti, njiani Paso mnada,
Kutongoza Ni akili, Wala siyo umbile.

Dar kimenuka, wengi wapotoka,
Utafikiri mizuka, isokuwa na mtaala,
Elimu imechanganya, akili imetupwa,
Eti uzungu kutaka, kumbe kujiua,
Wapi kwa lawama, vyuo kutapanya,
Dunia inakimbia, watu wanalegea,
Kutongoza Ni akili, Wala siyo mavazi.

Naona inatosha, japo siyo sana,
Ndoa siyo blauzia, ikichoka utauza,
Agano lilitoka, Tena bila kuchokana,
Sasa wa kukurupuka, utalalia pua,
Kuhema Kama korona, iso na sanitaiza,
Kaa kwa kuangalia, ongeza na kutazama,
Mke utamuona, hata bila kutongoza,
Mungu aweka neema, mioyo kupatana,
Kutongoza Ni akili, Wala siyo matembele.

??‍♂️??‍♂️??‍♂️??‍♂️