SHAIRI: THAMANI YA UPOLE

[MwlMaeda]

THAMANI YA UPOLE

1.Mwenzangu kaa kitako,
upulikize tamko.
Lisilo dhara na mwiko,
ni lenye fanaka kwako.

2.Rai hii ni aghali,
inazinduwa akili.
Ni tamko laukweli,
usio na mushikeli.

3.Hichi cha thamani kitu,
cha UPOLE mwanakwetu.
UPOLE swifa ya utu,
siyo kana utukutu.

4.Maneno ya MWENDAPOLE,
hayaji kimbelembele.
Hadi matoye yalole,
lipulike sikiole.

5.MPOLE ntu mwafaka,
fikiraze za fanaka.
Nenole lina baraka,
huwa limesawazika.

6.MPOLE tamko lake,
si rahisi lifunuke.
Mpaka uchambuzi wake,
wa wazo ukamilike.

7.UPOLE una thamani,
ni dhana bora jamani.
Ni tuzo lake MANANI,
kwa mjawe muumini

8.UPOLE ninaoghani,
si ukimya eleweni.
Si kuduwala jamani,
ni wa busara kichwani.

9.Mkora mwizi hatari,
ni wa ukimya mahiri
Uhasimu asitiri,
si UPOLE tahadhari.

10. UPOLE una ushwari,
si ukimya wenye shari.
UPOLE wabeba heri,
si utulivu hatari.

11.UPOLE  una thamani,
ni jamvia la amani.
Ee! Mtajika MANANI,
WAPOLE wajalieni.

12. Ewe nawe mashairi,
lete wako ushauri.
UPOLE wake usiri,
tweleze kwa umahiri.
    ------------------------

Rwaka rwa Kagarama,
(Mshairi Mnyarwanda)
Jimbo la Mashariki
Wilaya ya Nyagatare
Jamhuri ya RWANDA.