+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Majadiliano ya Wadau wa Kiswahili (https://jifunzekiswahili.co.tz/forumdisplay.php?fid=16)
+--- Thread: ETIMOLOJIA YA NENO 'BAFTA' (/showthread.php?tid=2602)
ETIMOLOJIA YA NENO 'BAFTA' - MwlMaeda - 06-19-2022
HII NDIYO ETIMOLOJIA YA NENO 'BAFTA'
Neno *bafta* katika lugha ya Kiswahili ni *nomino: [Ngeli: i-/zi-*] yenye maana ya kitambaa cheupe kinachotengenezwa kwa nyuzi za pamba.
Katika lugha ya Kiarabu, neno hili *bafta* limechukuliwa kutoka neno la Kiarabu *'baftah*( *soma: baftatun/baftatan/baftatin بفتة )* ambalo ni nomino ya Kiarabu yenye maana kitambaa cha hali ya juu kilichotengenezwa kutokana na nyuzi za pamba.
Vitambaa vya *bafta* ni mashuhuri sana nchini India na hutumika kushona suruali na mashati.
Kinachodhihiri ni kuwa neno *'baftatun بفتة* lilipoingia katika Kiswahili na kutoholewa kuwa neno *bafta* halikubadili maana yake katika lugha ya Kiarabu.
*TANBIHI:*
Nomino *bafta* ni neno *lililoarabishwa* kutoka lugha ya Kifaransa likiwa na maana ya nguo iliyoshonwa, nyuzi zilizosokotwa, busati, aina ya nguo iliyotengenezwa kutokana na pamba, kitambaa kinachotokana na sufi.
Nchini Misri *bafta* ni kitambaa cha hali ya juu kilichotengenezwa kutokana na pamba nyeupe.
Nchini Syria *bafta* ni kitambaa kilichotokana na hariri.
*Shukran sana.*
*Khamis S.M. Mataka.*