SHAIRI: NCHI YA KUDAI na Jovin K. F

[jokafe]

NCHIYAKUDAI (Jovin. K. F)

1.Wananchi sikieni, naanza kuhutubia,
Masikio yategeni, hotuba kuwaingia,
Tulituli tulieni, vurugu sijeingia,
Mrejesho nawapeni, pema tuje kufikia,
Nchi hii yakudai, mwaikwamisha wadai.

2.Fanyakazi mnadai, wasokazi wanadai,
Hamfanyi kwa uhai, mwafanya ili mdai,
Nchi yashindwa kuwahi, yapambana na madai,
Mara posho hazifai, posho nono mnadai,
Nchi hii ya kudai, mwaikwamisha wadai.

3.Nchimbele haisongi, yapotezwa na miruzi,
Changamoto zawa nyingi, dawa ni kufanya kazi,
Posho mtapata nyingi, kama mkifanyakazi,
Muache kuwa waringi, hebu ifanyeni kazi,
Nchi hii ya kudai, mwaikwamisha wadai.

Mtunzi: Jovin Kamugisha Felician (jokafe)
Diwani: Tinga Tinga.
Simu: 0756882752
Barua pepe: jovinfelician1@gmail.com