+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Fasihi simulizi (https://jifunzekiswahili.co.tz/forumdisplay.php?fid=6)
+---- Forum: Ushairi (https://jifunzekiswahili.co.tz/forumdisplay.php?fid=50)
+---- Thread: SHAIRI: KILE KIJUNGU (/showthread.php?tid=750)
SHAIRI: KILE KIJUNGU - MwlMaeda - 08-03-2021
KILE KIJUNGU
Kijungu chafikirisha,nawaza nafika mbali
Tena kinanikumbusha,waandishi mbalimbali
Kimbunga chapeperusha,kinachoishi kivuli?
Nakumbuka babu yangu,maruhumu Haji Gora
Ama kijungu ni kile,cha wale wasaka tonge?
Tulowasikia kale,ndicho chaleta mazonge
Sasa wamekuwa kwale,wanayaunda magenge
Ninamkumbuka gwiji,maruhumu Haji Gora
Au ni miradi bubu,yao wale wazalendo?
Yatuletea aibu,tukwame tukose mwendo
Hima mama toa jibu,usipite kandokando
Namkumbuka gambera,maruhumu Haji Gora
Kama ni ile Fungate,Ya Uhuru imekwisha
Twambie tumkamate,uma anaepotosha
Sema sisi tukufuate,mama anza kuwanyosha
Siwachi kukukumbuka,maruhumu Haji Gora
Hivi wamba hili jungu,ni la watoto na mama?
Mama ntilie Mungu,alomtwaa mapema
Samia hii mizungu,wenzako tumeshakwama
Wafumba mithili baba,yule alotoka mbali
Kifo kilipomkaba,roho iukache mwili
Wanawe wenye mahaba,walimuezeka swali
Babu alisema mali,wangeipata shambani
Abdul Ndembo(Wingu zito)
Mburahati sekondari