SHAIRI: DUDU - Printable Version

MyBB Internal: One or more warnings occurred. Please contact your administrator for assistance.

SHAIRI: DUDU - Printable Version

+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Fasihi simulizi (https://jifunzekiswahili.co.tz/forumdisplay.php?fid=6)
+---- Forum: Ushairi (https://jifunzekiswahili.co.tz/forumdisplay.php?fid=50)
+---- Thread: SHAIRI: DUDU (/showthread.php?tid=744)

SHAIRI: DUDU - MwlMaeda - 08-03-2021

DUDU
Mganga unipe dudu,nikamdhuru Nkwazi
Alale asijimudu,nitakupa hata mbuzi
Mno amenihusudu,kusema sana siwezi
Kumbe ni yeye kikwazo,Filieda hanitaki

Fungu lako nitakupa,mroge atapetape
Ahame asiwe hapa,tena mtie mapepe
Kaja jijini kwa pupa,sasa acheze mahepe
Kumbe ni yeye kikwazo,Filieda hanitaki

Kwani anampa nini,babu ramli tazama
Ashinde majalalani,hadi jua likizama
Mimi mwana wa mjini,mwaka huu atakoma
Kumbe ni yeye kikwazo,Filieda hanitaki

Babu jini jipya tuma,lisiende lilokongwe
Asiweze kuchutama,kwenye kiuno agongwe
Ashindwe na kula nyama,japo maungo asingwe
Kumbe ni yeye kikwazo,Filieda hanitaki

Fundi tamati shairi,kama huwezi nambie
Kitanzi changu tayari,kamba nijitundikie
Maisha kwangu shubiri,afadhali nikimbie

Abdul Ndembo
Mabibo sekondari