+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Fasihi simulizi (https://jifunzekiswahili.co.tz/forumdisplay.php?fid=6)
+---- Forum: Ushairi (https://jifunzekiswahili.co.tz/forumdisplay.php?fid=50)
+---- Thread: SHAIRI: IMPUZU (/showthread.php?tid=568)
SHAIRI: IMPUZU - MwlMaeda - 07-15-2021
[attachment=410]
IMPUZU.
------------
Jama nitoe utata,
muache kusitasita,
maswali mkiyaleta,
kitwani yaliyokita,
kuhusu vazi la jadi.
________
Kuhusu vazi la jadi,
walipataje wa jadi,
kitambaa siyo jadi,
ya wahenga wetu jadi,
vitu gani walivala?
_________
Mababu na bibi zetu,
wali na mbinu za kwetu,
ngozi za wanyama wetu,
magome ya miti yetu,
vema yakiwasitiri,
_________
Wali nao utambuzi,
wa kutengeneza ngozi,
magome walimaizi,
miti kufanyia kazi,
na mitindo wakavala.
_________
Magome kwetu Ruanda,
wahenga waliyapenda,
Impuzu ni Kinyarwanda,
ni nguo waliziunda,
toka magome ya miti.
_________
Makabila Tanzania,
na Kenya ninawambia,
Uganda, Burundi pia,
Kongo na huko Zambia,
impuzu walizivala.
_________
Jadi yetu siyo siri,
naionea fahari,
ya kale nikivinjari,
nipate wake uzuri,
niupambe kwa shairi.
_________
Rwaka rwa Kagarama,
Mshairi Mnyarwanda,
Wilaya ya Nyagatare,
Jimbo la Mashariki,RWANDA.