+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Fasihi simulizi (https://jifunzekiswahili.co.tz/forumdisplay.php?fid=6)
+---- Forum: Ushairi (https://jifunzekiswahili.co.tz/forumdisplay.php?fid=50)
+---- Thread: SHAIRI: UKURASA BIKIRA (/showthread.php?tid=492)
SHAIRI: UKURASA BIKIRA - MwlMaeda - 07-11-2021
Pweke ndimi, na ukurasa bikira
Ni mnyemi, naudara hiudara
Hausemi, wala kutowa ishara!
‘Mekodowa, mato pasi kupepesa
Sawa sawa, umenyoka ukurasa
Umetuwa, japo ningaupapasa
Chamba: 'Nena, na mimi nakusikiza
Au guna, aula ninong’oneza
Umenuna ? Basi ngaa niapiza!'
Haujibu, utadhaniya ni mfu
Au bubu, tena kiziwi kipofu!
Wan’adhibu, kwake sijafuwa dafu!
Ha-u-maji, hasema taukamuwa
Si mkwiji, hasema taufunguwa
Siliwiji, la kutenda hapumuwa
Mkaidi, ukurasa umedinda!
Liso budi, ndilo la mtu kutenda
Nd’o narudi, na mtungi wangu shinda!
Abdilatif Abdalla