SHAIRI LA KUMUENZI HAJI GORA HAJI

MyBB Internal: One or more warnings occurred. Please contact your administrator for assistance.

SHAIRI LA KUMUENZI HAJI GORA HAJI - Printable Version

SHAIRI LA KUMUENZI HAJI GORA HAJI - Printable Version

+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Watunzi wa Kiswahili (https://jifunzekiswahili.co.tz/forumdisplay.php?fid=17)
+--- Thread: SHAIRI LA KUMUENZI HAJI GORA HAJI (/showthread.php?tid=3)

SHAIRI LA KUMUENZI HAJI GORA HAJI - MwlMaeda - 06-14-2021

Tangao la nuru yako, limezunguka bahari
Kimbunga kwenye maeko, kimetulia shuwari
Yamepita maandiko, kwa kalamu ya kahari
Umekwisha mzunguko, kuishi kwenye sayari
Lala salama habibi, kipenzi cha washairi

Andiko la maajabu, labubujika bongoni
Ni andiko la dhahabu, si la kusoma chuoni
Ni tunu yake Wahabu, hidaya yenye thamani
Alitunukiwa babu, Gora pomoni moyoni
Lala salama habibi, kipenzi mwanafasihi

Unaishi vitabuni, umelala mioyoni
Maisha ya hali duni, uliishi duniani
Ni duni tulivyodhani, ila duni ya thamani
Naamini kwa Manani, maisha yako peponi
Lala salama habibi, kipenzi mwanachuoni

Nikuzungumze vipi, hata niishe kalima
Niziseme mara ngapi, sifa kwa yako heshima
Nikazitafute wapi, hadithi za kukusema
Yatosha japo makapi, bora niweke khatima
Lala salama habibi, kipenzi cha kila mtu

Ali Hilal
Zanzibar.
13.6.2021