+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Fasihi simulizi (https://jifunzekiswahili.co.tz/forumdisplay.php?fid=6)
+---- Forum: Ushairi (https://jifunzekiswahili.co.tz/forumdisplay.php?fid=50)
+---- Thread: SHAIRI: SIJAFAHAMU (/showthread.php?tid=2121)
SHAIRI: SIJAFAHAMU - MwlMaeda - 01-11-2022
SIJAFAHAMU
Maamuzi na hukumu, kipawa cha subuhana.
Namshukuru Karimu, kwa kunifadhili sana:
Mambo ni zamu kwa zamu, apendapo maulana,
Uzuri wake naona, ujane sijafahamu.
Pumu maradhi ya Mola, anipapo sitakana,
Kama anipavyo kula, na kuwaza na kunena:
Alipendalo si ila, kwa mtu kutendekana,
Uzuri wake naona, ujane sijafahamu.
Omba dua la maradhi, nipate kila namna,
Ikiwa Mungu haridhi, kazi bure hutavuna,
Pabakie kujiudhi, wala pato jema huna,
Uzuri wake naona, ujane sijafahamu.
©Shaaban bin Robert