SHAIRI: IMEMNAMBA DUNIA - Printable Version

MyBB Internal: One or more warnings occurred. Please contact your administrator for assistance.

SHAIRI: IMEMNAMBA DUNIA - Printable Version

+- JIFUNZE KISWAHILI (https://jifunzekiswahili.co.tz)
+-- Forum: My Category (https://jifunzekiswahili.co.tz/forumdisplay.php?fid=1)
+--- Forum: Fasihi simulizi (https://jifunzekiswahili.co.tz/forumdisplay.php?fid=6)
+---- Forum: Ushairi (https://jifunzekiswahili.co.tz/forumdisplay.php?fid=50)
+---- Thread: SHAIRI: IMEMNAMBA DUNIA (/showthread.php?tid=1269)

SHAIRI: IMEMNAMBA DUNIA - MwlMaeda - 09-24-2021

IMEMNAMBA DUNIA
21-09-2021
Kajitanua kifua, akatembea kwa ndaro
Mabega kuyanyanyua, asijitiye kasoro
Fahamu akajitoa, kwa watu kufanya kero
Azolewa kwa pauro, imemnamba dunia.

Imemnamba Dunia, muache agaregare
Mambo yamemfikia, acha roho yampare
Yale aliyoringia, sasa acha yamkere
Sasa aliwa ni chore, imemnamba dunia.

Imemnamba Dunia, kichwani sasa hanani
Mambo aliyavamia, kuyaweka kifuani
Sasa yamning'inia, hakika yu taabani
Hanani sasa hanani, imemnamba dunia.

Imemnamba Dunia, yamfundisha adabu
Wa vyele hakusikia, na hii ndio sababu
Njiani akapotea, jua likamsulubu
Sasa amekuwa bubu, imemnamba dunia.

Imemnamba Dunia, muacheni atuliye
Hakika kajichokea, kiasi ajililiye
Majuto ajijutia, acha leo aumiye
Akomeshwe akomaye, imemnamba dunia.

Ali Ben Othman
Zanzibar
2:12
21/9/2021