08-22-2021, 04:35 PM
MAJIGAMBO YA MWALIMU
Namba wani mtalamu, jina langu mwalijua?
Mimi naitwa mwalimu, kufunza nimebobea,
Nilezidi umuhimu, katika hii dunia,
Nani ataniambia, kanizidi umuhimu?
Hakuna alohitimu, bila kwangu kupitia,
Daktari na hakimu, kazi zangu wazijua,
Hayupo mwenye elimu, ashindwe kunitambua,
Ujinga nimewatoa, nanyi muwe watalamu.
Mwasema ni kazi ngumu, ya hadhi kujishushia,
Ni Nani Kama mwalimu, apite tukamjua,
Kwa fani ya Ualimu, kijana nimepatia,
Kufunza siishwi hamu, niendavyo kwa hatua.
Mwalimu Sina makamu, changu kiti kukalia,
Yangu kazi si dhalimu, ni ujinga kuung'oa,
Muulizeni hakimu, nini watu huombea?
Ujinga kuuondoa, maombi yangu mwalimu.