JIFUNZE KISWAHILI

NAJUA HUJUI

Ewe wangu buibui, mtanda wa roho yangu,
Najua hautambui, ijapo jambo la tangu,
Uvaapo baibui, huwa na furaha chungu,
Najua kuwa ujui, ukongavyo moyo wangu.

Usione ni ajabu, leo kuweka bayana,
Haki hunitoka tabu, na moyo huwa mwanana,
Unapovaa nikabu, mie hufurahi sana,
Najua kuwa ujui, ukongavyo moyo wangu.

kijana mie labibu, nitake nini zaidi,
Ikiwa wewe sababu, ya moyo kuwa baridi,
Unapovaa hijabu, furaha inanizidi,
Najua kuwa hujui, ukongavyo moyo wangu.

Tamati hapa mwenzio, tambua unaniweza,
Zidisha mazingatio, stara sijeteleza,
Ayi! Yako mitandio, furaha huiongeza,
Najua kuwa hujui, ukongavyo moyo wangu.

Mshairi Machinga,
mfaumehamisi @gmail.com,
+255716541703/752795964,
Dar es salaam, Kkoo.