JIFUNZE KISWAHILI

NAKUPENDA VIOLETH
Kwangu naona bahati, kukupata mke wangu,
Nikwonapo Violeth, moyo walia ngungungu,
Nimepewa Stiwart, zawadi toka kwa Mungu,
Nakupenda Violeth!

Hata nikienda mbali, bado nakufikiria,
Mapenzi Kama awali, moyoni yalivyomea,
Na tupendane wawili, achana nao wambea,
Nakupenda Violeth!

Mfano wako maua, ona ulivyojitenga,
Umbo umejichorea, hasa ukivaa kanga,
Mie chali nahemea, mpenzi umenifunga,
Nakupenda Violeth.

Na hivi unanilea, kwa chakula na mavazi,
Kitambi wakifumua, Violeth yako kazi,
Hakika nakuambia, wewe ni mke mjuzi,
Nakupenda Violeth!

Macho nilishapofuka, wenginewe siwaoni,
Najua wananitaka, naona wakazi gani,
Mrembo umeumbika, mwenye shepu kama mbuni,
Nakupenda Violeth.

Idara umetimia, jikoni na kitandani,
Nazidi kukuzimia, vile unanithamini,
Nani anakufikia, naona haufanani,
Nakupenda Violeth.

Mpenzi nipo njiani, sana nimekukumbuka,
Niandalie maini, chumba ukishatandika,
Ndo wangu nambari wani, mumeo sasa nafika,
Nakupenda Violeth.