METHALI ZINAZOHUSU MKONO

[MwlMaeda]

Ngoja nikupe methali za mkono

Mkono mmoja hauchinji ng’ombe.
Mkono mmoja haufungi kuni.
Mkono mmoja haulei mwana.
Mkono mmoja haujioshi.
Mkono mmoja haupasui kuni.
Mkono mtupu haurambwi.
Mkono na mkono ndio kitu huwa.
Mkono ni wako japo kuwa umelemaa.
Mkono ukinyewa na Mtoto haukatwi.
Mkono ushike kazi,na moyo ushike Mungu.
Mkono wa muungwana ni mizani.
Mkono utoao ndio upatao.
Mkono wa mpewaji daima hukaa chini.
Mkono wa mwenzako huwezi kukunia
Mkono na vidole ndio ngumi.