SHAIRI: NAACHAJE? - Printable Version +- JIFUNZE KISWAHILI (https://jifunzekiswahili.co.tz) +-- Forum: My Category (https://jifunzekiswahili.co.tz/forumdisplay.php?fid=1) +--- Forum: Fasihi simulizi (https://jifunzekiswahili.co.tz/forumdisplay.php?fid=6) +---- Forum: Ushairi (https://jifunzekiswahili.co.tz/forumdisplay.php?fid=50) +---- Thread: SHAIRI: NAACHAJE? (/showthread.php?tid=1094) |
SHAIRI: NAACHAJE? - John John - 09-01-2021 NAACHAJE? Moyoni ameingia, naachaje kumpenda? Mahaba anayajua, naahidi kumlinda, Machoni anavutia, kwa mwingine sitoenda, Naachaje kumpenda, mrembo aloumbika? Mfano wake siuoni, uzuri alojaliwa, Ngozi yake ya laini, kipenzi ameumbiwa, Mwingine sitotamani, ya nini kujisumbua? Naachaje kumpenda, mrembo aloumbika? Anipatia furaha, daima nachekelea, Vi maneno vya mzaha, hachoki kuniambia, Si mjuzi wa karaha, mrembo ametulia, Naachaje kumpenda, mrembo alojmbika? Naahidi kumlinda, wezi wasimkwapue, Wakafanya nikakonda, rahaye niijutie, Nikikosa langu tunda, nitaghafirika mie, Naachaje kumpenda, mrembo aloumbika? RE: SHAIRI: NAACHAJE? - MwlMaeda - 09-01-2021 Kongole sana kwa umahiri wa mashairi. Usisahau kuweka taarifa zako chini ya shairi ili kuonesha kuwa mtunzi ni wewe RE: SHAIRI: NAACHAJE? - John John - 09-01-2021 (09-01-2021, 02:03 PM)MwlMaeda Wrote: Kongole sana kwa umahiri wa mashairi. Usisahau kuweka taarifa zako chini ya shairi ili kuonesha kuwa mtunzi ni wewe Ahsante sana kwa kunikumbusha ndugu yangu |